📌 English
Welcome to Medak Fast News
Your trusted source for daily latest news, breaking updates, and important local & national stories. Stay informed with fast, fair, and accurate news anytime, anywhere.
👉 Subscribe now and never miss an update!
📌 اردو
میدک فاسٹ نیوز میں خوش آمدید
یہ آپ کا معتبر پلیٹ فارم ہے جہاں آپ کو روزانہ کی تازہ خبریں، بریکنگ نیوز اور اہم مقامی و قومی خبریں ملتی ہیں۔
👉 ابھی سبسکرائب کریں اور ہر خبر سے باخبر رہیں!
📌 తెలుగు (Telugu)
Medak Fast News కి స్వాగతం
ఇది మీ నమ్మకమైన వార్తా వేదిక. ఇక్కడ మీరు ప్రతిరోజూ తాజా వార్తలు, బ్రేకింగ్ న్యూస్ మరియు ముఖ్యమైన స్థానిక & జాతీయ వార్తలు తెలుసుకోవచ్చు.
👉 ఇప్పుడే సబ్స్క్రైబ్ చేయండి మరియు ప్రతి అప్డేట్ను మిస్ కాకండి!
📌 Roman Urdu
Medak Fast News mein Khush Aamdeed
Yeh aap ka bharosa mand platform hai jahan aap ko rozana taaza khabrein, breaking news aur aham maqami aur qaumi updates milte hain.
👉 Abhi subscribe karein aur har update se ba khabar rahen!
MEDAKFASTNEWS
మహిళల రక్షణ కోసమే షీ టీమ్స్..
మెదక్ సబ్ డివిజన్ షీ టీమ్స్ ఆధ్వర్యంలో ప్రభుత్వ మెడికల్ కాలేజీ లో విద్యార్థులకు భద్రతా అవగాహన సదస్సు
విద్యార్థుల్లో , యువత మరియు ప్రజల్లో భద్రతా స్పృహను పెంపొందించడం, నూతన చట్టాలపై అవగాహన కల్పించే లక్ష్యం తో మెదక్ సబ్ డివిజన్ షీ టీమ్స్ బృందం ఈరోజు ప్రభుత్వ మెడికల్ కళశాల నందు ప్రత్యేక అవగాహన కార్యక్రమం నిర్వహించింది.
ఈ సదస్సులో షీ టీమ్స్ సిబ్బంది విద్యార్థులకు వివరించిన ముఖ్యాంశాలు:
నూతన చట్టాలు & పోక్సో (BNS Laws & POCSO Act): బాలబాలికలు, మహిళల రక్షణ కోసం ఉన్న పోక్సో చట్టంతో పాటు, కొత్తగా అమలులోకి వచ్చిన భారతీయ న్యాయ సంహిత (BNS) చట్టాల గురించి స్పష్టంగా వివరించారు.
సైబర్ నేరాలు & ఆన్లైన్ గేమింగ్ (Cyber Crimes & Betting): ఆన్లైన్ మోసాలు, సైబర్ నేరగాళ్ల వల, మరియు ఆన్లైన్ గేమింగ్, బెట్టింగ్ల వల్ల జరిగే ఆర్థిక, మానసిక నష్టాలపై ప్రయాణికులను అప్రమత్తం చేశారు.
డ్రగ్స్ మహమ్మారి (Drugs Consumption): గంజాయి, డ్రగ్స్ లాంటి మత్తు పదార్థాలకు యువత పూర్తిగా దూరంగా ఉండాలని, అనుమానాస్పద కార్యకలాపాలు కనిపిస్తే పోలీసులకు సమాచారం ఇవ్వాలని సూచించారు.
యాంటీ రాగ్గింగ్ (Anti Ragging):- కళశాల ఆవరణలో విద్యార్థులు క్రమశిక్షణ పాటించి రాగ్గింగ్ కు దూరంగా ఉండి ప్రతి ఒక్క విద్యార్థిని మన అక్క చెల్లెల్లు గా భావించి రాగ్గింగ్ ను అందరి సామాజిక భాద్యతగా పాటించి రాగ్గింగ్ ను అరికట్టాలని సూచించారు.
మొబైల్ వినియోగం (Mobile Usage): స్మార్ట్ఫోన్లను అవసరానికి మాత్రమే వినియోగించాలని, సోషల్ మీడియాలో అపరిచితులతో జాగ్రత్తగా ఉండాలని తెలిపారు.
షీ టీమ్స్ & టీ-సేఫ్ (SHE Teams & T-Safe App): మహిళలు , బాలికల రక్షణ కోసం బస్టాండ్లు , కళాశాల ఆవరణలో మరియు రద్దీ ప్రదేశాల్లో షీ టీమ్స్ నిరంతరం నిఘా ఉంచుతాయని తెలిపారు. ఆపదలో ఉంటే 'డయల్ 112/100' కు కాల్ చేయాలని, మరియు ఒంటరి ప్రయాణాల భద్రత కోసం 'టీ-సేఫ్' యాప్ను ప్రతి ఒక్కరూ ఉపయోగించుకోవాలని సూచించారు.
ప్రజలు తమ దైనందిన జీవితంలో అప్రమత్తంగా ఉంటూ, అత్యవసర సమయాల్లో పోలీసుల సేవలను సద్వినియోగం చేసుకోవాలని కోరారు.
ఈ భద్రత అవగాహనా సదస్సులో మెదక్ షీ టీమ్ సభ్యులు విజయ్ కుమార్ కానిస్టేబుల్ , ప్రేమిల ఉమెన్ కానిస్టేబుల్ , విజయ రాణి ఉమెన్ హోమ్ గార్డ్ , మెడికల్ కాలేజీ స్టాఫ్ మరియు విద్యార్థులు పాల్గొన్నారు.
