Naneghat News
नाणेघाट न्यूज हा जुन्नर तालुका व आसपासच्या भागातील स्थानिक न्यूज चॅनल आहे.
स्थानिक घडामोडी, ताज्या बातम्या, समाजातील प्रश्न, राजकीय अपडेट्स, सांस्कृतिक कार्यक्रम, क्रीडा, शिक्षण, सामाजिक उपक्रम आणि आपत्ती व्यवस्थापनातील महत्त्वाची माहिती – हे सर्व आम्ही तुम्हापर्यंत जलद आणि अचूकपणे पोहोचवतो.
आमचा उद्देश :
स्थानिक बातम्यांना योग्य स्थान मिळवून देणे आणि सामान्य नागरिकांचा आवाज बनणे.
👉 Subscribe करा आणि बेल आयकॉन 🔔 दाबा
ताज्या अपडेट्ससाठी – नाणेघाट न्यूज सोबत रहा!
Naneghat News
राष्ट्रपिता महात्मा गांधी जयंतीनिमित्त विनम्र अभिवादन!
सत्य, अहिंसा, प्रेम आणि शांततेच्या मार्गाने स्वातंत्र्याची लढाई लढणाऱ्या राष्ट्रपिता महात्मा गांधीजींना जयंतीनिमित्त विनम्र अभिवादन!
त्यांचे सत्य, अहिंसा आणि सर्वधर्मसमभावाचे विचार आजही समाजाला मानवतेचा आणि शांततेचा मार्ग दाखवतात.
“स्वच्छ भारत, समतामूलक समाज आणि अहिंसेच्या विचारांना पुढे नेणे, हीच गांधीजींना खरी आदरांजली!”
महात्मा गांधीजी अमर रहें!
#महात्मागांधी #गांधीजयंती #विनम्रअभिवादन #सत्य #अहिंसा #२ऑक्टोबर #GandhiJayanti
4 days ago | [YT] | 4
View 0 replies
Naneghat News
तळेरान येथे दिव्यांग व एकल महिला जनजागृती मेळावा उत्साहात संपन्न
तळेरान न्हानेची वाडी येथे १६७ लाभार्थ्यांची नोंदणी; शासकीय योजनांची माहिती व तपासणी
तळेरान, ता. खेड -* तळेरान ग्रामपंचायत, प्रश्न फाउंडेशन आणि श्री राधेश्याम दिव्यांग सशक्तीकरण केंद्र, महाराष्ट्र राज्य ग्रुप यांच्या संयुक्त विद्यमाने तळेरान न्हानेची वाडी येथे दिव्यांग व एकल महिला जनजागृती मेळाव्याचे आयोजन करण्यात आले होते.
ग्रामीण भागातील २१ प्रकारच्या दिव्यांग बांधवांसाठी आणि विधवा, निराधार, घटस्फोटित, परित्यक्ता तसेच वय वर्ष ४० पुढील अविवाहित अशा एकल महिलांसाठी हा विशेष मेळावा घेण्यात आला.
या मेळाव्यात शासनाच्या विविध योजनांची माहिती देण्यात आली. तसेच दिव्यांगांना लागणाऱ्या आवश्यक साहित्य व साधनांचे वाटप पूर्व तपासणी करण्यात आली. श्री राधेश्याम संस्थेचे संस्थापक अध्यक्ष श्री. दिपक चव्हाण आणि अध्यक्ष श्री. अरुण शेरकर यांच्या मार्गदर्शनाखाली हा कार्यक्रम पार पडला.
प्रश्न फाउंडेशनच्या माध्यमातून दिव्यांगांसाठी UDID कार्ड ऑनलाईन रजिस्ट्रेशन, महा-आयडी कार्ड, संजय गांधी निराधार योजना, श्रावणबाळ पेन्शन योजना, समाज कल्याण विभागाचा उदरनिर्वाह भत्ता यांचे फॉर्म भरून घेण्यात आले.
यावेळी वाड्या-वस्त्यांवरील मोठ्या संख्येने ज्येष्ठ नागरिक, दिव्यांग व एकल महिला उपस्थित होत्या.
