சூரியக் குடும்பம் உருவான காலகட்டத்தில் பூமியில் இரும்புக்கான தாதுப் பொருட்களே இல்லை என்றும் அதன் பின்னரே விண்கற்கள் மழையாகப் பொழியப்பட்ட காலத்தில் வானிலிருந்து இந்த இரும்புகள் பூமிக்கு வந்திருக்கின்றன என்று நவீன வானவியல் அறிஞர்கள் கூறுகிறார்கள். இதைப்பற்றி சிறிது விரிவாக பார்ப்போம்.
சூரியக் குடும்பத்தின் ஆற்றல் (Energy of Solar system) இரும்பை உறுவாக்கும் ஆற்றலைப் பெற்றிருக்கவில்லை. இரும்பின் ஒரு அணுவை உருவாக்குவதற்கு இந்த சூரியக் குடும்பத்தின் மொத்த ஆற்றலைப்போல நான்கு மடங்கு ஆற்றல் (Four Times energy of Entire solar System is Required to Produce a Single Atom of Iron) தேவைப்படுகிறது. எனவே பூமியில் உள்ள இரும்புகள் எங்கிருந்தோ வானத்திலிருந்து வந்திருக்க வேண்டும் என்கின்றனர் NASA விண்வெளி ஆராய்ச்சி நிலையத்தைச் சேர்ந்த ஆராய்ச்சியாளர்கள்.
தற்கால அறிவியலாளர்கள், தற்போது பூமியில் காணப்படும் இரும்புகள் 4.5 பில்லியன் ஆண்டுகளுக்கு முன்னால் சூரியனை விடப் பன்மடங்கு பெரிதாகவிருந்த ஒரு நட்சத்திரம் வெடித்துச் சிதறியதால் ஏற்பட்ட துகள்கள் சூரியக் குடும்பத்தில் உள்ள பூமியின் ஈர்ப்பாற்றலினால் இழுக்கப்பட்டு அதனோடு மோதி பூமியில் இரும்புக்கான தாதுப்பொருட்கள் பரவலாக கிடைக்க வழி வகுத்தது என்று கூறுகிறார்கள். (பார்க்கவும் வீடியோ)
இந்த அறிவியலாளர்கள் மேலும் கூறுகையில், ஆரம்பத்தில் இளகிய நிலையில் இருந்த இந்த பூமி தற்போதுள்ள அளவை விட மிகச் சிறியதாக இருந்ததாகவும் இரும்பின் தாதுப்பொருட்கள் அடங்கிய மிகப்பெரிய ஆஸ்ட்ராயிட்ஸ் எனப்படும் விண்கற்கள் 10 க்கும் மேற்பட்டவைகள் பூமியில் மோதியதாகவும் ஒவ்வொரு தடவையும் மோதும் போது பூமி தன் அளவில் பெரியதாக ஆனதாகவும் கூறுகிறார்கள். (பார்க்கவும் வீடியோ)
பூமி, சந்திரன், சூரியன் இவைகளெல்லாம் மிகப்பெரிய வெடிப்பின் மூலம் (Big Bang) தோன்றியது என்பதை நாம் அறிவோம். இவ்வாறு வெடித்துச் சிதறியதால் பூமி, சந்திரன் மற்றும் சூரியன் தோன்றிய அதே நேரத்தில் பல்லாயிரக்கணக்கான சிறியதும், பெரியதுமான விண்கற்கள் (Asteroids and Meteoroids) தோன்றி அவைகளும் இப்பரந்த விண்வெளியில் சுற்றித் திரிகின்றன.
பெரிய கற்கள் ஒன்றோடொன்று மோதிக்கொள்வதால் அவைகள் வெடித்துச்சிதறி புதிய புதிய கற்கள் தோன்றிய வண்ணம் இருக்கின்றன. அவைகள் அவ்வபோது பூமி, சந்திரன் ஈர்ப்பாற்றலினால் இழுக்கப்பட்டு இவைகளின் மீது மோதுகின்றன.
பூமி உருவான காலகட்டத்தில் பூமியின் மீது தொடர்ச்சியாக விண்கல்மாரிகள் பொழிந்தவண்ணமாக இருந்தது. இந்தக் காலகட்டத்தை (Bombardment Period) என்று கூறுவர். விழுந்த கற்களில் பல்வேறு தாதுப்பொருட்கள் இருந்தது. இவ்வாறு விண்ணிலிருந்து வந்த விண்கற்கள்
மூலமாக கிடைத்ததே இந்த பூமியிலுள்ள இரும்புகள் அனைத்தும் என்கின்றனர் வல்லுனர்கள். தற்போது அவ்வபோது இந்த மாதிரி விண்ணிலிருந்து விண்கற்கள் மூலமாக இரும்புகள் பூமியை நோக்கி வந்தவண்ணம் இருப்பதாகக் கூறும் விஞ்ஞானிகள் இதற்கு ஆதாரமாக 1947 ஆம் ஆண்டு ரஷ்யாவில் விழுந்த விண்கல்லை (Meteorite) காட்டுகின்றனர். இக்கல்லில் நான்கு சதவிகிதம் நிக்கல் என்ற பொருளும் ஏனைய பெரும்பகுதி இரும்பாகவும் இருந்ததாகக் கூறுகின்றனர்.
பூமியில் காணப்படும் இரும்புகள் அனைத்தும் பூமியில் தாமாகவே உருவாகவில்லை! மாறாக வானத்தில் வேறு எங்கிருந்தோ பூமியை நோக்கி வந்தது என்பது தற்காலத்தில் கண்டுபிடிக்கப்பட்ட விஞ்ஞான உண்மையாகும்.
ஆனால் இந்தப் பேருண்மையை 1400 ஆண்டுகளுக்கு முன்னரே அனைத்துலகங்களைப் படைத்த அந்த இறைவன் உலக மாந்தர்களுக்கெல்லாம் நேர்வழிகாட்டிட அவன் இறக்கியருளிய அவனுடைய சத்தியத் திருவேதத்திலே இதைக் குறித்து குறிப்பிட்டு மக்கள் சித்தித்து தெளிபெறுமாறு அறிவுறுத்துகிறான்.
அல்லாஹ் கூறுகிறான்: -
“நிச்சயமாக நம் தூதர்களைத் தெளிவான அத்தாட்சிகளுடன் அனுப்பினோம்; அன்றியும், மனிதர்கள் நீதியுடன் நிலைப்பதற்காக, அவர்களுடன் வேதத்தையும் (நீதத்தின்) துலாக்கோலையும் இறக்கினோம்; இன்னும், இரும்பையும் இறக்கினோம். அதில் கடும் அபாயம் இருக்கிறது; எனினும் (அதில்) மனிதர்களுக்குப் பல பயன்களும் இருக்கின்றன – (இவற்றின் மூலமாகத்) தனக்கும், தன்னுடைய தூதருக்கும் மறைமுகமாகவும் உதவி செய்பவர் எவர் என்பதையும் (சோதித்து) அறிந்து கொள்வதற்காக அல்லாஹ் (இவ்வாறு அருள்கிறான்); நிச்சயமாக அல்லாஹ் பலம் மிக்கவன், (யாவரையும்) மிகைத்தவன்”(அல்குர்ஆன்: 57:25)
*பிறர் குறை பேசுவதும், ஒற்றுக் கேட்பதும் இஸ்லாத்தில் தடை*
இஸ்லாம் சமூக வாழ்வை சீர்படுத்தும் நோக்குடன் சமூகத்தில் ஒருவர் மற்றவருடன் எவ்வாறு நடந்துகொள்ள வேண்டும், உறவாட வேண்டும் என்பதுபற்றி மிகச் சிறப்பான முறையில் ஒழுங்கு முறைகளை வகுத்துக் காட்டுகின்றது.
குறிப்பாக, ஒருவர் மற்றவரின் குறை தேடுவதுபற்றி பின்வருமாறு குர்ஆன் சுருங்கச்சொல்லி விளங்க வைக்கின்றது. “எவருடைய குறைகளையும் நீங்கள் துருவித் துருவி விசாரித்துக்கொண்டிருக்க வேண்டாம்.”(49 : 12)
இந்த இறை கட்டளையிலிருந்து நாம் விளங்கிக் கொள்ள வேண்டியது யாதெனில், நாம் எந்தச் சந்தர்ப்பத்திலும் எமது அயலவரோ, சகோதரரோ, உறவினரோ, நண்பரோ ஏதும் குறைகள் விட்டிருப்பின் அந்தக் குறைகள் பற்றி விரிவாக பலரிடமிருந்து துருவித் துருவி விசாரித்து வீண் பேச்சுக்களை பேசி பெறுமதியான நேரகாலத்தை வீணாக்குவது அல்லாஹ்விடத்தில் வெறுப்பூட்டக் கூடியது என்பதாகும்.
