📌 English
Welcome to Medak Fast News
Your trusted source for daily latest news, breaking updates, and important local & national stories. Stay informed with fast, fair, and accurate news anytime, anywhere.
👉 Subscribe now and never miss an update!

📌 اردو
میدک فاسٹ نیوز میں خوش آمدید
یہ آپ کا معتبر پلیٹ فارم ہے جہاں آپ کو روزانہ کی تازہ خبریں، بریکنگ نیوز اور اہم مقامی و قومی خبریں ملتی ہیں۔
👉 ابھی سبسکرائب کریں اور ہر خبر سے باخبر رہیں!

📌 తెలుగు (Telugu)
Medak Fast News కి స్వాగతం
ఇది మీ నమ్మకమైన వార్తా వేదిక. ఇక్కడ మీరు ప్రతిరోజూ తాజా వార్తలు, బ్రేకింగ్ న్యూస్ మరియు ముఖ్యమైన స్థానిక & జాతీయ వార్తలు తెలుసుకోవచ్చు.
👉 ఇప్పుడే సబ్‌స్క్రైబ్ చేయండి మరియు ప్రతి అప్డేట్‌ను మిస్ కాకండి!

📌 Roman Urdu
Medak Fast News mein Khush Aamdeed
Yeh aap ka bharosa mand platform hai jahan aap ko rozana taaza khabrein, breaking news aur aham maqami aur qaumi updates milte hain.
👉 Abhi subscribe karein aur har update se ba khabar rahen!


MEDAKFASTNEWS

భాగ్యులకు అండగా ‘ఆశ్రయ’.. సేవా కార్యక్రమానికి హరీశ్‌రావు ప్రశంసలు..

వృద్ధులకు ఆత్మీయత.. అనాథలకు ఆలంబన.

‘ఆశ్రయ’ వృద్ధాశ్రమం, అనాథ శరణాలయం ప్రారంభించిన మాజీ మంత్రి హరీశ్‌రావు..

కార్యక్రమంలో పాల్గొన్న
కంటారెడ్డి తిరుపతిరెడ్డి..


సమాజంలో నిరాశ్రయులుగా మిగిలిన వృద్ధులకు అండగా నిలవడంతో పాటు అనాథలకు ఆశ్రయం, ఆప్యాయత కల్పించాలనే సంకల్పంతో మహిళా మండలి సమాఖ్య ఆధ్వర్యంలో ఏర్పాటు చేసిన ‘ఆశ్రయ’ వృద్ధాశ్రమం, అనాథ శరణాలయం ప్రారంభోత్సవం శుక్రవారం నిర్వహించారు. మాజీ మంత్రి తన్నీరు హరీశ్‌రావు జ్యోతి ప్రజ్వలన చేసి కేంద్రాన్ని ప్రారంభించారు.
ఈ సందర్భంగా సేవా సంకల్పంతో ఆశ్రయం అవసరమైన వృద్ధులు, అనాథలకు చేయూతనిచ్చేందుకు ముందుకొచ్చిన మహిళా మండలి సమాఖ్య నిర్వాహకులను హరీశ్‌రావు అభినందించారు. సమాజంలో ఆపన్నులకు అండగా నిలవడం, నిరాధారులకు ఆత్మీయతను పంచడం వంటి సేవా కార్యక్రమాలు మానవతా విలువలకు ప్రతీకగా నిలుస్తాయని పేర్కొన్నారు. వృద్ధులకు గౌరవప్రదమైన జీవనం, అనాథలకు భద్రతతో కూడిన ఆశ్రయం కల్పించే ఇలాంటి కార్యక్రమాలు సమాజానికి స్ఫూర్తిదాయకమన్నారు. ఈ కార్యక్రమంలో ఆశ్రమం నిర్వాహకులు మహిళలు తదితరులు పాల్గొన్నారు.

20 minutes ago | [YT] | 0

MEDAKFASTNEWS

రామాయంపేటలో కాంగ్రెస్‌కు చెందిన యువకులు బీఆర్‌ఎస్‌లో చేరిక..

పద్మా దేవేందర్‌రెడ్డి ఆధ్వర్యంలో మాజీ మంత్రి తన్నీరు. హరీశ్‌రావు సమక్షంలో పార్టీలో చేరిన యువకులు..