ग्रामपंचायतीचे सहकार्य लाभणार
कार्यक्रमाच्या अध्यक्षीय भाषणात सरपंच श्री. गोविंद साबळे आणि उपसरपंच सौ. राजश्री कोकाटे यांनी या जनजागृती कार्यक्रमाचे कौतुक केले. ग्रामीण भागातील अनेक लोक आजही शासकीय योजनांपासून वंचित आहेत, त्यामुळे लवकरच पुन्हा मोठ्या प्रमाणात जनजागृती कार्यक्रम घेऊन वंचितांना लाभ मिळवून दिला जाईल आणि त्यासाठी ग्रामपंचायत स्तरावर सर्व मदत केली जाईल, असे आश्वासन त्यांनी दिले.
या मेळाव्यात एकूण १६७ लोकांनी नोंदणी करून लाभ घेतला.
यावेळी माजी उपसरपंच प्रवीण कोकाटे, माजी ग्रामपंचायत सदस्य विलास डावखर, श्री राधेश्याम संस्थेचे संस्थापक अध्यक्ष दिपक चव्हाण, अध्यक्ष अरुण शेरकर, संचालक सौरभ मातेले, प्रश्न फाउंडेशनचे संस्थापक अध्यक्ष तुकाराम साबळे, सदस्य दिलीप शिंदे, मारुती घोडे, दुंदा मेणे, सुरेश गोडे, प्रश्न फाउंडेशनच्या संचालिका राजश्री कदम, सौ. सुमन काठे, सौ. निता मेमाणे, ऋतुजा साबळे, ग्रामपंचायत कर्मचारी सौ. लिलाबाई पारधी, अर्जुन कदम यांच्यासह अनेक मान्यवर उपस्थित होते.
कार्यक्रमाच्या शेवटी श्री राधेश्याम संस्थेचे अध्यक्ष अरुण शेरकर यांनी सर्व एकल महिला व दिव्यांग बांधवांनी संस्थेच्या कार्यालयात आपली नाव नोंदणी करून विविध शासकीय योजनांचा लाभ घ्यावा, असे आवाहन केले.
1 week ago | [YT] | 0
View 0 replies
Naneghat News
🌺 कर्मवीर भाऊराव पाटील जयंतीनिमित्त विनम्र अभिवादन! 🌺
📚 “शिक्षण हेच खरे स्वातंत्र्य आहे.”
बहुजनांच्या शिक्षणासाठी आपले संपूर्ण आयुष्य समर्पित करून महाराष्ट्राच्या शैक्षणिक व सामाजिक परिवर्तनाची पायाभरणी करणारे शिक्षणमहर्षी कर्मवीर भाऊराव पाटील यांना जयंतीनिमित्त विनम्र अभिवादन! 🙏
त्यांनी दिलेला शिक्षण, समता आणि स्वावलंबनाचा विचार आजही प्रत्येक पिढीसाठी प्रेरणादायी आहे.
🌹 कर्मवीरांच्या विचारांचा वारसा पुढे नेऊया!
💐 विनम्र अभिवादन! 💐
#कर्मवीरभाऊरावपाटील #जयंती #विनम्रअभिवादन #रयतशिक्षणसंस्था #शिक्षण #समता #स्वावलंबन
2 weeks ago | [YT] | 1
View 0 replies
Naneghat News
नाणेघाट : सह्याद्रीच्या कुशीत दडलेला सातवाहनकालीन इतिहासाचा अमूल्य ठेवा
जुन्नर | पुणे
सह्याद्रीच्या पर्वतरांगांमध्ये इतिहासाच्या असंख्य पाऊलखुणा आजही जिवंत आहेत. त्यापैकी एक महत्त्वाचे आणि प्राचीन ऐतिहासिक स्थळ म्हणजे **नाणेघाट**. पुणे जिल्ह्यातील जुन्नर तालुक्यात, जुन्नरच्या वायव्येस सुमारे २८ किलोमीटर अंतरावर असलेला हा घाट केवळ एक डोंगरी मार्ग नाही, तर प्राचीन महाराष्ट्राच्या व्यापार, राजकारण, धर्म, अर्थव्यवस्था आणि संस्कृतीचा साक्षीदार आहे.
सुमारे पाच किलोमीटर लांबीचा आणि सुमारे ८६० मीटर उंचीचा नाणेघाट प्राचीन काळात **कोकण आणि देश (दख्खन पठार)** यांना जोडणारा महत्त्वाचा व्यापारी मार्ग होता. पश्चिम किनाऱ्यावरील बंदरांमध्ये येणारा व्यापारी माल या मार्गाने देशावर पोहोचत असे. सोपारा, कल्याण, भडोच (भरुकच्छ) तसेच चौल या बंदरांमधून येणाऱ्या व्यापारासाठी नाणेघाटाचे स्थान अत्यंत महत्त्वाचे होते.