2 hours ago | [YT] | 1
View 0 replies
MEDAKFASTNEWS
చిన్న శంకరంపేట బిజెపి మండల అధ్యక్షుడు పెద్దపట్లూరి పోగుల రాజుకు సర్జరీ అయిన విషయం తెలుసుకొని వారిని ఈరోజు పరామర్శించిన బిజెపి జిల్లా అధ్యక్షుడు వాళ్దాసు మల్లేష్ గౌడ్ గారు మరియు మాజీ జిల్లా అధ్యక్షులు, జగిత్యాల ఇంచార్జ్ గడ్డం శ్రీనివాస్ గారు మరియు రాష్ట్ర కౌన్సిల్ సభ్యులు రాగి రాములు గారు, జిల్లా జనరల్ సెక్రెటరీ ఇర్ల రంజిత్ రెడ్డి గారు, ఓబీసీ మోర్చా రాష్ట్ర కార్యవర్గ సభ్యులు గడ్డం కాశీనాథ్ గారు, కిసాన్ మోర్చా జిల్లా అధ్యక్షుడు, బైండ్ల సత్యనారాయణ గారు, మరియు, మెదక్ పట్టణ అధ్యక్షుడు నాయిని ప్రసాద్ గారు, మెదక్ జిల్లా మాజీ జనరల్ సెక్రెటరీ MLN రెడ్డి, మెదక్ కౌన్సిలర్ రాజమణి లక్ష్మణ్ ,బిజెపి రామాయంపేట పట్టణ అధ్యక్షుడు అవినాష్ రెడ్డి,బిక్షపతి,మరియు మెదక్ ముఖ్య జిల్లా నాయకులు పరామర్శించడం జరిగింది.
15 hours ago | [YT] | 2
View 0 replies
MEDAKFASTNEWS
ప్రచురణార్థం
మెదక్ 18 నవంబర్ 2026
ప్రభుత్వ పాఠశాలల విద్యార్థులకు అండగా శ్రీరామ్ లైఫ్ ఇన్సూరెన్స్
‘చదువుకో తెలంగాణ’పోస్టర్ ఆవిష్కరణ
అదనపు కలెక్టర్ నగేష్
ప్రభుత్వ పాఠశాలల్లో చదువుతున్న పేద విద్యార్థులను ప్రోత్సహించేందుకు శ్రీరామ్ లైఫ్ ఇన్సూరెన్స్ సంస్థ చేపట్టిన ‘చదువుకో తెలంగాణ’ కార్యక్రమంను ప్రతి విద్యార్థి సద్వినియోగం చేసుకోవాలని అదనపు కలెక్టర్ నగేష్ తెలిపారు.
బుధవారం కలెక్టరేట్ కార్యాలయంలో
శ్రీరామ్ లైఫ్ ఇన్సూరెన్స్ చదువుకో తెలంగాణ’పోస్టర్ అదనపు కలెక్టర్ నగేష్ ఆవిష్కరించారు. ఈ సందర్భంగా ఆయన మాట్లాడుతూ
గ్రామీణ ప్రాంతాల్లోని నిరుపేద విద్యార్థులు ప్రభుత్వ పాఠశాలల్లో చదువుతూ ఉన్నత శిఖరాలను అధిరోహించాలనే లక్ష్యంతో ఈ కార్యక్రమాన్ని ప్రారంభించినట్లు తెలిపారు. పదో తరగతిలో ప్రతిభ కనబరిచిన ప్రభుత్వ పాఠశాలల విద్యార్థులకు ప్రోత్సాహకాలు అందిస్తున్నట్లు వివరించారు.
శ్రీరామ్ లైఫ్ ఇన్సూరెన్స్ ఆధ్వర్యంలో నిర్వహిస్తున్న ‘చదువుకో తెలంగాణ’ కార్యక్రమంలో ఈ పథకం కింద మండల స్థాయి టాపర్కు రూ.10 వేలు, నియోజకవర్గ స్థాయి టాపర్కు రూ.1 లక్ష, జిల్లా స్థాయి టాపర్కు రూ.2 లక్షలు, రాష్ట్ర స్థాయి మొదటి టాపర్కు రూ.5 లక్షలు, రెండో టాపర్కు రూ.3 లక్షల నగదు పురస్కారాలు అందజేస్తున్నట్లు వెల్లడించారు. విద్యార్థులు ఈ అవకాశాన్ని సద్వినియోగం చేసుకొని ఉన్నత లక్ష్యాలను సాధించాలని సూచించారు.
ప్రభుత్వ పాఠశాలల్లో చదివి మంచి మార్కులు సాధించి తల్లిదండ్రులకు, చదువుకున్న పాఠశాలకు పేరు తీసుకురావాలని, భవిష్యత్తులో ఉన్నత స్థానాలకు చేరుకోవాలని ఆకాంక్షించారు.
ఈ కార్యక్రమంలో శ్రీరామ్ బ్రాంచ్ మేనేజర్ రత్నాకర్, వి రాజేంద్రప్రసాద్, కృష్ణ ,శ్రీకాంత్ రవికుమార్, గుండు రమేష్ నిరంజన్ ఆకుల రాజశేఖర్
తదితరులు పాల్గొన్నారు.