మెదక్ జిల్లా రామాయంపేట పట్టణానికి చెందిన కాంగ్రెస్ పార్టీ నాయకులు, యువకులు బీఆర్‌ఎస్‌ పార్టీలో చేరారు. మాజీ కౌన్సిలర్ రాఫ్ శ్యామ్‌తో పాటు సుమారు 60 మంది కాంగ్రెస్ పార్టీకి చెందిన యువకులు శుక్రవారం హైదరాబాద్‌లోని తెలంగాణ భవన్‌లో బీఆర్‌ఎస్‌ తీర్థం పుచ్చుకున్నారు.మాజీ ఉపసభాపతి పద్మా దేవేందర్‌రెడ్డి ఆధ్వర్యంలో జరిగిన ఈ చేరిక కార్యక్రమంలో మాజీ మంత్రి తన్నీరు హరీశ్‌రావు వారికి గులాబీ కండువాలు కప్పి పార్టీలోకి సాదరంగా ఆహ్వానించారు.ఈ కార్యక్రమంలో బీఆర్‌ఎస్‌ నాయకులు కంఠరెడ్డి. తిరుపతిరెడ్డి, రామాయంపేట పీఏసీఎస్‌ చైర్మన్ బాదే. చంద్రం, మున్సిపల్ మాజీ చైర్మన్ పల్లె. జితేందర్ గౌడ్, సీనియర్ నాయకులు సుప్రభాత్‌రావు, కౌన్సిలర్ కొక్కు ప్రవీణ్, నాయకులు ఉమామహేశ్వర్, ఆసనోదిన్,అహ్మద్ తదితర నాయకులు, కార్యకర్తలు పాల్గొన్నారు.

44 minutes ago | [YT] | 1

MEDAKFASTNEWS

కేసీఆర్ మళ్లీ సీఎం కావాలంటూ ఏడుపాయల నుంచి ఎర్రవల్లికి పాదయాత్ర..

అమ్మవారి ప్రసాదం అందజేసిన తెలంగాణ ఉద్యమకారులు..

పాదయాత్ర బృందానికి కేసీఆర్ అభినందనలు..


తెలంగాణలో కేసీఆర్ నాయకత్వం మళ్లీ రావాలని ఆకాంక్షిస్తూ ఏడుపాయల వనదుర్గమ్మ ఆలయం నుంచి ఎర్రవల్లి వరకు చేపట్టిన పాదయాత్ర లక్ష్యాన్ని చేరుకుంది. మెదక్ నియోజకవర్గ తెలంగాణ ఉద్యమకారులు, బీఆర్ఎస్ నాయకులు ఎర్రవల్లిలో మాజీ సీఎం, బీఆర్ఎస్ అధినేత కల్వకుంట్ల చంద్రశేఖర్‌రావును కలిసి ఏడుపాయల అమ్మవారి ప్రసాదాన్ని అందజేశారు. అమ్మవారి ఆశీస్సులతో కేసీఆర్ మరోసారి ముఖ్యమంత్రి కావాలని ఆకాంక్షిస్తూ చేపట్టిన ఈ పాదయాత్ర రాజకీయంగా ప్రాధాన్యత సంతరించుకుంది.
ఏడుపాయల వనదుర్గమ్మ ఆలయంలో ప్రత్యేక పూజలు నిర్వహించి, అమ్మవారి ప్రసాదాన్ని కేసీఆర్‌కు అందించాలనే సంకల్పంతో మెదక్ నియోజకవర్గ ఉద్యమకారులు పాదయాత్రగా బయలుదేరారు. పలు మండలాల మీదుగా సాగిన యాత్రలో బీఆర్ఎస్ నాయకులు, తెలంగాణ ఉద్యమకారులు పాల్గొని కేసీఆర్ నాయకత్వంపై తమ ఆకాంక్షను చాటుకున్నారు.
ఈ సందర్భంగా నాయకులు మాట్లాడుతూ.. కేసీఆర్ పాలనలో తెలంగాణ అభివృద్ధి, సంక్షేమ రంగాల్లో ముందుకు సాగిందని, ప్రజలకు అనేక సంక్షేమ పథకాల ద్వారా అండగా నిలిచారని పేర్కొన్నారు. రాష్ట్రంలో మళ్లీ సంక్షేమ పాలన కొనసాగాలని, కేసీఆర్ మరోసారి ముఖ్యమంత్రి కావాలని ప్రజలు ఆశిస్తున్నారని తెలిపారు. ఏడుపాయల అమ్మవారికి మొక్కుకొని, ప్రసాదాన్ని తీసుకుని ఎర్రవల్లి వరకు పాదయాత్రగా చేరుకోవడం తమకు ఎంతో సంతోషంగా ఉందన్నారు.భక్తి, తెలంగాణ ఉద్యమ స్ఫూర్తి, కేసీఆర్ నాయకత్వంపై అభిమానంతో ఏడుపాయల నుంచి ఎర్రవల్లి వరకు పాదయాత్ర చేపట్టడం అభినందనీయమని కేసీఆర్ పాదయాత్ర బృందాన్ని అభినందించారు.ఈ పాదయాత్ర కల్వకుంట గ్రామ సర్పంచ్ అందె కొండల్ రెడ్డి, శంకరంపేట మాజీ సర్పంచ్ కుమార్ గౌడ్ ఆధ్వర్యంలో కొనసాగింది. పాదయాత్రలో మాజీ వైస్ ఎంపీపీ సత్యనారాయణ గౌడ్, రజక్‌పల్లి సర్పంచ్ కనకరాజు, బీఆర్ఎస్వీ నియోజకవర్గ నాయకులు గంజి నవీన్ శ్రీనివాస్, బీఆర్ఎస్వీ మండల అధ్యక్షుడు మావురం రాజు, వార్డు సభ్యుడు పంపరి నాగేష్‌తో పాటు నియోజకవర్గంలోని వివిధ మండలాలకు చెందిన నాయకులు వినయ్, ప్రవీణ్, సాయి, విల్సన్, సల్మాన్, అంతేలి నాగరాజు, కనకరాజు రమేష్, స్వామి, రాజు, శేఖర్, శ్రీకాంత్, నరేష్, లక్ష్మణ్, రమేష్ తదితరులు పాల్గొన్నారు.