नाणेघाटातून पुढे हा मार्ग जुन्नर, नगर, नेवासा आणि पैठणकडे जात असे. त्यामुळे प्राचीन काळातील व्यापारी, सार्थवाह, यात्रेकरू आणि विविध प्रदेशांतून ये-जा करणाऱ्या लोकांसाठी नाणेघाट हा महत्त्वाचा दुवा होता.
## जकातीचा रांजण आणि व्यापाराची साक्ष
नाणेघाटाच्या माथ्यावर असलेल्या पठारावर आजही एक भव्य कोरीव दगडी रांजण पाहायला मिळतो. या रांजणाचा उपयोग प्राचीन काळात व्यापाऱ्यांकडून घेतली जाणारी **जकात किंवा मार्गकर जमा करण्यासाठी** केला जात असावा, अशी अभ्यासकांची शक्यता आहे.
यामुळे नाणेघाट हा केवळ प्रवासाचा मार्ग नव्हता, तर येथे व्यापाराचे आणि महसूल व्यवस्थेचेही महत्त्वाचे केंद्र अस्तित्वात होते, असे दिसून येते.
नाणेघाटाच्या शेजारी असलेले जुन्नर हे प्राचीन काळातील महत्त्वाचे व्यापारी केंद्र होते. त्यामुळे नाणेघाट आणि जुन्नर यांचा परस्पर संबंध हा प्राचीन दख्खनच्या इतिहासाच्या अभ्यासासाठी अत्यंत महत्त्वाचा ठरतो.
## सातवाहनांचा इतिहास सांगणारे लेणे
नाणेघाटाच्या मुख्य खिंडमार्गात असलेल्या लेण्यात सातवाहन राजवंशाच्या इतिहासाच्या अमूल्य खुणा आढळतात. येथे सातवाहन राजे आणि त्यांच्या नातेवाइकांच्या प्रतिमांचे भग्न अवशेष आहेत. या प्रतिमांच्या वरील बाजूस त्यांची नावे कोरलेली आहेत.
येथे सातवाहन राणी **नागनिका** हिने केलेल्या वैदिक यज्ञांचा आणि दानधर्माचा उल्लेख करणारा प्रसिद्ध शिलालेख आहे. हा शिलालेख प्राचीन महाराष्ट्राच्या इतिहासाचा अत्यंत महत्त्वाचा दस्तऐवज मानला जातो.
लेण्यात सातवाहन राजघराण्यातील सात व्यक्तींच्या प्रतिमांचा उल्लेख आढळतो. त्यामध्ये—
* सिमुक सातवाहन
* देवी नागनिका
* श्री सातकर्णी
* कुमार भाय
* महारठी त्रनकयिर
* कुमार हकुश्री
* कुमार सातवाहन
यांचा समावेश होतो.
या प्रतिमांवरून हे लेणे सातवाहन राजघराण्याचे **प्रतिमागृह** असावे, असे पुरातत्त्व अभ्यासकांचे मत आहे.
राणी नागनिकेचा ऐतिहासिक शिलालेख
नाणेघाटाची सर्वात मोठी ऐतिहासिक ओळख म्हणजे **राणी नागनिकेचा ब्राह्मी लिपीतील आणि प्राकृत भाषेतील शिलालेख**.
पुराभिलेखविद्येच्या अभ्यासानुसार हा शिलालेख साधारणतः इ.स.पू. दुसरे-पहिले शतक या कालखंडातील मानला जातो. सध्याच्या स्वरूपात शिलालेखाच्या सुमारे वीस ओळी उपलब्ध आहेत. त्यातील दहा ओळी डाव्या भिंतीवर तर उर्वरित दहा ओळी उजव्या भिंतीवर कोरलेल्या आहेत.
या शिलालेखाचा उल्लेख सर्वप्रथम डब्ल्यू. एच. साईक्स यांनी १८३७ मध्ये केला. त्यानंतर जेम्स प्रिन्सेप, भगवानलाल इंद्रजी, योहान ब्यूलर, वा. वि. मिराशी, अजयमित्र शास्त्री, शोभना गोखले यांसारख्या अनेक अभ्यासकांनी त्याचे वाचन आणि अर्थनिर्णय केला.