மேலும், இந்த வெறுப்பூட்டத்தக்க குறைபேசுதல் பற்றிய மற்றுமொரு குர்ஆன் ஆயத்தையும் ஈண்டு ஆராய்வது பொருத்தமானது.
“மேலும் விசுவாசங்கொண்ட ஆண்களையும், விசுவாசங்கொண்ட பெண்களையும் அவர்கள் செய்யாத (குற்றத்)தைச் செய்ததாகக் கூறி துன்புறுத்துகிறார்களே அத்தகையவர்கள் நிச்சயமாக(ப் பெரும்) அவதூறையும் பகிரங்கமான பாவத்தையும் சுமந்து கொண்டனர்”(33:58)
இந்தத் திருமறை வசனத்திலிருந்து நாம் மற்றவர்களைப்பற்றி ஆதாரம் எதுவுமின்றி வீணாகக் குறைபேசித் திரிந்தால் அது அவர்களை உளவியல் ரீதியாக மனதைப் பாதித்து துன்புறுத்துவதாக அமைந்து விடுகின்றது. அவர்கள் தாம் செய்யாத குற்றத்தை செய்ததாக எடுத்துக்காட்டி அவமானப்படுத்துவது,
அவதூறாகவும் பகிரங்க பாவமாகவும். இறைவனிடத்தில் கணிக்கப்படுவதால் அதைவிட்டும் தவிர்ந்து கொள்ள வேண்டும்.
சமூகத்தில் உறவுகளை உறுதிப்படுத்துவதில் அண்ணல் நபி (ஸல்) அவர்களின் போதனையும் சாதனையும் எமக்கு எடுத்துக்காட்டாக அமைவதை பின்வரும் நீண்ட ஹதீஸ் மூலம் உணர்ந்து கொள்ளலாம்.
ரஸ¤லுல்லாஹி (ஸல்) அவர்கள் கூறியதாக அபூ ஹ¤ரைரா (ரலி) அவர்கள் அறிவிக்கிறார்கள். தவறான எண்ணங்களை விட்டும் நான் உங்களை எச்சரிக்கிறேன். ஏனெனில், நிச்சயமாக தவறான எண்ணத்தின் மூலம் பேசப்படும் வார்த்தை பேச்சுக்களில் மிகவும் பொய்யானதாகும்.
மற்றவர்களின் தவறுகளைத் துருவித் துருவித் தேடாதீர்கள். உலக ஆசையில் போட்டிபோட வேண்டாம். தமக்குள் பொறாமை கொள்ள வேண்டாம். தமக்குள் கோபம் கொள்ள வேண்டாம். ஒருவருக்கொருவர் புறக்கணித்து நடக்க வேண்டாம். அல்லாஹ்வின் அடியார்களே! அல்லாஹ் உங்களுக்கு ஏவியது போல நீங்கள் சகோதரர்களாக இருங்கள்.
ஒரு முஸ்லிம் மற்ற முஸ்லிமின் சகோதரராவார். அவருக்கு அநியாயம் செய்ய மாட்டார். அவருக்கு உதவி செய்வதை விட்டு விடவும் மாட்டார். அவரை அற்பமாகக் கருதவும் மாட்டார்.
நெஞ்சைக் காட்டி ‘தக்வா’ இங்கே இருக்கிறது, தக்வா இங்கே இருக்கிறது எனக் கூறிவிட்டு, ஒரு மனிதர் தன் முஸ்லிமான சகோதரரைத் தரக் குறைவாக எண்ணுவதே அவர் கெட்டவராக ஆகுவதற்குப் போதுமானது. ஒவ்வொரு முஸ்லிமுடைய இரத்தமும் மானமும் அவரின் பொருளும் மற்ற முஸ்லிமுக்கு ஹராமாகும். மேலும் நிச்சயம், அல்லாஹ் உங்கள் உடல்களையோ உங்களின் தோற்றத்தையோ பார்ப்பதில்லை. உங்கள் உள்ளங்களையும் செயல்களையுமே பார்க்கிறான் எனத் தொடர்ந்து கூறினார்கள்.
(ஆதாரம்: முஸ்லிம்)
இந்த நீண்ட நபிமொழியிலிருந்து ஒவ்வொரு முஸ்லிமும் மற்ற முஸ்லிமால் புறக்கணிக்கப்படாமல், துன்புறுத்தப்படாமல் இருக்க வேண்டும் என்பதும், முஸ்லிம்கள் அனைவரும் சகோதரர்கள் என்பதும் மிகத் தெளிவாகின்றது. அதனால் ஒருவர் மற்றவரைப்பற்றி குறைகூறித் திரிவது முற்றும் தடையானது என்பது நிரூபணமாகின்றது.
மற்றுமோர் அறிவிப்பில் ஒருவரை ஒருவர் புறக்கணித்துப் பேசாமல் இருக்க வேண்டாம். ஒருவரின் வியாபாரத்தை இரத்து செய்துவிட்டு (தன் பொருளை) விற்க வேண்டாம் என வந்துள்ளது.
ஒருவர் மற்ற முஸ்லிமின் குறைகளை தேட ஆரம்பிப்பது எத்துணை பாதகமானது என்பது நபி (ஸல்) அவர்கள் பின்வருமாறு கூறியுள்ளார்கள்.
ரஸ¤லுல்லாஹி (ஸல்) அவர்கள் கூறக் கேட்டதாக முஆவியா (ரலி) அவர்கள் அறிவிக்கிறார்கள். நீர் முஸ்லிம்களின் குறைகளைத் தேட ஆரம்பித்தால் அவர்களை நீர் கெடுத்துவிடுவீர். அல்லது கெடுக்க நெருங்கி விடுவீர்.” (அபூதாவூத்)
இந்த ஹதீஸிலிருந்து நாம் குறை தேடுவது எத்துணை பாதகமானது என்பது தெளிவாகின்றது. இத்தீய பழக்கத்தை முற்றும் ஒழித்துக்கட்டுவதே எம்மத்தியில் சகோதரத்துவத்தைக் கட்டி எழுப்புவதற்கு வழிமுறையாகும். சகோதரப் பாசம் – உறவு நிலைக்க வேண்டுமாயின் ஒவ்வொருவரும் மற்றவரின் நல்ல பண்புகளை மாத்திரம் மெச்சி உறவு கொள்வது சிறப்பாக அமையும்.
இறுதியாக, இந்தக் குறை தேடுதல் பற்றி நபி (ஸல்) அவர்களின் மற்றுமொரு ஹதீஸ் கவனிக்கத்தக்கது.
இப்னு மஸ்ஊத் (ரலி) அவர்களிடம் ஒருவர் கொண்டு வரப்பட்டார். அவருடைய தாடியிலிருந்து மதுபானத் துளிகள் விழுகின்றன எனக் கூறப்பட்டது.
அதற்கவர்கள் நாம் குறைகளைத் தேடுவது விட்டும் தடுக்கப்பட்டுள்ளோம். எனினும் எங்களிடம் ஏதும் தவறுகள் வெளியானால் அதற்குத் தண்டனை வழங்குவோம் என்று கூறினார். (ஆதாரம் அபூதாவூத்).
எனவே, முஸ்லிம்களாகிய நாம் இஸ்லாத்தின் சமூக வாழ்க்கை முறையை நன்கு அறிந்து, மற்றவர்களுடன் நல்லுறவு பூண்டு, குறை தேடுதல், ஒட்டுக் கேட்டல், குற்றங்காணல் போன்ற தடுக்கப்பட்ட செயல்களை துறந்து நல்லவற்றை நாடி நன்மை பெறும் நோக்குடன் சமூக உறவுகளை ஏற்படுத்தி யாவரும் சகோதரர் களாக வாழ முயற்சிப்போமாக
ஜனாஸா அடக்கம் செய்யப்படும் என்பதற்கான எடுக்கப்படக்கூடிய எல்லா முயற்சிகளையும் எல்லாத் தரப்பினரும் எடுத்திருப்பார்கள்.
எந்த ஒரு முஸ்லிமும் ஒரு ஜனாஸா எரிக்கப்படுவதை அனுமதிக்க மாட்டார்கள்.
