BBC Pashto

د پاکستان جیولوژیکل سروې او د خیبر پښتونخوا د کانونو د چارو د ادارې له معلوماتو سره سم، خیبر پښتونخوا او پخوانۍ فاټا د معدني زېرمو بډایه سیمې بلل کېږي. www.bbc.com/pashto/articles/cr78pzpv49d6o

4 hours ago | [YT] | 34

BBC Pashto

د افغانستان د کرېکټ ملي لوبډلې کیڼ لاسي توپ وهونکې صدیق‌الله اتل د زېمبابوې خلاف په روانه یو ورځنۍ سیالۍ کې سلیزه وکړه.
هغه د زېمبابوې د لوبډلمشر سکندر رضا په توپ له سوځېدو مخکې له څه باندې ۹۲ سټرایک رېټ سره د ۸ څلوریزو او یوې شپږیزې په مټ ۱۰۲ منډې وکړې.
له صدیق‌الله اتل سره د افغان لوبډلې ښي لاسي پیلیز توپوهونکي ابراهیم ځدراڼ د ۱۴۰ منډو نسبتآ اوږده ملګرتیا وکړه.
ابراهیم په ۹۰ منډو وسوځېد.

6 hours ago | [YT] | 160

BBC Pashto

په خیبر پښتونخوا ایالت کې د ایمرجنسي او ګورنر راج (والي واکمنۍ) تر نافذېدو وروسته د صوبې د معدني زېرمو او د هغو د استخراج لپاره د ورکړل شويو زرګونو جوازونو او قراردادونو موضوع د تودو بحثونو مرکز ګرځېدلې ده. www.bbc.com/pashto/articles/cr78pzpv49d6o

6 hours ago | [YT] | 18

BBC Pashto

د پاکستان دفاع وزیر خواجه اصف وايي، په تېرو څو کلونو کې د دغه هېواد ګڼ شمېر دولتي چارواکي کاناډا، امریکا او بریتانیا کې کوچېدلي او هلته یې دایمي استوګنه پیل کړې ده.
د نوموړي په وینا، دوی له هېواده وتلو او بهر استوګنې ته د یوه منظم پلان له مخې داسې مهال چمتووالی نیولی، چې لا یې د پاکستان په حکومت کې دندې درلودې او ماموران وو.
هغه دا موضوع پر خپله اېکس پاڼه یوه خپاره کړي پیغام کې راپورته کړې ده.
خواجه اصف لیکلي: "له دې څخه د دندې پر مهال هېواد او خپلو دندو ته د دوی ژمنتیا جاجېدای شي."
د پاکستان دفاع وزیر وايي، د پاکستان د حکومتي مامورینو پام له څو کلونو پرتګال ته ور اوښتی په دې برخه کې چې د کومو کسانو نومونه مخ ته راځي، د ده په وینا هغوی "له کلونو راهیسې د حکومت د سترګو تور دي."
خواجه اصف دا پوښتنه هم مطرح کړې چې ایا واقعآ د دندو پر مهال له هېواد سره د هغو کسانو ژمنتیا له هر ډول شک او شبهې پاکه پاتې شوې،‌ چې د نوموړي په وینا "پر لوړو څوکیو ټاکل شوي وي، ولس کې له درناوي برخمن وي، په مشروع او نامشروع لارو یې د شتمنیو ټولو موکې موندلې وي او د سیاستوالو د سترګو تور وي؟"
پاکستان د نړۍ د هغو هېوادونو په کتار کې دی چې د لوستو او مسلکي کسانو د وتلو (مغزونو فرار) له اړخه له ننګونو سره مخامخ بلل کېږي.
د پاکستان د کډوالۍ او بهر کې د کار ادارې په حواله یوازې تېر ۲۰۲۵ کال له ۷۶۳ زرو ډېر پاکستاني وګړي له هېواده وتلي او بهر یې د کار زمېنه ترلاسه کړې ده.‌
پاکستانۍ رسنۍ وايي، په تېرو درېیو کلونو کې دغه شمېر نږدې یو عشاریه ۹ میلیون کسانو ته رسېږي.
له دې سره پر اقتصاد، روغتیا، پوهنې او نورو مهمو برخو باندې د لوستو او مسلکي کسانو د وتلو د بالقوه اغېزو په اړه بحثونه هم ډېر شوي دي.
سیاسي، اقتصادي او امنیتي‌ ستونزې او د ښې راتلونکې لټه د دغو کسانو د وتلو عمده لاملونه بلل کېږي.