यज्ञ, दान आणि तत्कालीन अर्थव्यवस्था
राणी नागनिकेच्या शिलालेखात सातकर्णी राजाबरोबर केलेल्या विविध श्रौत यज्ञांचा उल्लेख आहे. त्यामध्ये **अश्वमेध, राजसूय, अग्न्याधेय, गवामयन, आप्तोर्याम** यांसारख्या अनेक यज्ञांचा समावेश आहे.
या यज्ञांच्या संदर्भात ब्राह्मणांना दिलेल्या दानांचाही उल्लेख आढळतो. गाई, हत्ती, घोडे, रथ, कार्षापण नाणी तसेच सोन्या-चांदीचे अलंकार अशा विविध वस्तूंच्या दानाचा उल्लेख या शिलालेखात करण्यात आला आहे.
त्यामुळे हा केवळ धार्मिक शिलालेख नसून तत्कालीन **सामाजिक, आर्थिक आणि राजकीय परिस्थितीचा महत्त्वाचा पुरावा** ठरतो.
विशेष म्हणजे शिलालेखात **कार्षापण आणि प्रसर्पक** या नाण्यांचा उल्लेख आढळतो. त्यामुळे प्राचीन भारतीय नाणकशास्त्राच्या अभ्यासातही नाणेघाटाच्या शिलालेखाला विशेष महत्त्व आहे.
प्राचीन संख्याज्ञानाचीही साक्ष
नाणेघाटाच्या शिलालेखामध्ये विविध दानांच्या संदर्भात मोठ्या प्रमाणावर आकड्यांचा वापर करण्यात आला आहे. त्यामुळे त्या काळातील संख्याज्ञान आणि लेखनपद्धतीच्या प्रगत अवस्थेचीही कल्पना येते.
आजच्या काळात एखाद्या ऐतिहासिक शिलालेखाकडे आपण केवळ दगडावर कोरलेली अक्षरे म्हणून पाहू शकतो; मात्र नाणेघाटातील हा शिलालेख त्या काळातील **राजसत्ता, अर्थव्यवस्था, धर्मव्यवस्था, दानसंस्कृती आणि सामाजिक रचना** यांची माहिती देणारा जिवंत ऐतिहासिक दस्तऐवज आहे.
नाणेघाट आणि सातवाहनांची राजकीय ताकद
नाणेघाट हा व्यापारी मार्ग असल्यामुळे देश-विदेशातून येणारे व्यापारी, सार्थवाह आणि यात्रेकरू या मार्गाने प्रवास करत असत. त्यामुळे या मार्गावर सातवाहन राजघराण्याची सत्ता, समृद्धी आणि धार्मिक कार्य यांची माहिती लोकांपर्यंत पोहोचविण्याचे काम शिलालेखाने केले असावे, असे अभ्यासक मानतात.
यातून एक महत्त्वाची बाब स्पष्ट होते—**सातवाहनांनी केवळ राजकीय सत्ता प्रस्थापित केली नव्हती, तर व्यापारमार्ग आणि सार्वजनिक संपर्काच्या महत्त्वाच्या ठिकाणी आपल्या राजकीय आणि सांस्कृतिक अस्तित्वाच्या खुणाही निर्माण केल्या होत्या.**
नागनिका आणि सातवाहन इतिहास
अंगियकुलवर्धन वंशातील महारठी त्रनकयिर यांची कन्या नागनिका ही सातवाहन राजा **पहिला सातकर्णी** याची पत्नी होती. तिच्या नावाचा उल्लेख नाणेघाटाच्या शिलालेखात अत्यंत महत्त्वपूर्ण पद्धतीने आढळतो.
सातकर्णीच्या निधनानंतर नागनिकेने सातवाहन राजसत्तेची धुरा सांभाळली असावी, असा इतिहास अभ्यासकांचा निष्कर्ष आहे. त्यामुळे नाणेघाटाचा शिलालेख प्राचीन भारतातील **राजकीय आणि सामाजिक जीवनातील स्त्रीच्या भूमिकेच्या अभ्यासासाठीही महत्त्वाचा** ठरतो.