முஸ்லிம் அரசியல்வாதிகள்,அகில இலங்கை ஜம்மியதில் உலமா,சட்டத்தரணிகள்,ஆலோசகர்கள்,இணைப்பாளர்கள் இன்னும் யார்,யார் ஈடுபட்டார்களோ அத்தனை முஸ்லிம் சகோதரர்களும் அவரவர் அவரவருக்கு இயலுமான சக்திகளை செல்வாக்ககளை,அவர்களுக்கு தெரிந்த முறைகளுக்கேற்றவாறு. நிச்சயமாக பயன்படுத்தியிருப்பார்கள்.
சர்வதேசம் ஏற்றுக்கொண்ட முறைமையை ஒரு சிறு தேசம் சுகாதார சூழல் தாக்கத்தை காரணம் காட்டி ஜனாஸாவை எரித்துள்ளது.
ஆனால் இங்கே முடிவெடுக்கக் கூடுய தரப்புகள் சர்வதேச வழிகாட்டலையும் விட தன் நாட்டில் வாழும் ஒரு சிறுபான்மை சமூகத்தின் மதக்காப்புரிமையை விட தான் தேர்தல் காலத்தில் பெரும்பான்மை இனத்துக்கு வாக்குறுதி அளித்த "ஒரு தேசம்,ஒரு நீதி" என்ற வாக்குறுதியை நிறைவேற்றும் சந்தர்ப்பமாக பயன்படுத்திக் கொண்டுள்ளது.
இவ்வேளையில் முஸ்லிம் சமூகம் இரண்டு ஜனாஸாக்களின் நல்லடக்கத்தை இழந்துள்ளது.
இன்னும் சில ஜனாஸாக்களின் நல்லடக்கத்தைக் கூட இழக்க நேரிடலாம்(அல்லாஹ் நம்மை காப்பாற்றட்டும்).
ஒருவர் மரணித்து விட்டால் அதற்கான இறுதிக் கடமைகளை செய்ய வேண்டியது உயிரோடு இருக்கும் சமூகத்துக்குண்டான சமூகக் கடமை(பர்ளு கிபாயா) இறந்து போன ஜனாஸாவிற்கு எதுவும் தீங்காக அமையாது,யாவற்றையும் அறிந்தவனும்,பொருந்திக் கொள்பவனும் அல்லாஹ்.
இந்த வேளையில் முஸ்லிம் சமூகம் பொறுமை காக்க வேண்டும்.
உயிரோடு இருக்கின்ற முஸ்லிம் சமூகத்தின் பாதுகாப்பும்,நல்வாழ்வும் சிறப்பாக இருக்க செயட்படுவதும்,எழுதுவதும்,பேசுவதும் நம் ஒவ்வொருவருக்கும் இருக்கின்ற கூட்டுப் பொறுப்பு,சமூகப் பொறுப்பு என உணர்ந்து கொள்ள வேண்டும்.
இந்நிலையில் நமது சமூகத்துக்குள் எவரையும் விமர்சிக்காமல்,குற்றம் கூறாமல் பொறுமையோடு துஆ செய்யுங்கள்.
அதிகாரம் எமது கையில் நாம் எதையும் செய்வோம் என்று இருந்தவர்களை அல்லாஹ் எங்கே,அனுப்பினான்,என்ன செய்தான் என்பதை நம் வாழ்நாள் காலத்துக்குள்ளேயே கண்டிருக்கின்றோம்.
எமது வடக்கின் இனச்சுத்திகரிப்பின் போது,வெளியேற்றப்பட்ட வழியிலே சேற்றுத் தண்ணீரையும்,சாக்கடைத் தண்ணீரையும் சிலரது இறுதி நேரத்தில் பருக்க கண்டிருக்கின்றோம், சந்தூக்கின் தட்டிலே சில நோயாளர்களை உயிரோடு சுமத்து வந்திருக்கின்றோம்.
வெளியேற்றப்பட்டு வரும் வழியிலே,பாதை ஓரங்களிலும் கோயில்களுக்கு அருகாமையிலும் சில ஜனாஸாக்களையும் அடக்கம் செய்திருக்கின்றோம்.
ஆனால் அந்தத் தருணத்திலே முஸ்லிம் சமூகம் சிறு கல்லைத்தானும் திருப்பி எறியவில்லை.
முஹம்மது நபி (ஸல்) அவர்கள் கூறினார்கள்: “பூமியில் உள்ளோர் மீது கருணை காட்டுங்கள், வானத்தில் உள்ளவன் உங்கள் மீது கருணை காட்டுவான்.”
மேலும் கூறினார்கள்: எவர் படைப்பினங்களின் கருணை காட்டவில்லையோ அவன் மீது படைத்தவன் கருணை காட்ட மாட்டான். - (நபிமொழி , சஹீஹ் புஹாரி 6013)
இறைவிசுவாசியின் இதயத்தில் கருணை விசாலமாக இருக்க வேண்டும். அதை தனது குடும்பம், மனைவி, மக்கள், உறவினர்கள் என்ற வட்டத்துக்குள் சுருக்கிக் கொள்ளாமல் சமூகத்தின் அனைத்து மனிதர்களுக்கும் கருணையை விசாலப்படுத்த வேண்டும். ஏனெனில்,முஹம்மது நபி (ஸல்) அவர்கள் அனைத்து மக்களிடமும் கருணையுடன் நடந்து கொள்வதை இறைநம்பிக்கையின் நிபந்தனைகளில் ஒன்றாகக் கூறினார்கள்:
முஹம்மது நபி (ஸல்) அவர்கள் கூறினீார்கள்: “நீங்கள் ஒருவருக்கொருவர் கருணையுடன் நடந்து கொள்ளாதவரை இறைநம்பிக்கை கொண்டவர்களாக மாட்டீர்கள்” என நபி (ஸல்) அவர்கள் கூறியதும், தோழர்கள், “இறைவனின் தூதரே! நாங்கள் அனைவரும் கருணையோடுதான் நடந்து கொள்கிறோம்” என்றார்கள். நபி (ஸல்) அவர்கள் “கருணை என்பது நீங்கள் உங்கள் தோழரிடம் மட்டும் கருணையுடன் நடந்து கொள்வதல்ல. எனினும் அது மக்களிடமும் கருணை காட்டுவதாகும். எல்லோருக்கும் பொதுவான கருணையாகும்” என்று கூறினார்கள். (ஆதார நூல்: முஃஜமுத் தப்ரானி)
இந்தக் கருணை, முஸ்லிமான தனிமனிதரின் இதயத்தில் பொங்கி எழுந்து உலக மக்கள் அனைவரையும் தழுவிக்கொள்ளும். ஒரு முஸ்லிமுடைய உள்ளத்தில் இஸ்லாம் இந்த நேசத்தை உருவாக்கி, இறுதியில் முஸ்லிம் சமுதாயத்தையே இரக்கமுள்ள சமுதாயமாக மாற்றுகிறது. பின்பு என்றென்றும் இந்த சமுதாயத்தில் தூய்மையான அன்பு, சுயநலமின்றி பிறர்நலம் பேணுதல், அழமான இரக்க சிந்தனை ஆகியவைகளின் அலைகள் ஒயாது அடித்துகொண்டே இருக்கும். பகையும் கருணைக்கு தடையல்ல.
இதோ இது குறித்த சில இஸ்லாமிய போதனைகளை திருக்குர்ஆன் மற்றும் நபிமொழிகள் கூறுவதைப் பாருங்கள்!