8 hours ago | [YT] | 21

BBC Pashto

برازیل له پیله پر لوبه بشپړ کنټرول درلود او د لوبې په لومړیو شېبو کې یې لومړی ګول وواهه. تفصیل پر بي بي سي پښتو وېبپاڼه لوستلای شئ.

bbc.in/4sbEvhx

9 hours ago | [YT] | 16

BBC Pashto

د طالبانو حکومت بهرنیو چارو وزیر امیرخان متقي افغانستان لپاره د ملګرو ملتونو د سرمنشي له ځانګړې استازې او د یوناما له نوې مشرې رباب فاطمې سره د "افغانستان او ملګرو ملتونو ترمنځ د همکاریو پر پراختیا، د راستنېدونکو افغان کډوالو پر بشري اړتیاوو او د مرستو پر اغېزمن تنظیم خبرې" کړې دي.
د طالبانو حکومت بهرنیو چارو وزارت په یوه خبرپاڼه کې ویلي، چې "په دې برخه کې له سیاسي موضوعاتو څخه د اقتصادي فعالیتونو او بشري مرستو پر جلا ساتلو او د بشري اړتیاوو د پوره کولو ترڅنګ، د پراختیايي او زیربنايي پروژو د ملاتړ پر زیاتوالي ټینګار وشو."
په بیان کې زیاته شوې چې همدا راز "د افغانستان په اړه د ملګرو ملتونو د راپورونو او ارزونو په تړاو، د کره او باوري معلوماتو پر کارولو، د واقعي وضعیت پر متوازن انعکاس او له اړوندو افغان ادارو سره د لازمې همغږۍ پر اهمیت هم تاکید وشو."
د یادونې ده چې په افغانستان کې د بشري حقونو د وضعیت په تړاو د ملګرو ملتونو د مرستندویه پلاوي (یوناما) د بشري حقونو څانګې وروستۍ درې میاشتنۍ راپور د طالبانو حکومت له نیوکو او انتقادونو سره مخامخ شوی دی.
همدا تېره ورځ‌ (یکشنبه د اکتوبر ۱۸مه) د طالبانو حکومت د ریاست الوزراء اقتصادي مرستیال ملا عبدالغني برادر په کابل کې یوې غونډې د وینا په یوه برخه کې پر یوناما غږ وکړ، چې د افغانستان په تړاو دې "عیني واقعیتونو" ته په کتو په "بې طرفه توګه" تحلیلي رپوټونه خپروي.
هغه وویل دا عادلانه نه ده چې په دغو رپوټونو کې د افغانستان یا د دوی د حکومت امنیتي او اقتصادي لاسته راوړنې له پامه غورځول کېږي.
ورمخکې د طالبانو حکومت ویاند ذبیح‌الله مجاهد هم له یوناما غوښتي وو، چې د یوه بې‌طرفه نړیوال بنسټ په توګه دې خپلې ارزونې د کره معلوماتو او عیني واقعیتونو پر بنسټ ترسره کړي.
هغه زیاته کړې وه، "د دې پرځای چې یوناما د یو بې پرې نهاد په توګه د افغانستان او نړیوالې ټولنې ترمنځ د نیږدې والي او ورسره د سوء تفاهمونو د له منځه وړلو لپاره کار وکړي، برعکس د یوې مغرضې ادارې په توګه د افغانستان په دننه کې د نظام پرخلاف په پروپاګند مصروفه ده او هڅه کوي له افغانستان څخه نړۍ ته ناوړه تصویر وړاندې کړي."
د یادونې ده چې یوناما دا تېره اوونۍ افغانستان کې د روان زېږدیز کال د جولای له پیله د سپتمبر تر وروستۍ نېټې پورې د بشري حقونو د وضعیت په تړاو خپل تازه رپوټ خپور کړ، چې د ښځو د حقونو، د رسنیو ازادۍ، د ډیورنډ کرښې په اوږدو کې د امنیتي پېښو، د پخواني حکومت د چارواکو او د امنیتي او دفاعي اورګانونو د غړو د خوندیتوب، د بندیانو د حقونو او د طالبانو حکومت د عدلیې او قضايي ادارو لخوا د بدني سزاګانو د ورکړې په اړه بېلابېل موضوعات پکې رانغښتل شوي‌ دي.
یونام په دغه رپوټ کې ویلي وو چې د دوی د بشري حقونو څانګې په جولای، اګست او سپتمبر میاشتو کې له پنځوسو ډېرې داسې پېښې مستندې کړې، چې د طالبانو حکومت د امر بالمعروف او نهی عن المنکر وزارت محتسبینو د حجاب له لارښوونې د سرغړونې په تور "ښځې نیولې، توقیف کړې او هغوی ته یې خبرداری ورکړی."
په دغه رپوټ کې همدا راز زیاته شوې وه،‌ چې د یوناما د بشري حقونو څانګې په دې موده کې د پخواني افغان حکومت د چارواکو او د مخکیني حکومت د دفاعي‌ او امنیتي ځواکونو د لږترلږه څلورو غړو د وژل کېدو او د هغوی خپلسرو نیونو او توقیف ۱۴ قضیې مستندې کړې.
د طالبانو حکومت بهرنیو چارو وزارت وايي، له اغلې رباب سره په لیدنه کې د اقلیمي بدلونونونو او د اوبو برخو کې د افغانستان د اړتیاوو او ننګونو د مدیریت، د همکاریو د پراختیا، د دوحې پروسې په چوکاټ کې د خصوصي سکتور د ملاتړ او له نشه‌يي توکو سره د مبارزې د کاري ډلو د فعالیتونو په څېر پر نورو موضوعاتو هم خبرې شوې دي.
د یادونې ده چې افغانستان لپاره د ملګرو ملتونو د سرمنشي ځانګړې استازې رباب فاطمه تازه کابل ته رسېدلې او خپل دنده یې پیل کړې ده.
هغه په تېرو پنځو کلونو کې دویمه ښځینه ده چې په افغانستان کې د ملګرو ملتونو د مرستندویه پلاوي (یوناما) مشري کوي.