नागनिका-सातकर्णीचे नाणे
नाणेघाटाच्या ऐतिहासिक महत्त्वाला आणखी एक महत्त्वाचा पुरावा जोडला जातो. इ.स. १९७६ मध्ये जुन्नर परिसरात सातकर्णी आणि नागनिका यांचे **चांदीचे संयुक्त नाणे** मिळाले.
या नाण्यावर ब्राह्मी लिपीत नागनिका आणि श्री सातकर्णी यांच्या नावांचा उल्लेख असल्याचे आढळते. त्यामुळे नाणेघाट, जुन्नर आणि सातवाहन राजसत्ता यांच्यातील ऐतिहासिक संबंध अधिक ठोसपणे समोर येतात.
आजही जिवंत असलेला इतिहास
नाणेघाटाच्या दगडांमध्ये आजही हजारो वर्षांपूर्वीच्या इतिहासाचे प्रतिध्वनी ऐकू येतात. व्यापारी मार्ग, जकात व्यवस्था, सातवाहन राजघराणे, राणी नागनिका, वैदिक यज्ञ, दानसंस्कृती, प्राचीन नाणी आणि ब्राह्मी लिपी—या सर्वांचा संगम नाणेघाटात पाहायला मिळतो.
म्हणूनच नाणेघाट हा केवळ पर्यटनस्थळ नाही. तो **महाराष्ट्राच्या प्राचीन इतिहासाचा एक महत्त्वाचा दस्तऐवज** आहे.
भारतीय पुरातत्त्व सर्वेक्षण विभागाने नाणेघाटाला **‘राष्ट्रीय महत्त्वाचे स्थळ’** म्हणून घोषित केले आहे. सह्याद्रीच्या कुशीत उभा असलेला हा ऐतिहासिक ठेवा पुढील पिढ्यांसाठी जतन करणे, त्याचा शास्त्रीय अभ्यास वाढविणे आणि त्याचे महत्त्व सर्वसामान्यांपर्यंत पोहोचविणे ही काळाची गरज आहे.
**नाणेघाट म्हणजे केवळ कोकण आणि देशाला जोडणारी खिंड नव्हे; तो महाराष्ट्राच्या प्राचीन इतिहासाला वर्तमानाशी जोडणारा एक जिवंत दुवा आहे.**
संदर्भ
Ajay Mitra Shastri, *The Satavahanas and The Western Kshatrapas: A Historical Framework*, Nagpur, 1998.
* *महाराष्ट्र राज्य गॅझेटिअर : इतिहास – प्राचीन काळ*, खंड १, मुंबई, २००३.
वा. वि. मिराशी, *सातवाहन आणि पश्चिमी क्षत्रप यांचा इतिहास आणि कोरीव लेख*, मुंबई, १९७९
#नाणेघाट #Naneghat #नाणेघाटइतिहास #नाणेघाटलेणी #जुन्नर #Junnar #पुणेजिल्हा #सातवाहन #सातवाहनइतिहास #राणीनागनिका #नागनिकाशिलालेख #सातकर्णी #प्राचीनइतिहास #महाराष्ट्रइतिहास #महाराष्ट्रपुरातत्व #प्राचीनमहाराष्ट्र #सह्याद्री #सह्याद्रीचा_इतिहास #ऐतिहासिकस्थळ #पुरातत्व #ब्राह्मीलिपी #नाणेघाटशिलालेख #JunnarHistory #MaharashtraHistory #NaneghatCaves #NaneghatPass #NaneghatNews #नाणेघाटन्यूज
2 weeks ago | [YT] | 8
View 0 replies
Naneghat News
नाणेघाट न्यूज |
जुन्नर तालुक्यातील ११५ दिव्यांगांना कृत्रिम हात-पाय, कॅलिपर व बूटांचे वाटप
पंचायत समिती व जिल्हा दिव्यांग पुनर्वसन केंद्राचा संयुक्त उपक्रम
जुन्नर | नाणेघाट न्यूज : जिल्हा दिव्यांग पुनर्वसन केंद्र, पुणे आणि जुन्नर पंचायत समिती यांच्या संयुक्त विद्यमाने तालुक्यातील दिव्यांग बांधवांसाठी कृत्रिम अवयव तपासणी व साहित्य वाटप शिबिराचे आयोजन ४ सप्टेंबर २०२६ रोजी करण्यात आले. गटविकास अधिकारी प्रतीक चन्नावार यांच्या मार्गदर्शनाखाली झालेल्या या शिबिरात ११५ दिव्यांग लाभार्थ्यांना कृत्रिम हात, पाय, कॅलिपर आणि बूटांचे वाटप करण्यात आले.