புனிதப்பள்ளியை விட்டு உங்களைத் தடுத்த சமுதாயத்தார் மீதுள்ள பகைமை, வரம்பு மீறுவதற்கு உங்களைத் தூண்ட வேண்டாம். நன்மையிலும், இறையச்சத்திலும் ஒருவருக்கொருவர் உதவிக் கொள்ளுங்கள்! பாவத்திலும், வரம்பு மீறலிலும் ஒருவருக்கொருவர் உதவிக் கொள்ளாதீர்கள்! அல்லாஹ்வை அஞ்சுங்கள்! அல்லாஹ் கடுமையாகத் தண்டிப்பவன். (திருக்குர்ஆன் 5:2). (அல்லாஹ் என்றால் வணக்கத்திற்குத் தகுதிவாய்ந்த ஒரே இறைவன் என்று பொருள்)
”ஒரு மனிதர் ஒரு பாதை வழியே நடந்து சென்று கொண்டிருந்தபோது அவருக்குக் கடுமையான தாகம் ஏற்பட்டது. அவர் (வழியில்) கிணறு ஒன்றைக் கண்டார். உடனே அதில் இறங்கித் தண்ணீர் குடித்தார். பிறகு (கிணற்றிலிருந்து) அவர் வெளியே வந்தார் அப்போது நாய் ஒன்று தாகத்தால் (தவித்து) நாக்கைத் தொங்கவிட்டபடி ஈரமண்ணை நக்கிக்கொண்டிருப்பதைக் கண்டார். அந்த மனிதர் (தமது மனதுக்குள்) ”எனக்கு ஏற்பட்டதைப் போன்ற அதே (கடுமையான) தாகம் இந்த நாய்க்கும் ஏற்பட்டிருக்கின்றது போலும்!” என்று சொல்லிக்கொண்டார். உடனே (மீண்டும்) அக்கிணற்றில் இறங்கித் (தண்ணீரைத் தோலால் ஆன) தனது காலுறையில் நிரப்பிக்கொண்டு, அதைத் தமது வாயால் கவ்விய படி மேலேறி வந்து அந்த நாய்க்குப் புகட்டினார் அல்லாஹ்☝இதற்கு நன்றியாக அவரை (அவருடைய பாவங்களை) மன்னித்தான்” என்று இறைவனின் இறுதி இறைத்தூதர் முஹம்மது நபி (ஸல்) அவர்கள் கூறினார்கள். (இதைச் செவியுற்ற) மக்கள், ”இறைவனின் தூதரே! இந்த மிருகங்கள் விஷயத்திலும் (அவற்றுக்கு உதவுவதால்) எங்களுக்கு (மறுமையில்) நற்பலன் கிடைக்குமா” என்று கேட்டார்கள். அதற்கு, இறைவனின் தூதர் முஹம்மது நபி(ஸல்) அவர்கள் "(ஆம்;) உயிர் பிராணிகள் ஒவ்வொன்றின் விஷயத்திலும் (அதற்கு உதவி செய்யும்பட்சத்தில் மறுமையில்) அதற்கான நற்பலன் கிடைக்கும்” என்று சொன்னார்கள். (ஸஹீஹ் முஸ்லிம் :4516.)
இறைவனின் இறுதி இறைதூதர் முஹம்மது நபி(ஸல்) அவர்கள் கூறினார்கள்: (முன்னொரு காலத்தில்) ஒரு நாய் கிணறு ஒன்றைச் சுற்றிச்சுற்றி வந்துகொண்டிருந்தது. அது தாகத்தால் செத்துவிடும் நிலையில் இருந்தது . அப்போது பனூ இஸ்ராயீல் சமுதாயத்தின் விபச்சாரிகளில் ஒருத்தி அதைப் பார்த்தாள் உடனே அவள் தனது காலுறையைக் கழற்றி (அதில் தண்ணீரை எடுத்து) அந்த நாய்க்குப் புகட்டினாள். அதன் (ஒரு நற்செயலின்) காரணமாக அவளுக்குப் பாவமன்னிப்பு வழங்கப்பட்டது. (ஸஹீஹ் முஸ்லிம் 4518)
ஆக, அனைத்து மக்கள் மீதும், இன்னும் விலங்குகளுக்கும் கூட இரக்கம் காட்டவேண்டும் என்ற இந்த நற்போதனையை இனி பின்பற்றுவோமாக..!!
இஸ்லாம் என்ற சொல்லிற்கு அமைதி (சாந்தி), சமாதானம், கீழ்படிதல் அல்லது கட்டுப்படுதல் அல்லது முழுமையாக அர்ப்பனித்தல் என்ற பொருளாகும். ஆயினும் மார்க்கத்தில் ‘இஸ்லாம்’ என்பதற்கு ஒருவர் தன்னுடைய விருப்பு வெறுப்புகளை முழுமையாக அவரை படைத்த இறைவனின் கட்டளைகளுக்கு ஏற்ப அர்ப்பனித்தல் என்றே சொல்லப்படும்.. பலர் நினைத்திருப்பது போன்று இஸ்லாம் மார்க்கம் முஹம்மது நபி (ஸல்) அவர்களால் தோற்றுவிக்கப்பட்ட மார்க்கமன்று. ஆதி மனிதர் ஆதாம் (அலை) அவர்கள் முதற்கொண்டு இறைவன் மனதர்களுக்கு நேர்வழிகாட்ட அனுப்பிய நோவா, ஆப்ரஹாம், மோஸஸ், இயேசு போன்ற அனைத்து தூதர்கள் அனைவரும் போதித்த மார்க்கம் தான் இஸ்லாம். இந்த இறைத் தூதர்களின் வரிசையில் கடைசியாக வந்தவர் தான் முஹம்மது நபி (ஸல்) அவர்களாவார்.
முஸ்லிம்கள் என்பவர்கள் யார்?
அகில உலகங்களையும் படைத்து, உணவளித்து பரிபாலித்து வரும் ஒரே இறைவன் அல்லாஹ் என்றும் அவனைத் தவிர வணங்கப்படுவதற்குத் தகுதியான வேறு இறைவன் யாரும் இல்லை என்றும் அவனுடைய படைப்பினங்களான மனிதர்களுக்கு சத்திய நேர்வழி காட்டிட அவன் ஆதி மனிதர் ஆதாம் (அலை) அவர்கள் முதல் தொடராக இறைவன் அனுப்பிய தூதர்களில் முஹம்மது (ஸல்) அவர்கள் இறுதியானவர் என்றும் நம்பிக்கைக் கொண்டு அதன்படி செயல்படுபவர்கள் முஸ்லிம்கள் ஆவர். ஒரே இறைவனை ஏற்றுக்கொண்டவர்களுக்கு இறைவன் சூட்டிய பெயர் முஸ்லிம்கள் என்பதாகும். மாற்று மதத்தவர்கள் அழைப்பது போல முஹம்மதியர்கள் என்று கூறுவது தவறாகும். ஏனென்றால் இம்மார்க்கத்தை முஹம்மது நபி (ஸல்) அவர்கள் புதிதாக உருவாக்கவில்லை. மேலும் கிறிஸ்தவர்கள் இயேசு கிறிஸ்துவை வணங்குவது போன்று முஸ்லிம்கள் முஹம்மது (ஸல்) அவர்களை வணங்குவது இல்லை. முஹம்மது நபி (ஸல்) அவர்கள் இறைத்தூதரின் வரிசையில் வந்த இறுதி தூதரே அன்றி வேறில்லை என முஸ்லிம்கள் நம்பிக்கைக் கொண்டுள்ளனர்.
முஸ்லிம்களின் நம்பிக்கைகள் யாவை?
முஸ்லிம்கள், எவ்வித ஒப்புவமையற்ற ஒரே இறைவன் அல்லாஹ் மீதும், அவனுடைய படைப்பினமான மலக்குகள் (வானவர்கள்) மீதும், அவனுடைய தூதர்கள் மீதும், அவன் அந்த தூதர்கள் வாயிலாக மனிதர்களுக்கு நேர்வழி காட்டிட இறக்கியருளிய வேதங்கள் மீதும், நியாயத் தீர்ப்பு நாள் மீதும், அந்நாளில் மனிதர்கள் இவ்வுலகில் தாங்கள் செய்த வினைகளுக்கு ஏற்ப விசாரிக்கப்பட்டு தீர்ப்பு வழங்கப்படுவார்கள் என்றும் நன்மை தீமையாவும் இறைவன் விதித்த விதியின்படியே நடைபெறுகின்றன என்பதன் மீதும் நம்பிக்கைக் கொண்டிருக்கிறார்கள். முஸ்லிம்கள் இறைவனின் தூதர்களான ஆதம், நோவா, ஆப்ரஹாம், இஸ்மவேல், இஸ்ஹாக், யாக்கோபு, மோஸஸ், ஆருன், டேவிட், சாலமன், ஜோனாஹ் மற்றும் ஜீஸஸ் (அலை) ஆகியோர் மீதும் அவர்களுக்கு அருளப்பட்ட வேதங்களின் மீதும் நம்பிக்கைக் கொண்டிருக்கிறார்கள். இந்த தூதர்களின் தொடரில் இறைவனால் அனுப்பபட்ட இறுதி தூதராக முஹம்மது நபி (ஸல்) அவர்களை ஏற்றுக்கொண்டிருக்கிறார்கள்.