10 hours ago | [YT] | 59

BBC Pashto

۳۶ کلن شروف د یکشنبې په ماښام هغه مهال تر ډزو لاندې راغی چې د ممبۍ د جوهو سیمې له یوه فوټبال کلبه په موټر کې روان و. تفصیل پر بي بي سي پښتو وېبپاڼه لوستلای شئ.

bbc.in/47xxw94

12 hours ago | [YT] | 33

BBC Pashto

د بلغاریا ټرانسپورټ وزارت په وینا د بلغاریا هوايي ځواک د الوتکې د څارنې او خونديتوب لپاره یوه 'میګ-۲۹' جنګي الوتکه هم ور استولې وه. تفصیل پر بي بي سي پښتو وېبپاڼه لوستلای شئ.
bbc.in/4sdeZIJ

13 hours ago | [YT] | 19

BBC Pashto

د ۸۰ مترو په اوږدوالي یوې لوکسې تفریحي بېړۍ د روان کال له جولای د اکتوبر تر نیمایي پورې د شمالي کوریا د ونسان ساحل ته نژدې په سپوږمکۍ انځورونو کې څو ځله لیدل شوې ده. د دې بېړۍ تر ټولو د پام وړ ځانګړنه د هغې پر غولي د لامبو ۵۰ متره اوږد حوض دی، چې په یوه برخه کې یې د اوبو د ښویېدلو څو لارې هم شته.

تفصیل یې پر بي بي سي پښتو ټکی کام لوستلی شئ،
bbc.in/4isV8Sp

1 day ago | [YT] | 20

BBC Pashto

د بلوچستان په خضدار ضلعې یا ولسوالۍ کې نامعلومو وسلوالو د کارګرو په ګډون ۱۸ کسان تښتولي دي. د حکومتي چارواکو په وینا، دا پېښه د ولسوالۍ د نال تحصیل اړوند د بېسار اناري په سیمه کې رامنځته شوې ده.
په کوټه کې د بي بي سي خبریال محمد کاظم د نال پولیسو د مرکز مشر (اېس ایچ او) غلام مصطفیٰ له قوله وايي، د وسله والو یوه لویه ډله تېره شپه د مرمرو یوې کان او فابریکې ته ورغلې وه.
د هغه په وینا، وسلوالو له یاد ځایه ۱۸ کسان یرغمل او له ځان سره بیولي دي. په تښتول شویو کسانو کې د کان د مالک زوی او ۱۷ کارګران شامل دي.
چارواکي وايي، هغه کان چې کارګران ترې تښتول شوي د سیمې د یوې قبایلي مخور ملکیت دی. د پولیسو په وینا، بریدګرو له کانه یو لوډر او دوه موټرې هم له ځان سره وړې دي.
تر اوسه کومې ډلې د دې پېښې مسؤلیت نه دی منلی.
تېر کال هم په نال سیمه کې د ودانیزو چارو یوه شرکت پر کمپ برید شوی و. بریدګرو هلته ماشینونه سوځولي وو او له لسو زیات مزدوران یې تښتولي وو.
هغه تښتول شوي مزدوران د سند ایالت اوسېدونکي وو، چې وروسته خوشي شوي وو.
خضدار د بلوچستان له هغو سیمو شمېرل کېږي چې له اوږدې مودې راهیسې د ناامنۍ او وسله‌والو فعالیتونو له کبله اغېزمنې دي.
په دې سیمه کې د امنیتي پېښو تر څنګ د ودانیزو چارو شرکتونو د کارکوونکو د تښتولو پېښې هم زیاتې شوې دي.
خو حکومتي چارواکي وايي چې د سیمې د امنیت د ښه کېدو لپاره د امنیتي ځواکونو عملیات او نور اقدامات روان دي.

1 day ago | [YT] | 66