पंचायत समितीच्या सभापती कमलाताई शेळकंदे, उपसभापती अमित ढोले, सहाय्यक गटविकास अधिकारी महेश पाटील तसेच अधिकारी व दिव्यांग संघटनांच्या पदाधिकाऱ्यांच्या हस्ते शिबिराचे उद्घाटन झाले.
यावेळी सभापती कमलाताई शेळकंदे यांनी दिव्यांग बांधवांच्या विविध अडचणी जाणून घेतल्या. घरपट्टीमध्ये ५० टक्के सवलत, ग्रामपंचायतीच्या पाच टक्के निधीचा लाभ, घरकुल योजना, शासकीय योजनांचा लाभ तसेच आवश्यक साहित्य उपलब्ध करून देण्याबाबतच्या अडचणी सोडविण्यासाठी प्रयत्न केले जातील, असे त्यांनी सांगितले.
तालुक्यातील दिव्यांगांच्या विविध प्रश्नांवर चर्चा करण्यासाठी दिव्यांग सामाजिक संघटनांच्या सर्व पदाधिकाऱ्यांसोबत लवकरच बैठक घेण्यात येईल, असे आश्वासनही त्यांनी दिले.
शिबिरात एस. आर. ट्रस्टच्या डॉ. रोहिणी कारंडे, अ‍ॅलिम्कोच्या डॉ. शुश्रा कांबळे, राज शर्मा, शाहरुख शहा यांच्या पथकाने दिव्यांग लाभार्थ्यांची तपासणी केली. तपासणीनंतर पात्र लाभार्थ्यांना जागेवरच कृत्रिम हात-पाय, कॅलिपर आणि बूट वितरित करण्यात आले.
दिव्यांगांसाठी मोफत संगणक प्रशिक्षण
दरम्यान, आयटीसी संस्थेच्या वतीने १८ ते ४५ वयोगटातील दिव्यांग महिला व पुरुषांसाठी दोन महिन्यांचा मोफत संगणक प्रशिक्षण अभ्यासक्रम आयोजित करण्यात येणार आहे. प्रशिक्षण पूर्ण केल्यानंतर ५ हजार रुपयांची शिष्यवृत्ती देण्यात येणार असल्याची माहिती किरण टावरे व साक्षी शिंदे यांनी दिली. यासाठी इच्छुक दिव्यांगांची नोंदणी करण्यात आली.
या कार्यक्रमाला पंचायत समितीचे समाजकल्याण अधिकारी शंकर भालेराव व आरोग्य निरीक्षक संतोष आटोळे यांचे मार्गदर्शन लाभले.
यावेळी राधेश्याम दिव्यांग सशक्तीकरण केंद्राचे संस्थापक अध्यक्ष दीपक चव्हाण, अरुण शेरकर, राष्ट्रवादी अपंग सेलच्या अध्यक्षा पुष्पाताई गोसावी, डिसेंट फाऊंडेशनचे संस्थापक अध्यक्ष जितेंद्र बिडवई, गोविंद कुतळ, प्रहार संघटनेचे अध्यक्ष मच्छिंद्र थोरात, मनसे दिव्यांग संघटनेचे अध्यक्ष महेंद्र फापाळे यांच्यासह निवृत्ती कामटकर, सौरभ मातेले, हरी नायकोडी, विजय शेळके, सविताताई दुराफे, ताहोर आत्तार, मुस्तकिम पिरजादा, युसुफ सय्यद, आरफात चौधरी, अनंत हाडवले तसेच सामाजिक कार्यकर्ते आणि दिव्यांग बांधव मोठ्या संख्येने उपस्थित होते.
1 month ago | [YT] | 1
View 0 replies
Naneghat News
नाणेघाट न्यूज
महाराष्ट्र राज्य पत्रकार संघाच्या पुणे (उत्तर) जिल्हा संपर्क प्रमुखपदी राजेश डोके यांची नियुक्ती
जुन्नर | नाणेघाट न्यूज प्रतिनिधी : महाराष्ट्र राज्य पत्रकार संघ, मुंबई यांच्या वतीने श्री. राजेश नागुजी डोके यांची पुणे (उत्तर) जिल्हा संपर्क प्रमुख या महत्त्वपूर्ण पदावर नियुक्ती करण्यात आली आहे.