முஸ்லிம்களின் கடவுள் கொள்கை:
அகில உலகங்களையும் படைத்து, உணவளித்து, பரிபாலித்து வருபவன் ஒரே இறைவன் – அவன் தான் அல்லாஹ் அவனைத் தவிர வேறு இறைவன் யாரும் இல்லை அவனைத் தவிர வேறு யாரையும் வணங்கக் கூடாது என்பதாகும். இந்த ஏக இறைவனையே ஆதி மனிதர் ஆதாம் முதற்கொண்டு, நோவா, ஆபிரஹாம், மோஸஸ், இயேசு போன்ற இறைத்தூததர்களும் அவர்களைப் பின்பற்றியவர்களும் வணங்கினர். “அல்லாஹ்” என்ற அரபி சொல்லிற்கு இறைவன் என்பது பொருள். அரபி மொழியைத் தாய் மொழியாக் கொண்டுள்ள கிறிஸ்தவர்களும் இறைவனை அல்லாஹ் என்றே அழைக்கின்றனர். இறைவன் தன்னுடைய இலக்கணங்களாக அவன் இறுதியாக அருளிய வேதம் அல் குர்ஆன் அத்தியாயம் 112 ல் கூறுகிறான்: – (நபியே!) நீர் கூறுவீராக: அல்லாஹ் அவன் ஒருவனே. அல்லாஹ் (எவரிடத்தும்) தேவையற்றவன். அவன் (எவரையும்) பெறவுமில்லை (எவராலும்) பெறப்படவுமில்லை. அன்றியும் அவனுக்கு நிகராக எவரும் இல்லை. இந்த நான்கு வரிகளே இஸ்லாத்தின் அடிப்படைக் கடவுள் கொள்கையாகும்.
இயேசு நாதர் பற்றி முஸ்லிம்கள் என்ன நினைக்கிறார்கள்?
ஆதி மனிதர் ஆதாம் அவர்களின் காலத்திற்கு பின்னர் வந்த மக்கள் நாளடைவில் ஷைத்தானின் தீய சூழ்ச்சிகளில் சிக்கி அவர்களைப் படைத்த ஒரே இறைவனை வணங்குவதற்குப் பதிலாக சிலைகளையும் அவர்களுக்கு முன்னால் வாழ்ந்து மரணித்த நல்லவர்களையும் வணங்கலாயினர். அவர்களுக்கு நேர்வழி காட்டுவதற்காக அவ்வப்போது இறைவன் தொடர்ச்சியாக தூதர்களை அனுப்பிக் கொண்டிருந்தான். இவ்வாறு இறைவன் அனுப்பிய தீர்க்கதரிசிகளில் நோவா, ஆப்ரஹாம், மோஸஸ் போன்றவர்களின் வரிசையில் வந்தவர் தான் இயேசு நாதர் ஆவார். அரபியில் ஈஸா (அலை) என்றைக்கப்படும் இயேசு கிறிஸ்து மீது முஸ்லிம்கள் மிகுந்த மரியாதை வைத்திருக்கின்றனர். ஏனென்றால் கர்த்தராகிய இறைவன் இயேசு நாதர் குறித்து அவர் கண்ணியத்திற்குரிய இறைத்தூதர் என கூறுகிறான். இறைவன் அருளிய இறுதி வேதத்தில்:
இன்னும் (முன்னிருந்த) நபிமார்களுடைய அடிச்சுவடுகளிலேயே மர்யமின் குமாரராகிய ஈஸாவை, அவருக்கு முன் இருந்த தவ்ராத்தை உண்மைப்படுத்துபவராக நாம் தொடரச் செய்தோம்; அவருக்கு நாம் இன்ஜீலையும் கொடுத்தோம்;. அதில் நேர்வழியும் ஒளியும் இருந்தன. அது தனக்கு முன்னிருக்கும் தவ்ராத்தை உண்மைப்படுத்துவதாக இருந்தது. அது பயபக்தியுடையவர்களுக்கு நேர் வழிகாட்டியாகவும் நல்லுபதேசமாகவும் உள்ளது. (இறுதி வேதம் அல்-குர்ஆன் 5:46) மேலும் இன்றைய நவீன கிறிஸ்தவர்கள் கூட நம்பிக்கைக் கொள்ளாதவற்றை இறைவனின் உதவியோடு இயேசு நாதர் பின் வரும் அற்புதங்களை செய்ததாக முஸ்லிம்கள் நம்புகின்றனர். குழந்தையாக இருந்தபோதே பேசினார் களிமண்ணினால் பறவை செய்து அதை பறக்க விட்டார் பிறவிக் குருடரை சுகப்படுத்தினார் வெண்குஷ்டக் காரரை சுகப்படுத்தினார் இறந்தவரை உயிர்பித்தார்.
முஹம்மது நபி (ஸல்) போதித்தது என்ன?
இறைவன் மனிதர்களுக்கு நேர்வழி காட்டிய அனுப்பி வைத்த தீர்க்க தரிசிகளில் கடைசியாக வந்தவர் தான் முஹம்மது நபி (ஸல்) அவர்கள் அவார்கள். நோவா, ஆப்ரஹாம், தாவீது, இயேசு போன்ற தீர்க்க தரிசிகளுக்கு இறைவன் எந்த மார்க்கத்தை போதிப்பதற்காக அருளினானோ அதே மார்க்கத்தையே முஹம்மது நபி (ஸல்) அவர்களுக்கும் அருளினான். பலர் தவறாக எண்ணியிருப்பது போல முஹம்மது நபி அவர்கள் எந்த ஒரு புதிய கொள்கையையோ அல்லது மதத்தையோ தோற்றுவிக்கவில்லை. முஹம்மது நபி (ஸல்) அவர்கள் தமக்கு அருளப்பட்ட இறுதிவேதமான திருக்குர்ஆனின் போதனைகளுக்கு ஏற்ப வாழ்ந்து காட்டி முஸ்லிம்கள் அனைவரும் அவர் வாழ்ந்து காட்டிய வாழ்க்கை முறையைப் பின்பற்றி வாழவேண்டும் என வலியுறுத்திச் சென்றிருக்கிறார்கள். எனவே ஒரே இறைவனை ஏற்றுக்கொண்ட அனைவரும் அவனின் இறுதித்தூதரான முஹம்மது நபி (ஸல்) அவர்களின் வாழ்க்கை நெறிமுறைகளின் படியும், அந்த இறுதி தூதருக்கு அவன் அருளிய இறுதி வேதத்தின் வழிகாட்டுதல்களின் படியும் தமது வாழ்க்கை முறையை அமைத்துக் கொள்ள வேண்டும்.
முஹம்மது (ஸல்) எவ்வாறு இறைத்தூதரானர்?
முஹம்மது நபியவர்கள் (ஸல்) ஹிரா குகையில் தனிமையில் தங்கி தியானித்துக் கொண்டிருக்கும் போது கேப்ரியேல் (அலை) என்ற வானவர் அவர் முன்னிலையில் தோன்றி இறைவனிடமிருந்து வந்த தூதுச் செய்தியை படித்துக்காட்டி நபியவர்களையும் படிக்குமாறு கூறினார். அது முதல் தொடர்ந்தார்போல் 23 ஆண்டுகள் சிறுக சிறுக அல்குர்ஆனின் வசனங்கள் வானவர் கேப்ரியேல் (அலை) அவர்கள் மூலமாக இறைவன் நபியவர்களுக்கு அருளிக் கொண்டிருந்தான். இறைவனின் வசனங்கள் முஹம்மது நபி (ஸல்) அவர்களுக்கு அருளப்பட்டவுடன் நபியவர்களின் தோழர்கள் மூலமாக எழுத்து வடிவில் எழுதி பாதுகாக்கப்பட்டது. குர்ஆன் எதை போதிக்கிறது? தாவீது, மோஸஸ், இயேசு போன்ற தீர்க்கதரிசிகளுக்கு இறைவன் வேதங்களை அருளியது போன்றே அவனுடைய இறுதி தூதரானமுஹம்மது நபிக்கும் தன்னுடைய இறுதி வேதமான அல்குர்ஆனை இறக்கி வைத்தான். மேலும் இறுதிவேதமாகிய அல்குர்ஆன் இதற்கு முன்னாள் வந்த தீர்க்க தரிசிகளுக்கும் வேதங்கள் அருளப்பட்டது என்று நம்பிக்கைக் கொள்ளுமாறு வலியுறுத்துகிறது. இறைவன் அல்குர்ஆன் அத்தியாயம் 2, வசனம் 136 ல் கூறுகிறான்: – (முஃமின்களே!)”நாங்கள் அல்லாஹ்வையும், எங்களுக்கு இறக்கப்பட்ட(வேதத்)தையும்; இப்ராஹீம், இஸ்மாயீல், இஸ்ஹாக், யஃகூப் இன்னும் அவர் சந்ததியினருக்கு இறக்கப்பட்டதையும்; மூஸாவுக்கும், ஈஸாவுக்கும் கொடுக்கப்பட்டதையும் இன்னும் மற்ற நபிமார்களுக்கும் அவர்களின் இறைவனிடமிருந்து கொடுக்கப்பட்டதையும் நம்புகிறோம், அவர்களில் நின்றும் ஒருவருக்கிடையேயும் நாங்கள் வேறுபாடு காட்ட மாட்டோம்; இன்னும் நாங்கள் அவனுக்கே முற்றிலும் வழிபடுகிறோம்” என்று கூறுவீர்களாக. ஒவ்வொரு வேதங்கள் அருளப்பட்ட பின்னரும் அந்தந்த தூதர்களுக்குப் பிறகு வந்த சமூகத்தினர் அந்த வேதங்களில் தமது சொந்தக் கருத்துக்களையும் கற்பனைகளையும் சேர்த்து அதன் புனிதத் தன்மையை மாசுபடுத்தி விட்டனர். இதை இறைவன் அருளிய இறுதிவேதம் உறுதிபடுத்துகிறது: – அற்பக் கிரயத்தைப் பெறுவதற்காகத் தம் கரங்களாலே நூலை எழுதிவைத்துக் கொண்டு பின்னர் அது அல்லாஹ்விடமிருந்து வந்தது என்று கூறுகிறார்களே, அவர்களுக்கு கேடுதான்! அவர்களுடைய கைகள் இவ்வாறு எழுதியதற்காகவும் அவர்களுக்குக் கேடுதான்; அதிலிருந்து அவர்கள் ஈட்டும் சம்பாத்தியத்திற்காகவும் அவர்களுக்குக் கேடுதான்! (குர்ஆன் 2:79) ஆனால் திருக்குர்ஆன் அது அருளப்பட்டு 1425 ஆண்டுகளுக்கும் மேலாகியும் எவ்வித மாற்றத்திற்குள்ளும் உட்படாமல் அது முஹம்மது நபி (ஸல்) அவர்களுக்கு அருளப்பட்டவாறே இன்றும் இருக்கிறது. இறைவன் தான் அருளிய வேதத்தை தாமே பாதுகாப்பதாக கூறியுள்ளான்.