18 hours ago | [YT] | 14

MEDAKFASTNEWS

ప్రచురణార్థం
మెదక్ 19 నవంబర్ 2026

మెదక్ టూరిజం అభివృద్ధిపై ‌ ప్రత్యేక శ్రద్ధ తీసుకుంటున్నామని జిల్లా కలెక్టర్ ప్రతిమాసింగ్ తెలిపారు.

గురువారం హైదరాబాద్ నుండి టూరిజం కార్పొరేషన్ మెంబర్స్ ‌ శ్రియా రెడ్డి, యాదగిరిలు
మెదక్ పర్యాటక ప్రాంతాలను సందర్శించి తదుపరి మెదక్ కలెక్టర్ క్యాంపు కార్యాలయంలో జిల్లా కలెక్టర్ ప్రతిమసింగ్ గారితో నేరుగా సంభాషించారు.
ఈ సందర్భంగా కలెక్టర్ మెదక్ పర్యాటక ప్రాంతాల అభివృద్ధిపై డిపిఆర్ రూపొందించిన తీరుతెన్నులు టూరిజం అభివృద్ధి భవిష్యత్తు‌ కార్యచరణ సంబంధించిన వివరాలను ‌ సుదీర్ఘంగా వివరించారు. ప్రముఖ పర్యాటక ప్రాంతాలు పర్యాటక శోభ ఉట్టిపడేలా తుది మెరుగులు, తీసుకువచ్చే విధంగా ‌ చర్యలు తీసుకుంటున్నామన్నారు.

ఈ కార్యక్రమంలో జెడ్పిసిఓ ఎల్లయ్య, డి పి ఆర్ ఓ రామచంద్ర రాజు,ఈ డి యం సందీప్, గైడ్ సంతోష్, తదితరులు పాల్గొన్నారు.