महाराष्ट्र राज्य पत्रकार संघाचे प्रदेश अध्यक्ष निलेश सोनी यांच्या आदेशानुसार तसेच राज्य संघटक सौरभ भोसले यांच्या सूचनेनुसार ही नियुक्ती करण्यात आली आहे.
पत्रकार संघटनेचे कार्य अधिक प्रभावीपणे तळागाळापर्यंत पोहोचविणे, पत्रकारांना संघटित करणे आणि आपल्या कार्यक्षेत्रात संघटना मजबूत करण्यासाठी प्रयत्न करावेत, अशी अपेक्षा नियुक्तीपत्राद्वारे व्यक्त करण्यात आली आहे.
राजेश डोके यांच्या या नियुक्तीबद्दल पत्रकारिता क्षेत्रासह मित्रपरिवारातून त्यांच्यावर अभिनंदनाचा वर्षाव होत असून, पुढील कार्यासाठी त्यांना नाणेघाट न्यूजकडून हार्दिक शुभेच्छा!
— नाणेघाट न्यूज | आवाज सह्याद्रीचा
#NaneghatNews #नाणेघाटन्यूज #RajeshDoke #राजेशडोके #MaharashtraRajyaPatrakarSangh #महाराष्ट्रराज्यपत्रकारसंघ #PuneNews #पुणेन्यूज #JunnarNews #जुन्नरन्यूज #Journalist #पत्रकार #MediaNews #पत्रकारिता #PuneNorth #पुणेउत्तर #BreakingNews #LatestNews #MaharashtraNews #महाराष्ट्रबातम्या #Naneghat #आवाजसह्याद्रीचा #NewsUpdate #MarathiNews
1 month ago | [YT] | 1
View 0 replies
Naneghat News
प्रसिद्ध अभिनेते प्रदीप रावत यांचे निधन; चित्रपटसृष्टीवर शोककळा
नाणेघाट न्यूज | प्रतिनिधी
हिंदीसह दक्षिण भारतीय चित्रपटसृष्टीतील दमदार खलनायक म्हणून ओळखले जाणारे ज्येष्ठ अभिनेते प्रदीप रावत यांचे ४ ऑगस्ट २०२६ रोजी वयाच्या ७४व्या वर्षी निधन झाले. रक्ताच्या कर्करोगाशी झुंज देत असताना त्यांनी अखेरचा श्वास घेतला.
'लगान', 'सरफरोश', 'गजनी' यांसारख्या गाजलेल्या चित्रपटांतील त्यांच्या प्रभावी भूमिका आजही प्रेक्षकांच्या स्मरणात आहेत. त्यांच्या निधनाने भारतीय चित्रपटसृष्टीने एक बहुआयामी आणि दमदार कलाकार गमावला असून, विविध क्षेत्रांतून त्यांना श्रद्धांजली अर्पण करण्यात येत आहे.
#PradeepRawat #RIPPradeepRawat #Bollywood #IndianCinema #NaneghatNews #EntertainmentNews #श्रद्धांजली #चित्रपटसृष्टी
1 month ago | [YT] | 0
View 0 replies
Naneghat News
नाणेघाट न्यूज | जुन्नर
शिवजन्मभूमीतून 'अदानी प्रकल्प' हद्दपार करण्यासाठी पोलिस प्रशासनाला निवेदन
जुन्नर तालुक्यातील प्रस्तावित अदानी पंप्ड स्टोरेज प्रकल्पाला विरोध अधिक तीव्र होत असून, सामाजिक कार्यकर्ते सुरज वाजगे यांच्या नेतृत्वाखाली जुन्नर पोलिस प्रशासनाला निवेदन देण्यात आले. आदिवासी बांधवांच्या जमीन, जल, जंगल आणि पारंपरिक हक्कांच्या संरक्षणासाठी लोकशाही मार्गाने आंदोलन करण्यात येणार असल्याची भूमिका यावेळी मांडण्यात आली. आंदोलन शांततेत पार पडावे व नागरिकांच्या लोकशाही हक्कांचे संरक्षण करावे, अशी मागणी निवेदनाद्वारे करण्यात आली.