17 hours ago | [YT] | 1
View 0 replies
MEDAKFASTNEWS
పత్రికా ప్రకటన
మెదక్ 18 నవంబర్ 2026
రాజకీయ పార్టీల ప్రతినిధులతో సమావేశం నిర్వహించిన మెదక్ ఆర్డీఓ
మెదక్ ఆర్డీఓ కార్యాలయంలో రాజకీయ పార్టీల ప్రతినిధులతో సమావేశం నిర్వహించడం జరిగింది. ఈ సమావేశంలో మెదక్ ఆర్డీఓ మరియు ఈఆర్ డా. కె. రమాదేవి పాల్గొని, భారత ఎన్నికల సంఘం (ECI) SIR-2026 కార్యక్రమానికి సంబంధించి 17 నవంబర్ 2026న జారీ చేసిన తాజా రీ-షెడ్యూల్ వివరాలను రాజకీయ పార్టీల ప్రతినిధులకు వివరించారు.
ఈ సందర్భంగా సవరించిన SIR-2026 షెడ్యూల్ ప్రకారం చేపట్టాల్సిన కార్యక్రమాల వివరాలు తెలియజేశారు.
ఓటర్ల రీ-వెరిఫికేషన్ షెడ్యూల్ గురించి వివరిస్తూ ASDD ఓటర్ల ENUMERATION ఫారాల జనరేషన్, ప్రింటింగ్ 18 నవంబర్ 2026 లోపు ఫారాల పంపిణీ మరియు సేకరణ 18 మిలియన్లు 30 మిలియన్లు 2026 వరకు ఉంటుందన్నారు.సేకరించిన ఫారాల పరిష్కారం10 డిసెంబర్ 2026 లోపు
పూర్తి చేయాలన్నారు.SIR-2026 సవరించిన షెడ్యూల్:కార్యక్రమం
గడువు తేదీ గురించి తెలియజేస్తూ
క్లెయిమ్స్ మరియు అభ్యంతరాల పరిష్కారం, నోటీసుల విచారణ
15 డిసెంబర్ 2026 వరకు పూర్తి చేయాలన్నారు.తుది ఓటరు జాబితా ప్రచురణ 22 డిసెంబర్ 2026 వరకు ఉంటుందన్నారుఅదేవిధంగా ఫారం-6, ఫారం-7, ఫారం-8లకు సంబంధించి అందిన దరఖాస్తుల సంఖ్య, వాటి పరిష్కార స్థితిగతులు, పెండింగ్లో ఉన్న దరఖాస్తుల వివరాలను సమీక్షించి రాజకీయ పార్టీల ప్రతినిధులకు వివరించారు.
ఓటర్లకు జారీ చేసిన నోటీసుల పంపిణీ, విచారణ మరియు నోటీసుల పరిష్కార ప్రక్రియపై కూడా సమగ్రంగా చర్చించారు. ASDD కేటగిరీలో ఉన్న ఓటర్లకు మరో అవకాశం కల్పించే ప్రక్రియలో భాగంగా ENUMERATION ఫారాల పంపిణీ, సేకరణ మరియు పరిష్కారాన్ని నిర్ణీత గడువులో పూర్తి చేయాలని వివరించారు.
భారత ఎన్నికల సంఘం మార్గదర్శకాలకు అనుగుణంగా SIR-2026 కార్యక్రమాన్ని పారదర్శకంగా, నిబంధనల ప్రకారం నిర్వహించేందుకు చర్యలు చేపడుతున్నట్లు తెలిపారు.
ఈ సమావేశంలో వివిధ రాజకీయ పార్టీల ప్రతినిధులు పాల్గొన్నారు.
17 hours ago | [YT] | 0
View 0 replies
MEDAKFASTNEWS
జిల్లా పోలీస్ కార్యాలయం
మెదక్ జిల్లా
పత్రికా ప్రకటన
18.11.2026
డ్రంక్ అండ్ డ్రైవ్ కేసుల్లో జైలు శిక్షలు.. భారీ జరిమానాలు
మైనర్లకు వాహనాలిస్తే తల్లిదండ్రులపై చర్యలు!
హెల్మెట్ లేకుంటే జరిమానా తప్పదు!
జిల్లా ఎస్పీ డి.వి. శ్రీనివాసరావు, ఐపీఎస్
రోడ్డు ప్రమాదాల నివారణ, వాహనదారుల ప్రాణ రక్షణే లక్ష్యంగా జిల్లాలో ట్రాఫిక్ నిబంధనలను కఠినంగా అమలు చేస్తున్నట్లు జిల్లా ఎస్పీ డి.వి. శ్రీనివాసరావు తెలిపారు. మైనర్లకు వాహనాలు ఇచ్చే తల్లిదండ్రులు అప్రమత్తంగా ఉండాలని, మైనర్లకు వాహనాలు ఇచ్చినట్లయితే చట్టపరమైన చర్యలు తప్పవని హెచ్చరించారు.
జిల్లా వ్యాప్తంగా 2026 జనవరి నుంచి ఇప్పటివరకు మైనర్లు వాహనాలు నడిపిన ఘటనల్లో 87 కేసులు నమోదు చేసి రూ.42,500 జరిమానా విధించినట్లు వెల్లడించారు. అదేవిధంగా హెల్మెట్ లేకుండా ద్విచక్ర వాహనాలు నడిపిన వారిపై 92,639 చలాన్లు నమోదు చేసి రూ.1,61,88,800 జరిమానా విధించినట్లు తెలిపారు.
డ్రంక్ అండ్ డ్రైవ్పై ప్రత్యేక నిఘా....
