ENG /Mahmoud Saad

قولت اكتب بوست علمي عن التكنولوجيا الحديثة قبل ما اسافر حاجة تفتكروني بيها

ظهر حاجة في عالم الكمبيوتر اسمها
** quantum computing ** الحوسبة الكمية
تعالي نشوف ايه حكايته دا 👇👇👇

**Quantum Computing:
في الكمبيوتر العادي، أصغر وحدة بيانات اسمها **Bit**
(0 أو 1).
لكن في الحوسبة الكمية، عندنا ** Qubit **، وده بيقدر يكون(0 و1) مع بعض في نفس اللحظة (Superposition

دا حرفيا المستقبل اللي هيغير كل حاجة حرفيا
تخيل معايا كده جهاز كمبيوتر مش بيحسب بـ 0 و 1 بس ذي اللي عارفينه ، لكن يقدر يكون 0 و 1 في نفس الوقت
واحد من أقوى وأخطر التطورات التكنولوجية في عصرنا.

يعني بدل ما نجرب كل الاحتمالات واحدة واحدة…
الكمبيوتر الكمي يقدر يجرب كل الاحتمالات في نفس الوقت

انت عارف دا معناه ايه

** سرعة غير طبيعية:**
في مسائل معينة، الكمبيوتر الكمي أسرع بمليون مرة من العادي.

**كسر التشفير:**
الأنظمة الأمنية الحالية اللي مبنية اصلا علي عمليات رياضية معقدة يصعب علي أجهزة الكمبيوتر العادية اكتشافها الا بعد مليارات السنين (زي RSA ) فتخيل بقا انا عاملك جهاز كومبيوتر كمي سريع جدا جدا في الحاجات دي دا معناه أن العالم الأمني كله هيتغير ولازم يدوره علي تقنيات جديدة و خوارزميات جديدة عشان يقفوا قدام العملاق دا ، كل الكلام دا هيودينا لسكة تانية في عالم الأمن السيبراني حرفيا .

**الذكاء الاصطناعي:**
اصلا كان مشكلة ال AI أنهم مش لاقين processors قوية تنفذ المعادلات و الخوارزميات اللي AI معتمد عليها في شغله
فلك أن تتخيل انا عملتلك حاجة بقا تنفذلك كل اللي انت عايزه بسرعات عالية جدا جدا دا هيودينا أن الـ AI هيبقي أقوى وأسرع بشكل مرعب .

اعتقد بقا هو هيأثر علي عالم الكمبيوتر كله سواء شبكات لوجستيات ، هيغير العالم حرفيا

طيب الميزة بقا من دا كله أن لسة الحوار دا كله في مرحلة البحث والتطوير لسة منزلشي علي الارض بس كمان خمس سنين او عشر سنين بالكتير اوي هيكون فيه نسخ منه ظهرت

ودا كدا ببساطة اللي احنا رايحين ليه

6 months ago | [YT] | 5