ஹதீஸ் என்றால் என்ன?
இறைவனின் கட்டளையான ‘அல்லாஹ்வின் தூதரிடத்தில் அழகிய முன்மாதிரியிருக்கிறது’ என்ற கட்டளைக்கிணங்க முஹம்மது நபி (ஸல்) அவர்களுடைய வாழக்கையின் ஒவ்வொரு கூற்றுக்களையும், அசைவுகளையும் அவர்களுடைய தோழர்கள் மற்றும் குடும்பத்தார்கள் உண்ணிப்பாக கவனித்து முஹம்மது நபியவர்களை (ஸல்) அவர்களைப் பின்பற்றி வாழ்ந்தனர். நபியவர்களின் (ஸல்) மறைவழற்குப் பின்னர் அவர்களுடைய சொல், செயல் அங்கீகாரம் ஆகியவை தொகுக்கப்பட்டு பாதுகாக்கப்பட்டு வருகிறது. அதையே ஹதீஸ் என்பர். முஸ்லிம்கள் நபியவர்களின் சொல், செயல் மற்றும் அஹ்கீகாரமான ஹதீஸ்களின் மீதும் நம்பிக்கைக் கொண்டு அதன்படி செயல்பட்டு வருகின்றனர்.
இஸ்லாத்தின் ஐம்பெரும் கடமைகள் யாவை?
இஸ்லாத்தின் கடமைகள் ஜந்து. அவைகளாவன: – ஏகத்துவ நம்பிக்கை கொண்டு அதற்கு சான்று பகர்தல் தொழுகையை நிலை நாட்டுதல் ஸகாத் வழங்குதல் ரமலான் மாதம் முழுவதும் நோன்பு நோற்றல் வசதி பெற்றிருப்பின் ஆயுளில் ஒருமுறையேனும் மக்காவிற்குச் சென்று ஹஜ் செய்தல்.
கஃபா என்றால் என்ன?
ஒரே இறைவனை வணங்குவதற்காக கட்டப்பட்ட முதல் இறை ஆலயம் கஃபா ஆகும். இறைவனின் கட்டளைக்கிணங்க இறைத்தூதர் ஆபிரஹாம் அவர்களால் புணர் நிர்மாணம் செய்யப்பட்டு கட்டியெழுப்பப்பட்டது. சவூதி அரேபியா நாட்டில் இருக்கும் மக்கா நகரில் இந்த ஆலயம் அமைந்துள்ளது. முஸ்லிம்கள் அனைவரும் தங்களுக்கு வசதியிருப்பின அவ்வாலயத்தை தரிசித்து ஹஜ் செய்ய வேண்டும் என்பது இஸ்லாத்தின் கடமைகளில் ஒன்றாகும். மனிதனின் மரணம் மற்றும் மறுமை குறித்து இஸ்லாம் என்ன கூறுகிறது? இவ்வுலகில் பிறந்த அனைவரும் மரணிக்கக் கூடியவர்களே என்றும், இந்த வாழ்க்கை ஒரு முறை மடடுமே என்றும் மரணத்திற்குப் பின்னர் நியாயத் தீர்ப்பு நாளில் இறைவன் அனைவரையும் உயிர்பித்து எழச்செய்வான், பின்னர் விசாரணை நடத்தி அவரவர்கள் செய்த வினைகளுக்கு ஏற்ப தண்டனை அல்லது நற்கூலி வழங்குவான். இது தான் மரணம் குறித்து இஸ்லாம் கூறும் கருத்தாகும்.
உலகில் இன்று பரவலாகக் கடைப்பிடிக்கப்படும் மதங்களில் கிட்டத்தட்ட அனைத்துமே அதன் தலைவரின் பெயரைக் கொண்டோ, ஒரு இனத்தை அல்லது நாட்டைக் குறிப்பதாகவோ தான் அமைந்திருக்கின்றன.
உதாரணமாக, கிருஸ்துவ மதம் இயேசு கிருஸ்துவின் பெயரைக் கொண்டுள்ளது. புத்த மதம் கௌதம புத்தரின் பெயரில் அமைந்துள்ளது. யூத மதம் யூதா என்ற ஒரு மூதாதையரின் பெயரில் அமைந்துள்ளது சிந்து நதிக்கு கீழ் வாழும் மக்களை இந்து என்று பூலோகப் பெயரால் அழைக்கப்படுகிறார்கள்.
ஆனால், இஸ்லாம் மட்டும் இதில் விதி விலக்கு. இதன் பெயர் எந்த ஒரு தலைவரையோ, இனத்தையோ, நாட்டையோ குறிப்பது அல்ல. மாறாக, ஒரு முஸ்லிமிடம் (இறை நம்பிக்கையாளனிடம்) இருக்க வேண்டிய தன்மைகளை பிரதிபலிப்பதாகவே இதன் பெயர் அமைந்துள்ளது. இஸ்லாம் என்ற அரபிச் சொல்லின் பொருள் 'அடிபணிதல்', 'கட்டுப்படுதல்' 'கீழ்ப்படிதல்' ஆகியவையாகும். படைப்பாளனாகிய இறைவனின் கட்டளைகளுக்கு முற்றிலும் கட்டுப்பட்டு அவற்றிற்கேற்ப வாழ்க்கையை அமைத்துக் கொள்வதுதான் இஸ்லாம். இஸ்லாம் என்றச் சொல்லுக்கு 'அமைதி' என்றொரு பொருளும் உண்டு. இறைவனின் கட்டளைகளுக்கேற்ப அமையும் வாழ்க்கையில்தான் உடலும் உள்ளமும் அமைதி பெறும் என்பதையே இப்பெயர் குறிப்பதாகக் கொள்ளலாம்.
இந்த முழு உலகத்திற்கும் ஒரே ஒரு இறைவன்!