#नाणेघाटन्यूज #Junnar #JunnarNews #AdaniGoBack #SaveJunnar #SaveSahyadri #SaveAdivasi #AdivasiRights #JalJangalJameen #SurajWajage #Pune #Maharashtra #PumpedStorageProject #Environment #TribalRights #लोकशाहीआंदोलन #जुन्नर #सह्याद्री #आदिवासीहक्क #जलजंगलजमीन
2 months ago | [YT] | 2
View 0 replies
Naneghat News
नाणेघाट न्यूज |
राष्ट्रवादी युवती काँग्रेसच्या प्रदेशाध्यक्षपदी निर्मला नवले
पुणे : राष्ट्रवादी काँग्रेस पक्षाच्या युवती काँग्रेसच्या प्रदेशाध्यक्षपदी निर्मला शुभम नवले यांची नियुक्ती करण्यात आली आहे. पक्षाच्या राष्ट्रीय अध्यक्षा तथा महाराष्ट्राच्या उपमुख्यमंत्री सुनेत्रा अजितदादा पवार यांच्या मान्यतेने आणि प्रदेशाध्यक्ष खासदार सुनील तटकरे यांच्या नेतृत्वाखाली ही नियुक्ती करण्यात आल्याची माहिती समोर आली आहे.
या नियुक्तीनंतर पक्षातील पदाधिकारी व कार्यकर्त्यांकडून निर्मला नवले यांच्यावर अभिनंदनाचा वर्षाव होत असून, त्यांच्या दमदार नेतृत्व, संघर्षशील कार्यशैली आणि संघटन कौशल्याच्या बळावर राष्ट्रवादी युवती काँग्रेसची राज्यभर अधिक प्रभावी बांधणी होईल, असा विश्वास व्यक्त केला जात आहे.
निर्मला नवले यांनी पक्ष संघटना अधिक मजबूत करण्याबरोबरच राज्यातील युवतींना राजकीय आणि सामाजिक क्षेत्रात सक्रिय सहभागासाठी प्रेरित करण्याचे काम करावे, अशा शुभेच्छा विविध स्तरांतून दिल्या जात आहेत.
#निर्मला_नवले #राष्ट्रवादीकाँग्रेस #राष्ट्रवादीयुवतीकाँग्रेस #NCP #NCPMaharashtra #AjitPawar #SunetraPawar #SunilTatkare #MaharashtraPolitics #PoliticalNews #BreakingNews #NaaneghatNews #नाणेघाट_न्यूज #महाराष्ट्र #राजकारण #मराठीबातम्या #LatestNews #Congratulations #Leadership #YouthPolitics
नव्या जबाबदारीबद्दल निर्मला नवले यांचे सर्व स्तरांतून अभिनंदन होत असून, त्यांच्या पुढील राजकीय व सामाजिक वाटचालीस शुभेच्छांचा वर्षाव होत आहे.
2 months ago | [YT] | 3
View 0 replies
Naneghat News
नाणेघाट न्यूज | विशेष बातमी
शिक्षणमहर्षी पद्मश्री डॉ. डी. वाय. पाटील यांचे निधन
कोल्हापूर | प्रतिनिधी : शिक्षण, आरोग्य आणि समाजसेवा क्षेत्रात मोलाचे योगदान देणारे पद्मश्री डॉ. डी. वाय. पाटील यांचे ४ ऑगस्ट २०२६ रोजी कोल्हापूर येथील राहत्या घरी निधन झाले. ते ९० वर्षांचे होते. त्यांच्या निधनाने शिक्षण क्षेत्रातील एक युग संपल्याची भावना व्यक्त होत आहे. त्यांनी उभारलेल्या शैक्षणिक, वैद्यकीय आणि क्रीडा संस्थांमुळे लाखो विद्यार्थ्यांना संधी मिळाली. त्यांच्या निधनाबद्दल विविध क्षेत्रांतून शोक व्यक्त करण्यात आला आहे.
#डीवायपाटील
#पद्मश्रीडीवायपाटील
#भावपूर्णश्रद्धांजली
#शिक्षणमहर्षी
#शिक्षणक्षेत्र
#महाराष्ट्र
#कोल्हापूर
#निधनवार्ता
#श्रद्धांजली
#नाणेघाटन्यूज#DYPatil
#PadmaShri
#DrDYPatil
#Tribute
#RIP
#Education
#Educationist
#Kolhapur
#Maharashtra
#NaneghatNews
2 months ago | [YT] | 0
View 0 replies
Load more