19 hours ago | [YT] | 0

MEDAKFASTNEWS

ప్రచురణార్థం
Medak 19 నవంబర్ 2026

లింగసన్‌పల్లి తండాలో 'మాస్ గ్రౌండింగ్ ఆఫ్ మ్యాజిక్ సోక్‌పిట్స్' కార్యక్రమం

గ్రామాలలో పారిశుధ్య మెరుగుదల మరియు మురుగునీటి నివారణే లక్ష్యంగా నిర్వహిస్తున్న 'మాస్ గ్రౌండింగ్ ఆఫ్ మ్యాజిక్ సోక్‌పిట్స్' (Mass Grounding of Magic Soakpits) కలెక్టర్ గారు నేడు పాల్గొన్నారు. హవేలీ ఘన్‌పూర్ మండలం, లింగసన్‌పల్లి తండా గ్రామ పంచాయతీలో ఈ ప్రత్యేక కార్యక్రమాన్ని నిర్వహించారు.

ఈ సందర్భంగా అదనపు కలెక్టర్ మాట్లాడుతూ, నగేష్ మాట్లాడుతూ ప్రతి ఇంటి ఆవరణలో ఇంకుడు గుంతలు (మ్యాజిక్ సోక్‌పిట్స్) నిర్మించుకోవడం వల్ల గ్రామాలలో మురుగునీరు నిల్వ ఉండదని, తద్వారా దోమల వ్యాప్తిని అరికట్టి సీజనల్ వ్యాధులను నివారించవచ్చని తెలిపారు. భూగర్భ జలాల పెంపునకు కూడా ఇవి ఎంతో దోహదపడతాయని పేర్కొంటూ, గ్రామస్తులందరూ ఈ కార్యక్రమంలో భాగస్వాములు కావాలని పిలుపునిచ్చారు. అనంతరం అధికారులతో కలిసి సోక్‌పిట్ నిర్మాణ పనులను ప్రారంభించారు.

ఈ కార్యక్రమంలో జెడ్.పి.సి.ఇ.ఓ ఎల్లయ్య, డి.ఆర్.డి.ఓ పిడి శ్రీనివాసరావు ,డి.పి.ఓ యాదయ్య, ఎం.పి.డి.ఓ , సర్పంచ్ కే శాంత బాబు పంచాయతీ కార్యదర్శి, ఇతర మండల స్థాయి అధికారులు, ప్రజా ప్రతినిధులు మరియు గ్రామస్తులు పెద్ద సంఖ్యలో పాల్గొన్నారు.

19 hours ago | [YT] | 1

MEDAKFASTNEWS

జిల్లా పోలీస్ కార్యాలయం
మెదక్ జిల్లా

పత్రికా ప్రకటన
19.11.2026

బాలికపై లైంగిక దాడి కేసులో నిందితుడికి ఏడేళ్ల కఠిన కారాగార శిక్ష

రూ.20 వేల జరిమానా విధించిన ఫాస్ట్ ట్రాక్ పోక్సో కోర్టు

కేసులో సమర్థవంతంగా పనిచేసిన పోలీస్ అధికారులు, సిబ్బందిని అభినందించిన జిల్లా ఎస్పీ డి.వి. శ్రీనివాస రావు, ఐపీఎస్

శంకరంపేట-ఎ పోలీస్ స్టేషన్ పరిధిలో 17 ఏళ్ల బాలికపై లైంగిక దాడికి పాల్పడిన వడ్య సురేష్ అనే నిందితుడికి ఫాస్ట్ ట్రాక్ పోక్సో న్యాయస్థానం ఏడేళ్ల కఠిన కారాగార శిక్షతో పాటు రూ.20 వేల జరిమానా విధించినట్లు మెదక్ జిల్లా ఎస్పీ డి.వి. శ్రీనివాస రావు, ఐపీఎస్ తెలిపారు.

కేసు వివరాల్లోకి వెళితే.. నిందితుడు సురేష్ బాలికకు ఇష్టం లేకపోయినా ప్రేమిస్తున్నానంటూ వెంటపడేవాడు. ఒకరోజు బాలిక పశువులను మేపేందుకు వెళ్లిన సమయంలో ప్రేమిస్తున్నానని, పెళ్లి చేసుకుంటానని నమ్మించి బలవంతంగా లైంగిక దాడికి పాల్పడ్డాడు. అనంతరం హైదరాబాద్‌కు వెళ్లిపోయిన నిందితుడు కొంతకాలం బాలికతో ఫోన్‌లో మాట్లాడాడు. 12.03.2022న పెళ్లి చేసుకుంటానని నమ్మించి హైదరాబాద్‌కు రావాలని బాలికను కోరాడు. దీంతో బాలిక శంకరంపేట-ఎ నుంచి అద్దె ఆటోలో హైదరాబాద్‌కు బయలుదేరింది. అయితే బాలిక ఒంటరిగా ప్రయాణిస్తుండటంపై అనుమానం వచ్చిన ఆటో డ్రైవర్ ఆమెను జోగిపేట పోలీస్ స్టేషన్‌లో అప్పగించాడు. పోలీసులు బాలికను ఆమె ఇంటి వద్దకు చేర్చారు. అనంతరం నిందితుడు పెళ్లి చేసుకోవడానికి నిరాకరిస్తున్నాడని బాలిక తన తల్లికి తెలపడంతో, ఆమె ఫిర్యాదు మేరకు 23.03.2022న శంకరంపేట-ఎ పోలీస్ స్టేషన్‌లో ఏఎస్ఐ అశోక్ కుమార్ కేసు నమోదు చేశారు.