உலகம் பல நாடுகளாகப் பிரிந்து அதில் வாழும் மக்கள் எத்தனை மொழி பேசினாலும், எத்தனைப் பிரிவுகளாகத் தங்களை வகுத்துக் கொண்டாலும் இவ்வுலகத்தையும் அதிலுள்ளவற்றையும் படைத்து பக்குவப்படுத்தி பரிபாலிப்பது அனைத்துமே அந்த ஒரே இறைவனின் கையில்தான் இருக்கிறது என்ற ஓர் (கடவுள்) இறைக் கொள்கையை நம்பிக்கை கொள்வதாகும். இது தவிர முஸ்லிம் அல்லாத சிலரும் ஒரு கடவுள் கொள்கையை போதித்து இருக்கிறார்கள்; சொல்லியுமிருக்கிறார்கள்; நம்பியுமிருக்கிறார்கள். 'ஒன்றே குலம் ஒருவனே தேவன்' என்ற பழமொழியை நானும் நீங்களும் கேள்விப் பட்டிருக்கிறோம். எனவே, 'ஒருவனே தேவன் என்பது ஒரு புதுக்கொள்கையல்ல. இஸ்லாம் மாத்திரம் போதித்த போதனையுமல்ல. அதிகமானவர்கள் சொல்லி இருக்கிறார்கள். இருந்தும் இஸ்லாம் கூறும் அக்கொள்கைக்கும் மற்றவர்கள் போதித்த கொள்கைக்குமிடையில் பல பெரிய வித்தியாசங்கள் காணப்படுகின்றன. ஒரு கடவுள்தான் உண்டு என்று சொல்லி நிறுத்திகொள்ளாமல் இறைவனுக்கென்று சில இலக்கணங்களை, வரையரைகளை, விதிமுறைகளை முன்வைத்து இவைகளை மீறிச் செயல்படக் கூடாது எனக் கட்டளையிட்டு, ஏனையோரின் கொள்கையிலிருந்து வேறுபட்டுத் திகழ்கிறது இஸ்லாம். இறைவன் என்பவன் எந்தத் தேவையுமற்றவன்.தேவைகளை எதிர்பார்த்து நிற்கும் எப்பொருளும் இறைவனா(கடவுளா)க முடியாது.
உதாரணமாக, மனிதன் சிலவற்றுக்கு காணிக்கை செலுத்துகிறான். இப்படிச் செய்வதன் மூலம் நமது தேவைகளை எதிர்பார்த்து நிற்கும் அப்பொருள் இறைவனாக முடியாது. இறைவன் என்பவன் மனிதர்களின் தேவைகளை நிறைவேற்ற வேண்டுமே தவிர அவர்களிடமிருந்து எதையும் எதிர்பார்க்கக்கூடாது. மனிதர்கள் இறைவனுக்கு எந்த காணிக்கையையும் செலுத்தக்கூடாது. அப்படிச் செய்யும்போது இறைவனை (கடவுளை) பலவீனமானவனாக நாம் ஆக்கி விடுகிறோம். மனிதர்களிடம் நிறைய பலவீனங்கள் காணப்படுவதை நாம் அறிவோம். இளமை முறுக்கோடு எந்த மனிதனும் தொடர்ந்து வாழ்ந்ததில்லை. முதுமை அடைகிறான். நோய் நொடிகளுக்கு ஆளாகிறான். கவலை, துன்பம் போன்றவை அவனை ஆட்கொள்கின்றன.இப்படி பல்வேறு பலவீன நிலைகளை மனிதன் அடைகிறான். இறுதியில் மரணமும் கூட அவனைத் தழுவிக் கொள்கிறது. ஆனால் இறைவன் இவை அனைத்தையும் விட்டு பரிசுத்தமானவன். இறைவன் (கடவுள்) நேற்று இளமை பிடிப்போடு இருந்தான். இன்று வயதாகி விட்டது என்று நாம் கூறினால் நாளை வேறொரு இறைவனை தேட வேண்டிய நிலை ஏற்படும். எனவே, இறைவன் நோய், முதுமை, மறதி, மரணம் போன்ற மனிதனுக்கேற்படுகின்ற உபாதைகள் எதற்குமே உட்படாதவானாக இருக்க வேண்டியது அவசியமாகும்.
நாம் ஒருவரிடம் சென்று நாளைக்குச் திருப்பித் தருவதாகக்கூறி கொஞ்சம் பணம் கடனாகப் பெற்றிருப்போம். பின்னர் அதை மறந்து விடுவோம். சில நாட்களுக்குப் பின் அவன் வந்து கேட்டால் காரணத்தைக் கூறி அதை திருப்பித் தந்துவிடுவோம். இது மனித இயல்பு. இது போன்ற மறதி இறைவனுக்கு உண்டு என நம்புவது எப்படிப் பொருந்தும்? துன்பத்தில் மாட்டிக் கொண்ட ஒருவன் 'இறைவனே (கடவுளே!) என்னைக் காப்பாற்று' என மன்றாடும் வேளையில் இறைவன் தூங்கிக் கொண்டிருந்தான் எனில் இவனது அழைப்புக்கு அவனால் எப்படி பதில் கொடுக்க முடியும்? மனிதர்கள் அனைவருமே ஒரே நேரத்தில் உலகில் தூங்குவதில்லை. இரவில் தூக்கம் வராத ஒருவன் இறைவா! (கடவுளே!) எனக் கூக்குரலிடுகிறான். அதே போல் நோயால் வேதனைப்படுபவன் கதறுவான்.இவைகளை செவிமெடுப்பவனாக இறைவன் இருக்க வேண்டும். எனவே, தூக்கம், மறதி,மலஜலம் கழிப்பது போன்ற அனைத்து பலவீனங்களையும் விட்டு பரிசுத்தமானவனாக இருப்பவனே இறைவனா(கடவுளா)க இருக்க முடியும்! இறைவன் பெண்களுடன் குடும்பம் நடத்துவதாக சில கொள்கை கோட்பாடுகள் கூறுகின்றன. இஸ்லாம் இதை முற்றிலும் மறுக்கிறது. இறைவன் மனைவி, மக்களை விட்டும் தேவையற்றவனாக இருக்க வேண்டும். மனிதனுக்கு இருப்பதைப் போன்று இறைவனுக்கும் இத்தேவைகள் இருக்குமென்றால் தன் அடியார்களான மனிதர்களின் தேவைகளை அவனால் எப்படி நிறைவேற்ற முடியும்? சுருக்கமாகச் சொன்னால் பலவீனமும் தேவையும் இறைவனுக்கு இருக்கவே கூடாது. இதை உள்ளடக்கிய கடவுள் கொள்கையைத்தான் இஸ்லாம் முன் வைக்கிறது. இது இஸ்லாத்தின் கடவுள் கொள்கை பற்றிய இரு முக்கிய நம்பிக்கைகளில் முதலாவதாகும்.
ஒரே கடவுளை அதுவும் நாம் விவரித்த முறையில் ஏன் நம்ப வேண்டும்?
ஏழு,பத்து கடவுள்கள் உண்டு என்று நம்பினால் என்ன குறைந்துவிடும்? நமக்குள் எழுகின்ற இந்த சந்தேகங்களுக்கும் இஸ்லாம் ஒரு தெளிவை முன்வைக்கிறது. ஒன்றுக்கு மேற்ப்பட்ட கடவுள்களை நம்பினால் நமது பகுத்தறிவு செயலிழந்து போகும். மதத்தின் பெயரால் பிழைப்பு நடத்துபவர்களுக்கு இது ஒரு நல்ல வாய்ப்பாக அமைந்து விடும். உதாரணமாக கடவுளுக்கு நாம் செலுத்தும் காணிக்கை விஷயத்தை சற்று உற்று நோக்குவோம். நாம் செலுத்தும் காணிக்கையை கடவுளா பயன்படுத்துகிறான்? இல்லை.நம்மைப் போன்ற ஒருவர் கடவுளுக்குச் செலுத்தப்பட்ட காணிக்கையை எடுத்துச் செல்கிறார். இங்கே நாம் ஏமாற்றப்படுகிறோம். நாம் விரும்பி ஒருவருக்கு இனாமாகக் கொடுப்பது வேறு விஷயம். இறைவனின் (கடவுளின்) பெயரால் ஏமாற்றப்படுவது அநியாயமல்லவா? இறைவன் (கடவுளர்கள்) பல உண்டு என்று நம்புகின்றபோது கடவுளின் பெயராலேயே மனிதர்கள் கூறு போடப்படுபடுகிறார்கள். பிரிவுக்கு இது ஒரு வழி வகுக்கிறது. இறைவன் ஒருவன் தான் என்று சொல்லுகின்ற போது மனிதர்கள் அனைவருமே ஒன்று என்ற கோட்பாடு வலுவடைகிறது. இஸ்லாம் இதைத்தான் சொல்லுகிறது.