మద్యం సేవించి వాహనాలు నడిపే వారిపై పోలీసులు ప్రత్యేక నిఘా ఏర్పాటు చేశామని ఎస్పీ తెలిపారు. నర్సాపూర్ పోలీస్ స్టేషన్ పరిధిలో డ్రంక్ అండ్ డ్రైవ్లో పట్టుబడిన వ్యక్తికి న్యాయస్థానం 10 రోజుల జైలు శిక్షతో పాటు రూ.1,000 జరిమానా విధించినట్లు వెల్లడించారు. డ్రంక్ అండ్ డ్రైవ్ కేసుల్లో పట్టుబడిన వారిపై కోర్టుల ద్వారా జైలు శిక్షలు, జరిమానాలు విధించే అవకాశం ఉందని, ఎవరూ మద్యం సేవించి వాహనాలు నడపవద్దని హెచ్చరించారు.
ద్విచక్ర వాహనదారులు ప్రయాణ సమయంలో తప్పనిసరిగా హెల్మెట్ ధరించాలని, అతివేగం, ట్రిపుల్ రైడింగ్, సెల్ఫోన్ మాట్లాడుతూ డ్రైవింగ్ చేయడం వంటి ప్రమాదకర చర్యలకు దూరంగా ఉండాలని సూచించారు. ట్రాఫిక్ నిబంధనలు పాటించడం ద్వారా తమ ప్రాణాలతో పాటు ఇతరుల ప్రాణాలను కూడా కాపాడవచ్చన్నారు.
జరిమానాలు విధించడం పోలీసుల లక్ష్యం కాదని, రోడ్డు ప్రమాదాలను తగ్గించి విలువైన ప్రాణాలను కాపాడటమే పోలీసుల ప్రధాన ఉద్దేశమని ఎస్పీ స్పష్టం చేశారు. ప్రతి ఒక్కరూ బాధ్యతాయుతంగా వాహనాలు నడుపుతూ రోడ్డు భద్రతకు సహకరించాలని కోరారు.
18 hours ago | [YT] | 1
View 0 replies
MEDAKFASTNEWS
ప్రచురణార్థం
మెదక్ 18 నవంబర్ 2026
విద్యార్థుల్లో పోటీ పరీక్షలకు అవసరమైన నైపుణ్యాలను అభివృద్ధి చేయడం ఈ క్విజ్ పోటీల ప్రధాన లక్ష్యం
మెదక్ జిల్లాలో జిల్లాస్థాయి క్విజ్ పోటీలు
కలెక్టర్ ప్రతిమా సింగ్
మెదక్ జిల్లాలోని ప్రభుత్వ పాఠశాలల్లో చదువుతున్న విద్యార్థుల్లో దాగి ఉన్న ప్రతిభా నైపుణ్యాలను వెలికితీసి, వారిలో విజ్ఞానం, తార్కిక ఆలోచనా సామర్థ్యం మరియు పోటీ తత్వాన్ని పెంపొందించడంతో పాటు భవిష్యత్తులో వివిధ పోటీ పరీక్షలకు సమర్థవంతంగా సిద్ధమయ్యేలా చేయాలనే ఉద్దేశంతో “Medak District Quiz Competitions – 2026” నిర్వహిస్తున్నట్లు జిల్లా కలెక్టర్, మెదక్ తెలిపారు.
ఈ క్విజ్ పోటీలలో 8వ, 9వ మరియు 10వ తరగతుల విద్యార్థులు పాల్గొంటారు. ప్రతి పాఠశాలలో ప్రతిభ కనబరిచిన ముగ్గురు విద్యార్థులను ఎంపిక చేసి మండల స్థాయి పోటీలకు పంపించడం జరిగింది.
మండల స్థాయి పోటీలు
మండల స్థాయి క్విజ్ పోటీలు 20 నవంబర్ 2026న మెదక్ జిల్లాలోని అన్ని మండలాల్లో నిర్వహించబడతాయి. ప్రతి మండలంలో అత్యుత్తమ ప్రతిభ కనబరిచిన 8వ, 9వ మరియు 10వ తరగతులకు చెందిన ముగ్గురు విద్యార్థులను జిల్లా స్థాయి పోటీలకు ఎంపిక చేస్తారు.
జిల్లా స్థాయి సెమీఫైనల్
జిల్లాలోని 21 మండలాల నుండి ఎంపికైన మొత్తం 63 మంది విద్యార్థులకు 26 నవంబర్ 2026న జిల్లా స్థాయి సెమీఫైనల్ క్విజ్ పోటీలు నిర్వహించబడతాయి. ఈ పోటీలలో అత్యుత్తమ ప్రతిభ కనబరిచిన 6 టీమ్లను ఫైనల్ పోటీలకు ఎంపిక చేయడం జరుగుతుంది.
ఫైనల్ పోటీలు
జిల్లా స్థాయి ఫైనల్ క్విజ్ పోటీలు 02 డిసెంబర్ 2026న IDOC Meeting Hall, Medakలో నిర్వహించబడతాయి.
ఈ కార్యక్రమాన్ని BVRIT Engineering College, Narsapur వారి ఆర్థిక సహకారంతో నిర్వహించడం జరుగుతుంది.