ఈ కేసులో అప్పటి దర్యాప్తు అధికారి సీఐ జార్జ్ విచారణ చేపట్టి అవసరమైన సాక్ష్యాధారాలను సేకరించి న్యాయస్థానంలో సమర్పించారు. స్పెషల్ పబ్లిక్ ప్రాసిక్యూటర్ బాలయ్య సమర్థవంతంగా వాదనలు వినిపించారు. ఇరుపక్షాల వాదనలు, సాక్ష్యాధారాలను పరిశీలించిన ఫాస్ట్ ట్రాక్ పోక్సో న్యాయమూర్తి ఆర్.ఎం. సుభావళి నిందితుడికి ఏడేళ్ల కఠిన కారాగార శిక్షతో పాటు రూ.20 వేల జరిమానా విధిస్తూ తీర్పు వెలువరించారు.

ఈ కేసులో నిందితుడికి శిక్ష పడేలా కృషి చేసిన ఐఓ సీఐ జర్జ్, పీపీ బాలయ్య, శంకరంపేట ఎస్సై ప్రవీణ్ రెడ్డి, కోర్టు లైజన్ అధికారులు ఎస్సై విఠల్, కానిస్టేబుల్ కృష్ణ గౌడ్, సీడీఓ విటోబాలను జిల్లా ఎస్పీ అభినందించారు.

20 hours ago | [YT] | 1

MEDAKFASTNEWS

ప్రచురణార్థం
మెదక్ 19 నవంబర్ 2026

ఇందిరమ్మ కుటుంబ జీవిత బీమా పథకం – ప్రతి కుటుంబానికి ₹5 లక్షల భరోసా!*

జిల్లా కలెక్టర్ ప్రతిమమాసింగ్

*తెలంగాణ ప్రజా ప్రభుత్వం ప్రతి కుటుంబానికి ఆర్థిక భద్రత కల్పించాలనే లక్ష్యంతో ఇందిరమ్మ కుటుంబ జీవిత బీమా పథకాన్ని అమలు చేసేందుకు ముందుకు వచ్చిందని కలెక్టర్ ప్రతిమ సింగ్. బుధవారం ఒక ప్రకటనలో తెలిపారు

* ప్రజా సంక్షేమ దార్శనికతతో ప్రజలకు మరింత భరోసా కల్పించే దిశగా ప్రభుత్వం కృషి చేస్తోంది.*

*పథకం ముఖ్య వివరాలు*

*బీమా మొత్తం:* అర్హులైన ప్రతి కుటుంబానికి ₹5 లక్షల జీవిత బీమా రక్షణ.

*వయస్సు:* 18–59 సంవత్సరాల వయసు గల ఉపాధి పొందే కుటుంబ సభ్యులకు సంబంధించిన నిబంధనలు వర్తిస్తాయి.

*ఎవరికి వర్తిస్తుంది?* ప్రభుత్వ మార్గదర్శకాల ప్రకారం అర్హత కలిగిన కుటుంబాలకు ఈ పథకం వర్తిస్తుంది.

*నామినీ:* బీమా పొందే వ్యక్తి నామినీ వివరాలను నమోదు చేయించుకోవాలి.

*ఎక్కడ దరఖాస్తు చేసుకోవాలి?*

==> గ్రామీణ ప్రాంతాల్లో గ్రామ పంచాయతీ కార్యాలయం, గ్రామస్థాయి అధికారులు, సంబంధిత ప్రత్యేక నమోదు కేంద్రాల్లో సంప్రదించాలి.