ఫైనల్ పోటీలలో విజేతలకు నగదు బహుమతులు అందజేయబడతాయి:
- ప్రథమ బహుమతి: ₹90,000/- (తొంభై వేల రూపాయలు)
- ద్వితీయ బహుమతి: ₹60,000/- (అరవై వేల రూపాయలు)
- తృతీయ బహుమతి: ₹30,000/- (ముప్పై వేల రూపాయలు)
విద్యార్థుల్లో పోటీ పరీక్షల పట్ల ఆసక్తిని పెంపొందించడం, వారి సాధారణ విజ్ఞానాన్ని విస్తరించడం, ఆత్మవిశ్వాసాన్ని పెంచడం మరియు భవిష్యత్తులో ఉన్నత విద్యా, ఉద్యోగ పోటీ పరీక్షలకు అవసరమైన నైపుణ్యాలను అభివృద్ధి చేయడం ఈ క్విజ్ పోటీల ప్రధాన లక్ష్యమని జిల్లా కలెక్టర్ పేర్కొన్నారు.
18 hours ago | [YT] | 0
View 0 replies
MEDAKFASTNEWS
జిల్లా పోలీస్ కార్యాలయం
మెదక్ జిల్లా
పత్రిక ప్రకటన
18.11.2026
తూప్రాన్ గర్ల్స్ హైస్కూల్లో స్వీయ రక్షణ అవగాహన కార్యక్రమం
స్వీయ రక్షణ మెళకువలపై విద్యార్థినులకు శిక్షణ
అమ్మాయిలు ఆత్మవిశ్వాసంతో ముందుకు సాగాలి
బాలికలకు కరాటేలో శిక్షణ.. ఆత్మరక్షణపై
అవగాహన
వ్యక్తిగత భద్రతపై అవగాహన కలిగి ఉండాలి
తూప్రాన్ డీఎస్పీ నరేందర్ గౌడ్
విద్యార్థినులు తమ వ్యక్తిగత భద్రత పట్ల అప్రమత్తంగా ఉండాలని, ఆపద సమయంలో ధైర్యంగా వ్యవహరిస్తూ ఆత్మరక్షణ పద్ధతులను ఉపయోగించుకోవాలని తూప్రాన్ డీఎస్పీ నరేందర్ గౌడ్ సూచించారు.
గురువారం తూప్రాన్ గర్ల్స్ హైస్కూల్లో నిర్వహించిన స్వీయ రక్షణ అవగాహన కార్యక్రమానికి ముఖ్య అతిథిగా హాజరైన తూప్రాన్ డీఎస్పీ నరేందర్ గౌడ్ మాట్లాడుతూ... విద్యార్థినులు చిన్నప్పటి నుంచే ఆత్మరక్షణ విద్యను నేర్చుకోవాలని, ఆత్మవిశ్వాసంతో ముందుకు సాగాలని సూచించారు. వ్యక్తిగత భద్రత పట్ల అవగాహన కలిగి ఉండటంతో పాటు అపరిచిత వ్యక్తుల పట్ల అప్రమత్తంగా ఉండాలని, ఎలాంటి ఇబ్బందికర పరిస్థితులు ఎదురైనా భయపడకుండా ధైర్యంగా ఎదుర్కోవాలని తెలిపారు. అవసరమైన సమయంలో పోలీసుల సహాయం తీసుకోవాలని, మహిళల భద్రత కోసం పోలీస్ శాఖ నిరంతరం అందుబాటులో ఉంటుందని పేర్కొన్నారు.
అనంతరం కరాటే మాస్టర్లు విద్యార్థినులకు వివిధ స్వీయ రక్షణ మెళకువలను ప్రదర్శించి, వాటిని ఆచరణలో ఎలా ఉపయోగించుకోవాలో వివరించారు.
ఈ కార్యక్రమంలో తూప్రాన్ ఎంఈఓ గారు, తూప్రాన్ ఎస్ఐ జ్యోతి, షీ టీమ్ సభ్యులు, పోలీస్ సిబ్బంది, కరాటే మాస్టర్లు, పాఠశాల ఉపాధ్యాయులు, విద్యార్థినులు పాల్గొన్నారు.
18 hours ago | [YT] | 0
View 0 replies
MEDAKFASTNEWS
ఇందిరమ్మ జీవిత బీమా పథకం
క్షేత్రస్థాయిలో విస్తృత ప్రచారం చేయాలి
ప్రజలకు అవగాహన కల్పించాలి
ఇందిరమ్మ కుటుంబ జీవిత బీమా పథకం అమలులో ఎలాంటి పొరపాట్లకు తావివ్వొద్దు*
**అర్హులైన ప్రతి కుటుంబానికి రూ.5 లక్షల జీవిత బీమా కవరేజీ*
**18 నుంచి 59 సంవత్సరాల వయసు కలిగిన కుటుంబ సభ్యుల్లో ఒకరికి మాత్రమే బీమా వర్తింపు*
**ప్రత్యేక కౌంటర్లు, హెల్ప్డెస్క్ల ద్వారా పక్కాగా దరఖాస్తుల నమోదు: కలెక్టర్ ప్రతిమా సింగ్
ఇందిరమ్మ కుటుంబ జీవిత బీమా పథకం అమలులో ఎలాంటి పొరపాట్లకు తావులేకుండా, ప్రభుత్వ మార్గదర్శకాల ప్రకారం అర్హులైన ప్రతి కుటుంబానికి బీమా ప్రయోజనం అందేలా అధికారులు సమన్వయంతో పనిచేయాలని జిల్లా కలెక్టర్ ప్రతిమా సింగ్ ఆదేశించారు.
బుధవారం జిల్లా కలెక్టరేట్లో సంబంధిత జిల్లా అధికారులతో పాటు మండలాల తహసీల్దార్లు, ఎంపీడీవోలతో వీడియో కాన్ఫరెన్స్ నిర్వహించిన కలెక్టర్.. పథకం అమలు, దరఖాస్తుల స్వీకరణ, నమోదు ప్రక్రియ, ప్రత్యేక కౌంటర్ల ఏర్పాటు తదితర అంశాలపై సమీక్షించారు.