==> పట్టణ ప్రాంతాల్లో మున్సిపల్ కార్యాలయం (లేదా) ప్రభుత్వం ఏర్పాటు చేసే ప్రత్యేక నమోదు కేంద్రాల్లో వివరాలు తెలుసుకోవాలి.

==> ప్రభుత్వం ప్రకటించే నమోదు తేదీలు, అధికారిక మార్గదర్శకాల ప్రకారం దరఖాస్తు ప్రక్రియను పూర్తి చేయాలి.

*అవసరమైన పత్రాలు*
1. ఆధార్ కార్డు
2. రేషన్ కార్డు
3. బీమా పొందే వ్యక్తి వివరాలు
4. నామినీ వివరాలు
5. మొబైల్ నంబర్

*అర్హులైన ప్రతి ఒక్కరికీ విజ్ఞప్తి!*

అర్హత కలిగిన ప్రతి ఒక్కరూ ప్రభుత్వ మార్గదర్శకాల ప్రకారం నమోదు చేసుకుని, ఈ బీమా పథకాన్ని సద్వినియోగం చేసుకోవాలి.

*ఒక కుటుంబానికి ఆపద సమయంలో అండగా నిలిచే ₹5 లక్షల ఆర్థిక భరోసా – ఇందిరమ్మ కుటుంబ జీవిత బీమా పథకం*

*ప్రజల సంక్షేమమే ప్రభుత్వ
లక్ష్యం.

20 hours ago | [YT] | 0

MEDAKFASTNEWS

ప్రెస్ రిలీజ్
నవంబర్ 19
మెదక్

*ఎస్‌ఐఆర్-2026 గడువు పొడిగింపు – నవంబర్ 30 వరకు క్లెయిమ్స్, అభ్యంతరాలు స్వీకరణ*

*రివైజ్డ్ షెడ్యూల్‌ను పకడ్బందీగా అమలు చేయాలి*

*జిల్లా కలెక్టర్, జిల్లా ఎన్నికల అధికారి ప్రతిమా సింగ్

భారత ఎన్నికల సంఘం ఆదేశాల మేరకు, తెలంగాణ రాష్ట్రంలో చేపడుతున్న ప్రత్యేక ఓటరు జాబితా సవరణ (Special Intensive Revision–2026) కార్యక్రమానికి సంబంధించిన షెడ్యూల్‌ను సవరించినట్లు *జిల్లా కలెక్టర్, జిల్లా ఎన్నికల అధికారి ప్రతిమా సింగ్ గురువారం ఒక ప్రకటనలో తెలిపారు.

ప్రజలకు మరింత అవకాశం కల్పించేందుకు క్లెయిమ్స్, అభ్యంతరాల దాఖలు గడువును నవంబర్ 18 నుంచి నవంబర్ 30 వరకు పొడిగించినట్లు వెల్లడించారు.

అర్హత కలిగిన ప్రతి ఓటరు ఓటరు జాబితాలో పేరు నమోదు, మార్పులు, తొలగింపులు, సవరణలు, చిరునామా మార్పు వంటి దరఖాస్తులను నిర్ణీత గడువులోగా సమర్పించాలని సూచించారు. ఇప్పటికే నోటీసులు అందుకున్న అనామలీస్, నో మ్యాపింగ్ ఓటర్లు తప్పనిసరిగా తమ వివరాలను సరిచేసుకోవాలని కోరారు.

*సవరించిన షెడ్యూల్*

*క్లెయిమ్స్, అభ్యంతరాల స్వీకరణ:* నవంబర్ 18 – నవంబర్ 30

*నోటీసుల దశ, విచారణలు, క్లెయిమ్స్ - అభ్యంతరాల పరిష్కారం:* 17 ఆగస్టు – డిసెంబర్ 15

*తుది ఓటరు జాబితా ప్రచురణ:* డిసెంబర్ 22

జిల్లాలోని ఎలక్టోరల్ రిజిస్ట్రేషన్ అధికారులు (EROలు), అసిస్టెంట్ ఎలక్టోరల్ రిజిస్ట్రేషన్ అధికారులు (AEROలు), సూపర్వైజర్లు, బూత్ లెవల్ అధికారులు (BLOలు) సవరించిన షెడ్యూల్‌ను పకడ్బందీగా అమలు చేయాలన్నారు.