ఈ సందర్భంగా కలెక్టర్ మాట్లాడుతూ, అర్హత కలిగిన ప్రతి కుటుంబానికి రూ.5 లక్షల జీవిత బీమా కవరేజీ కల్పించడమే ఈ పథకం ప్రధాన ఉద్దేశమని తెలిపారు. కుటుంబంలో 18 నుంచి 59 సంవత్సరాల మధ్య వయసు కలిగిన సభ్యుల్లో ఒకరికి మాత్రమే బీమా వర్తిస్తుందని స్పష్టం చేశారు.
**కుటుంబ వివరాల నమోదు పక్కాగా ఉండాలి*
రేషన్ కార్డులు కలిగిన కుటుంబాల వివరాలు ఇప్పటికే అందుబాటులో ఉన్న డేటా ఆధారంగా ప్రీ-ఫిల్డ్ ఫారమ్ల రూపంలో ఉంటాయని, వాటిని క్షుణ్ణంగా పరిశీలించి అవసరమైన వివరాలను పూర్తిచేయాలని సూచించారు. ఆన్లైన్లో నమోదు అనంతరం ప్రింట్ అవుట్ తీసుకొని లబ్ధిదారుల సంతకాలు సేకరించి హార్డ్ కాపీలను భద్రపరచాలని ఆదేశించారు.
రేషన్ కార్డులు లేని కుటుంబాల వివరాలను ప్రత్యేక ఫారమ్ల ద్వారా సేకరించి, అర్హతలను పరిశీలించిన అనంతరం ఆన్లైన్లో నమోదు చేయాలని సూచించారు.
**ఆధార్ ధ్రువీకరణలో అప్రమత్తంగా ఉండాలి*
దరఖాస్తుల నమోదుకు ఆధార్ ఆధారిత ఓటీపీతో పాటు బయోమెట్రిక్ ధ్రువీకరణకు అవసరమైన ఏర్పాట్లు చేసుకోవాలని తెలిపారు. ప్రతి క్యాంపులో బయోమెట్రిక్ పరికరాలు, కంప్యూటర్లు, ప్రింటర్లు అందుబాటులో ఉంచడంతో పాటు ముందుగానే వాటి పనితీరును పరిశీలించాలని ఆదేశించారు. ఆధార్ కార్డు ప్రతిపై సంబంధిత లబ్ధిదారుడి సంతకం తీసుకోవాలని స్పష్టం చేశారు.
**నామినీ వివరాలు తప్పనిసరిగా నమోదు చేయాలి*
జీవిత బీమా పథకంలో నామినీ వివరాలు అత్యంత కీలకమని కలెక్టర్ పేర్కొన్నారు. లబ్ధిదారులు ఒకరు లేదా అంతకంటే ఎక్కువ మందిని నామినీలుగా ఎంపిక చేసుకోవచ్చని తెలిపారు. ఒకరి కంటే ఎక్కువ మందిని నామినీలుగా పేర్కొన్నప్పుడు వారికి కేటాయించే వాటాల మొత్తం 100 శాతం ఉండేలా చూడాలని సూచించారు. మైనర్లను నామినీలుగా పేర్కొన్న సందర్భంలో నిబంధనల ప్రకారం గార్డియన్ వివరాలను కూడా నమోదు చేయాలని ఆదేశించారు.
**ప్రత్యేక క్యాంపులలో కౌంటర్ల ద్వారా దరఖాస్తుల స్వీకరణ*
ప్రజలు తమ నివాస ప్రాంతానికి కేటాయించిన ప్రత్యేక కౌంటర్లలోనే దరఖాస్తు ప్రక్రియను పూర్తి చేసుకోవాలని కలెక్టర్ సూచించారు. ఒకే కుటుంబం నుంచి వేర్వేరు ప్రాంతాల్లో దరఖాస్తులు నమోదుకాకుండా అధికారులు జాగ్రత్తలు తీసుకోవాలన్నారు. అధిక జనాభా ఉన్న గ్రామాలు, పట్టణ ప్రాంతాల్లో ప్రజలకు ఇబ్బందులు కలగకుండా అవసరమైన మేరకు అదనపు కౌంటర్లను ఏర్పాటు చేయాలని తెలిపారు.
ప్రజలు ఎలాంటి ప్రలోభాలకు గురికావద్దని, అర్హులైన ప్రతి కుటుంబానికి ఇందిరమ్మ కుటుంబ జీవిత బీమా పథకం ప్రయోజనం అందేలా చర్యలు తీసుకుంటామని పేర్కొన్నారు.
**ప్రజలకు మెరుగైన సౌకర్యాలు కల్పించాలి*
ప్రత్యేక కౌంటర్లకు వచ్చే ప్రజలకు తాగునీరు, ఇతర మౌలిక సదుపాయాలు కల్పించాలని కలెక్టర్ ఆదేశించారు. దరఖాస్తుల నమోదు ప్రక్రియపై ప్రజలకు స్పష్టమైన అవగాహన కల్పించి, వారి సందేహాలను ఎప్పటికప్పుడు నివృత్తి చేయాలన్నారు.
ప్రజల నుంచి వచ్చే ఫిర్యాదులను నమోదు చేసేందుకు ప్రత్యేక రిజిస్టర్లు ఏర్పాటు చేయాలని, గ్రామపంచాయతీ, మండల, రెవెన్యూ డివిజన్, జిల్లా స్థాయిల్లో హెల్ప్డెస్క్లు ఏర్పాటు చేయాలని సంబంధిత అధికారులను ఆదేశించారు.
మున్సిపల్ కమిషనర్లు, వివిధ మండలాల అధికారులు పరస్పర సమన్వయంతో పనిచేస్తూ అర్హులైన లబ్ధిదారులందరికీ పథకం ప్రయోజనం అందేలా కృషి చేయాలని కలెక్టర్ సూచించారు.
ప్రభుత్వ మార్గదర్శకాలను పూర్తిస్థాయిలో పాటిస్తూ, పారదర్శకంగా, బాధ్యతాయుతంగా దరఖాస్తుల నమోదు ప్రక్రియను పూర్తి చేయాలని అధికారులకు స్పష్టం చేశారు.
ఈ వీడియో కాన్ఫరెన్స్ లో అదనపు కలెక్టర్ నగేష్ , డిఆర్ఓ అంబదాస్ రాజేశ్వర్, ముఖ్య ప్రణాళిక అధికారి సురేష్, ఈడియం సందీప్ డిపిఓ యాదయ్య, ,,మున్సిపల్ కమిషనర్స్ వివిధ మండలాల తహసీల్దార్లు, ఎంపిడివోలు, తదితరులు పాల్గొన్నారు .
19 hours ago | [YT] | 0
View 0 replies
MEDAKFASTNEWS
...... పత్రికా ప్రకటన........
అక్క్యూపై ఢిల్లీ పోస్టర్ ఆవిష్కరణ..
డిసెంబర్ 1,2,3 తేదీల్లో అక్క్యూపై ఢిల్లీ కి మెదక్ జిల్లా నుండి పెద్ద ఎత్తున తరలి రావాలి...
కార్మిక హక్కుల సాధనకై డిసెంబర్ 1,2,3 తేదీల్లో అక్క్యూపై ఢిల్లీ కార్యక్రమానికి మెదక్ జిల్లా కార్మిక వర్గం పెద్ద ఎత్తున తరలి రావాలని సి ఐ టి యు జిల్లా కమిటీ పిలుపునిచ్చింది. ఆ సంగం జిల్లా అధ్యక్షులు బి. బాలమణి,కార్యదర్శి ఏ. మల్లేశం కోశాధికారి కే. నర్సమ్మ లు చలో ఢిల్లీ పోస్టర్ మెదక్ పట్టణం లోని కేవల్ కిషన్ భవన్ లో ఆవిష్కరించారు. జిల్లా కార్యదర్శి ఏ. మల్లేశం మాట్లాడుతు మోడీ అధికారంలోకి వచ్చాక కాకులను కొట్టి గద్దలకు వేసిన మాదిరిగా కార్మిక వర్గం శ్రమను దోచుకోవడానికి 29 రకాల కార్మిక చట్టాలను రద్దు చేసి 4 లేబర్ కోడ్స్ ను తెచ్చారని విమర్శించారు. లేబర్ కోడ్స్ రద్దు వల్ల దేశంలో సంగటిత, అసంగటిత కార్మికులు, స్కీమ్ వర్కర్స్, ఎవరికీ రక్షణ లేకుండా పోయిందన్నారు. నిత్యం కార్పొరేట్ సంస్థల సేవలో మునిగిన మోడీ ప్రభుత్వం ప్రభుత్వ రంగ సంస్థలన్నింటిని కారు చౌకగా కార్పొరేట్ కంపెనిలకు దారదతం చేసిందని దుయ్యబట్టారు. కనీస వేతనం నెలకు రూపాయలు 42000/- నిర్ణయించాలని, ప్రమాద కర 4 లేబర్ కోడ్స్ రద్దు చేయాలని, స్కీమ్ వర్కరర్స్ ను రెగ్యులరైజ్ చేయాలని, ప్రభుత్వ రంగ సంస్థల ప్రైవేటీకరణ ఆపాలని, సర్ ప్రక్రియ నిలిపివేయాలని, వి బి జి రామ్ జీ పథకాన్ని పాత పద్దతిలో కొనసాగించాలని డిమాండ్స్ తో జరిగే చలో ఢిల్లీ జయప్రదం చేయాలని పిలుపునిచ్చారు.