ప్రతి పోలింగ్ కేంద్ర పరిధిలో సవరించిన షెడ్యూల్‌పై విస్తృత ప్రచారం నిర్వహించి, ప్రజలకు అవగాహన కల్పించాలని సూచించారు.

ఎస్‌ఐఆర్-2026 కార్యక్రమ పురోగతిని నిరంతరం పర్యవేక్షిస్తూ, ఎన్నికల సంఘం నిర్దేశించిన గడువు లోగా అన్ని ప్రక్రియలను పూర్తి చేయాలని స్పష్టం చేశారు.

20 hours ago | [YT] | 0

MEDAKFASTNEWS

59వ జాతీయ గ్రంథాలయ వారోత్సవాల్లో భాగంగా ఘనంగా మహిళా దినోత్సవం, ముగ్గుల పోటీలు

గ్రంథాలయాలను మహిళలు, విద్యార్థులు సద్వినియోగం చేసుకోవాలి – చిలుముల సుహాసిని రెడ్డి

మెదక్ జిల్లా కేంద్ర గ్రంథాలయంలో 59వ జాతీయ గ్రంథాలయ వారోత్సవాల్లో భాగంగా మహిళా దినోత్సవం, విద్యార్థులకు ముగ్గుల పోటీలు నిర్వహించడంతో పాటు పురాతన స్టాంపులు, ఖజానా బిల్లులు, పాతకాలపు రూపాయలు తదితర చారిత్రక వస్తువుల ప్రదర్శన ఏర్పాటు చేశారు.

ఈ కార్యక్రమానికి ముఖ్య అతిథిగా మెదక్ జిల్లా గ్రంథాలయ సంస్థ చైర్మన్ శ్రీమతి చిలుముల సుహాసిని రెడ్డి గారు హాజరయ్యారు. ఈ సందర్భంగా ఆమె మాట్లాడుతూ గ్రంథాలయాల ద్వారా ఎన్నో విజ్ఞాన విషయాలు తెలుసుకోవచ్చని, మహిళలు, విద్యార్థులు గ్రంథాలయాలను పూర్తిస్థాయిలో సద్వినియోగం చేసుకోవాలని సూచించారు.

అనంతరం పురాతన, చారిత్రక వస్తువులను ఎంతో శ్రద్ధగా, జాగ్రత్తగా ప్రదర్శనకు ఏర్పాటు చేసిన యాదగిరిని ప్రత్యేకంగా అభినందించారు.

ఈ కార్యక్రమంలో గణేష్, దాసరి రాజు, శ్రీనివాస్, స్వామి, అర్చన, ఉమాదేవి, సుజాత, మురళి, షాహిన్ సుల్తానా, మహేష్, నవీన్, ఉపాధ్యాయులు మల్లేశం, ఉండాళ్ల రాజేశం, ప్రశాంత్, భవాని, చైతన్య, శ్వేత, స్వాతి తదితరులు, పాఠశాల విద్యార్థులు, గ్రంథాలయ సిబ్బంది పాల్గొన్నారు.

21 hours ago | [YT] | 0

MEDAKFASTNEWS

మన జిల్లాలో ప్రాథమిక పాఠశాలలో ఉపాధ్యాయుల కొరత కారణంగా విద్యా వాలంటీర్ల నియామకం చేపట్టాలని గౌరవ జిల్లా కలెక్టర్ శ్రీమతి ప్రతిమా సింగ్ గారికి జిల్లా అధ్యక్షులు సుంకరి కృష్ణ ప్రాతినిధ్యం.

జిల్లా మాజీ అధ్యక్షులు సత్యనారాయణ రెడ్డి గారు, శ్రీనివాస్ గారు, అసోసియేటర్ అధ్యక్షులు నాగరాజు గారు మెదక్ పట్టణ ప్రధాన కార్యదర్శి కుమార్ గారు మండల అధ్యక్షులు చంద్రశేఖర్ గారు నార్సింగి అధ్యక్షులు రాజుగారు శంకరంపేట ప్రధాన కార్యదర్శి హరిబాబు గారు, బాధ్యులు సలీం గారు పాల్గొన్నారు.

21 hours ago | [YT] | 0