19 hours ago | [YT] | 0
View 0 replies
MEDAKFASTNEWS
ప్రచురణార్థం
మెదక్ 18 నవంబర్ 2026
ఇందిరమ్మ కుటుంబ జీవిత భీమాతో ఆర్ధిక భరోసా
రాష్ట్ర ప్రభుత్వ ప్రధాన కార్యదర్శి సంజయ్ జాజు
రాష్ట్రంలోని ప్రతి అర్హత కుటుంబానికి ఆర్థిక భద్రత కల్పించడమే లక్ష్యంగా ప్రభుత్వం ప్రతిష్ఠాత్మకంగా చేపట్టిన ఇందిరమ్మ కుటుంబ జీవిత బీమా పథకాన్ని సమర్థవంతంగా అమలు చేయాలని రాష్ట్ర ప్రభుత్వ ప్రధాన కార్యదర్శి సంజయ్ జాజు అన్నారు. బుధవారం హైదరాబాద్ నుండి ఉన్నతాధికారులతో కలిసి వీడియో కాన్ఫరెన్స్ ద్వారా అన్ని జిల్లాల కలెక్టర్లు, సంబంధిత అధికారులతో సమీక్ష సమావేశం నిర్వహించారు. ఈ సందర్భంగా ప్రధాన కార్యదర్శి మాట్లాడుతూ కుటుంబంలో సంపాదించే వ్యక్తి ఆకస్మికంగా మరణించినప్పుడు ఆ కుటుంబం ఆర్థిక ఇబ్బందులకు గురి కాకుండా 5 లక్షల రూపాయల జీవిత బీమా రక్షణ కల్పించడమే ఈ పథకం ప్రధాన ఉద్దేశమని తెలిపారు. పథకం క్రింద ప్రతి కుటుంబంలో 18 నుంచి 59 సంవత్సరాల వయస్సు కలిగిన సంపాదించే ఒక వ్యక్తిని బీమా పరిధిలోకి తీసుకోవాలని, కుటుంబంలో ఒకరి కంటే ఎక్కువ మంది సంపాదిస్తున్నట్లయితే ఎవరిని బీమా పరిధిలోకి తీసుకోవాలనేది కుటుంబ సభ్యులే నిర్ణయించుకునే అవకాశం కల్పించాలని తెలిపారు. కుల, మత, ఆదాయ భేదాలు లేకుండా అర్హులైన కుటుంబాలకు పథకం ప్రయోజనం అందేలా చర్యలు తీసుకోవాలని సూచించారు. బీమా ప్రీమియం మొత్తాన్ని ప్రభుత్వమే భరించనున్నందున లబ్ధిదారులపై ఎలాంటి ఆర్థిక భారం ఉండదని తెలిపారు. నమోదు ప్రక్రియలో భాగంగా గ్రామాలు, పట్టణాలు, వార్డుల వారీగా ప్రత్యేక సహాయక నమోదు శిబిరాలు ఏర్పాటు చేయాలని ఆదేశించారు. రేషన్ కార్డుల వివరాల ఆధారంగా కుటుంబాలను గుర్తించడంతో పాటు, రేషన్ కార్డులలో పేర్లు లేని వారు, రేషన్ కార్డులు లేని కుటుంబాలకు కూడా ప్రత్యేక దరఖాస్తు విధానం ద్వారా నమోదు అవకాశం కల్పించాలని సూచించారు. బీమా పొందే వ్యక్తి వివరాలు, ఆధార్ ఆధారిత పుట్టిన తేదీ, కుటుంబ సభ్యులు, నామినీల వివరాలను తప్పులు లేకుండా నమోదు చేయాలని, ఒకరి కంటే ఎక్కువ మంది నామినీలను ఎంపిక చేసుకునే అవకాశం ఉన్నందున వారికి అందే వాటాలను స్పష్టంగా నమోదు చేయాలని తెలిపారు. మీ సేవ కేంద్రాల ద్వారా దరఖాస్తుల నమోదు, అవసరమైన సేవలు అందుబాటులో ఉంచడం జరుగుతుందని తెలిపారు.
జిల్లా కలెక్టర్ ప్రతిమా సింగ్ మాట్లాడుతూ మెదక్ జిల్లాలో పథకం అమలుకు జిల్లా అదనపు కలెక్టర్ ను నోడల్ అధికారిగా నియమించడం జరుగుతుందని తెలిపారు. గ్రామీణ ప్రాంతాలలో మండల పరిషత్ అభివృద్ధి అధికారులు, పట్టణ ప్రాంతాలలో మున్సిపాలిటీల ఆధ్వర్యంలో నమోదు ప్రక్రియ చేపట్టడం జరుగుతుందని వివరించారు. పథకం విజయవంతంగా అమలు చేసేందుకు ప్రజాప్రతినిధులతో ప్రత్యేక సమావేశాలు నిర్వహిస్తామని, మండల స్థాయి అధికారులు, వార్డు అధికారులకు ప్రభుత్వం నిర్దేశించిన ఎస్ఓపిపై శిక్షణ అందించడం జరుగుతుందని తెలిపారు. నమోదు ప్రక్రియను సులభతరం చేసేందుకు మండల పరిషత్ అభివృద్ధి అధికారులు, మున్సిపాలిటీలకు ప్రత్యేక లాగిన్ సదుపాయం కల్పించడం జరుగుతుందని తెలిపారు. జిల్లాలో ప్రతి నమోదు శిబిరంలో ఇంటర్నెట్ కనెక్షన్, ప్రింటర్, స్కానర్ వంటి అవసరమైన సాంకేతిక సదుపాయాలు ఏర్పాటు చేయడం జరిగిందని తెలిపారు. అన్ని గ్రామాలలో శిబిరాల ఏర్పాట్లు పూర్తి చేయడం జరిగిందని, గ్రామాలలో ముందుగా నింపిన దరఖాస్తు ఫారాలను శిబిరాలలో అందుబాటులో ఉంచడం జరుగుతుందని తెలిపారు. ప్రజాప్రతినిధులు, గ్రామపంచాయతీ సిబ్బంది, మున్సిపల్ అధికారులు, సంబంధిత శాఖల సమన్వయంతో ప్రతి అర్హత కుటుంబానికి పథకంపై అవగాహన కల్పించి, ఎవరూ మిగిలిపోకుండా నమోదు ప్రక్రియను పూర్తి చేసే విధంగా చర్యలు తీసుకుంటామని తెలిపారు.
ఈ కార్యక్రమంలో అదనపు కలెక్టర్ నగేష్ , ముఖ్య ప్రణాళికా అధికారి సురేష్ , ఈ డిస్టిక్ మేనేజర్ సందీప్ ,సంబంధిత అధికారులు తదితరులు పాల్గొన్నారు.
19 hours ago | [YT] | 0
View 0 replies
Load more