மனிதர்களே! நீங்கள் உங்கள் இறைவனுக்குப் பயந்து (நடந்து) கொள்ளுங்கள். அவன் உங்கள் யாவரையும் ஒரே ஆத்மாவிலிருந்து படைத்தான். (ஆரம்பத்தில் அந்த ஒருவரைப் படைத்து) அவரிலிருந்து அவருடைய மனைவியைப் படைத்தான். பின்னர் அவ்விருவரிலிருந்து அநேக ஆண், பெண்களை (வெளிப்படுத்திப்) பரவச் செய்தான். (திருக்குர்ஆன் 4:1)
எல்லா மனிதர்களுக்கும் மூல அடிப்படை (ஆதம், ஹவ்வா என்ற) ஒரு ஆண் பெண்தான் இருக்கிறார்கள். அந்த ஜோடியே இவ்வளவு பெருக்கம் அடைந்து இருக்கிறது. இவர்கள் பல்கிப் பெருகி ஜாதி, மொழி, நாடு ரீதியாக சிதறிப்போய் உள்ளனர். அடிப்படையில் எல்லோரும் ஒன்றுதான். பிறப்பால் உயர்வு, தாழ்வு கிடையாது. முஸ்லிம், இந்து, கிறிஸ்தவர், பௌத்தர், நாத்திகர் யாராயினும் அவர்கள் அனைவரும் ஒரே தாய்க்கும் தந்தைக்கும் பிறந்தவர்களே! அந்த மூல ஜோடியை படைத்தவனே இறைவன் (கடவுள்) என இஸ்லாம் இயம்புகிறது.
SLIBE Official
*வானத்திலிருந்து* *இறக்கப்பட்ட* *இரும்புகள்* !
chat.whatsapp.com/KEqpaqVYUMFJaySAQ0QGQC
சூரியக் குடும்பம் உருவான காலகட்டத்தில் பூமியில் இரும்புக்கான தாதுப் பொருட்களே இல்லை என்றும் அதன் பின்னரே விண்கற்கள் மழையாகப் பொழியப்பட்ட காலத்தில் வானிலிருந்து இந்த இரும்புகள் பூமிக்கு வந்திருக்கின்றன என்று நவீன வானவியல் அறிஞர்கள் கூறுகிறார்கள். இதைப்பற்றி சிறிது விரிவாக பார்ப்போம்.
சூரியக் குடும்பத்தின் ஆற்றல் (Energy of Solar system) இரும்பை உறுவாக்கும் ஆற்றலைப் பெற்றிருக்கவில்லை. இரும்பின் ஒரு அணுவை உருவாக்குவதற்கு இந்த சூரியக் குடும்பத்தின் மொத்த ஆற்றலைப்போல நான்கு மடங்கு ஆற்றல் (Four Times energy of Entire solar System is Required to Produce a Single Atom of Iron) தேவைப்படுகிறது. எனவே பூமியில் உள்ள இரும்புகள் எங்கிருந்தோ வானத்திலிருந்து வந்திருக்க வேண்டும் என்கின்றனர் NASA விண்வெளி ஆராய்ச்சி நிலையத்தைச் சேர்ந்த ஆராய்ச்சியாளர்கள்.
தற்கால அறிவியலாளர்கள், தற்போது பூமியில் காணப்படும் இரும்புகள் 4.5 பில்லியன் ஆண்டுகளுக்கு முன்னால் சூரியனை விடப் பன்மடங்கு பெரிதாகவிருந்த ஒரு நட்சத்திரம் வெடித்துச் சிதறியதால் ஏற்பட்ட துகள்கள் சூரியக் குடும்பத்தில் உள்ள பூமியின் ஈர்ப்பாற்றலினால் இழுக்கப்பட்டு அதனோடு மோதி பூமியில் இரும்புக்கான தாதுப்பொருட்கள் பரவலாக கிடைக்க வழி வகுத்தது என்று கூறுகிறார்கள். (பார்க்கவும் வீடியோ)
இந்த அறிவியலாளர்கள் மேலும் கூறுகையில், ஆரம்பத்தில் இளகிய நிலையில் இருந்த இந்த பூமி தற்போதுள்ள அளவை விட மிகச் சிறியதாக இருந்ததாகவும் இரும்பின் தாதுப்பொருட்கள் அடங்கிய மிகப்பெரிய ஆஸ்ட்ராயிட்ஸ் எனப்படும் விண்கற்கள் 10 க்கும் மேற்பட்டவைகள் பூமியில் மோதியதாகவும் ஒவ்வொரு தடவையும் மோதும் போது பூமி தன் அளவில் பெரியதாக ஆனதாகவும் கூறுகிறார்கள். (பார்க்கவும் வீடியோ)
பூமி, சந்திரன், சூரியன் இவைகளெல்லாம் மிகப்பெரிய வெடிப்பின் மூலம் (Big Bang) தோன்றியது என்பதை நாம் அறிவோம். இவ்வாறு வெடித்துச் சிதறியதால் பூமி, சந்திரன் மற்றும் சூரியன் தோன்றிய அதே நேரத்தில் பல்லாயிரக்கணக்கான சிறியதும், பெரியதுமான விண்கற்கள் (Asteroids and Meteoroids) தோன்றி அவைகளும் இப்பரந்த விண்வெளியில் சுற்றித் திரிகின்றன.
பெரிய கற்கள் ஒன்றோடொன்று மோதிக்கொள்வதால் அவைகள் வெடித்துச்சிதறி புதிய புதிய கற்கள் தோன்றிய வண்ணம் இருக்கின்றன. அவைகள் அவ்வபோது பூமி, சந்திரன் ஈர்ப்பாற்றலினால் இழுக்கப்பட்டு இவைகளின் மீது மோதுகின்றன.
பூமி உருவான காலகட்டத்தில் பூமியின் மீது தொடர்ச்சியாக விண்கல்மாரிகள் பொழிந்தவண்ணமாக இருந்தது. இந்தக் காலகட்டத்தை (Bombardment Period) என்று கூறுவர். விழுந்த கற்களில் பல்வேறு தாதுப்பொருட்கள் இருந்தது. இவ்வாறு விண்ணிலிருந்து வந்த விண்கற்கள்
மூலமாக கிடைத்ததே இந்த பூமியிலுள்ள இரும்புகள் அனைத்தும் என்கின்றனர் வல்லுனர்கள்.
தற்போது அவ்வபோது இந்த மாதிரி விண்ணிலிருந்து விண்கற்கள் மூலமாக இரும்புகள் பூமியை நோக்கி வந்தவண்ணம் இருப்பதாகக் கூறும் விஞ்ஞானிகள் இதற்கு ஆதாரமாக 1947 ஆம் ஆண்டு ரஷ்யாவில் விழுந்த விண்கல்லை (Meteorite) காட்டுகின்றனர். இக்கல்லில் நான்கு சதவிகிதம் நிக்கல் என்ற பொருளும் ஏனைய பெரும்பகுதி இரும்பாகவும் இருந்ததாகக் கூறுகின்றனர்.
பூமியில் காணப்படும் இரும்புகள் அனைத்தும் பூமியில் தாமாகவே உருவாகவில்லை! மாறாக வானத்தில் வேறு எங்கிருந்தோ பூமியை நோக்கி வந்தது என்பது தற்காலத்தில் கண்டுபிடிக்கப்பட்ட விஞ்ஞான உண்மையாகும்.
ஆனால் இந்தப் பேருண்மையை 1400 ஆண்டுகளுக்கு முன்னரே அனைத்துலகங்களைப் படைத்த அந்த இறைவன் உலக மாந்தர்களுக்கெல்லாம் நேர்வழிகாட்டிட அவன் இறக்கியருளிய அவனுடைய சத்தியத் திருவேதத்திலே இதைக் குறித்து குறிப்பிட்டு மக்கள் சித்தித்து தெளிபெறுமாறு அறிவுறுத்துகிறான்.
அல்லாஹ் கூறுகிறான்: -
“நிச்சயமாக நம் தூதர்களைத் தெளிவான அத்தாட்சிகளுடன் அனுப்பினோம்; அன்றியும், மனிதர்கள் நீதியுடன் நிலைப்பதற்காக, அவர்களுடன் வேதத்தையும் (நீதத்தின்) துலாக்கோலையும் இறக்கினோம்; இன்னும், இரும்பையும் இறக்கினோம். அதில் கடும் அபாயம் இருக்கிறது; எனினும் (அதில்) மனிதர்களுக்குப் பல பயன்களும் இருக்கின்றன – (இவற்றின் மூலமாகத்) தனக்கும், தன்னுடைய தூதருக்கும் மறைமுகமாகவும் உதவி செய்பவர் எவர் என்பதையும் (சோதித்து) அறிந்து கொள்வதற்காக அல்லாஹ் (இவ்வாறு அருள்கிறான்); நிச்சயமாக அல்லாஹ் பலம் மிக்கவன், (யாவரையும்) மிகைத்தவன்”(அல்குர்ஆன்: 57:25)
6 years ago | [YT] | 6
View 0 replies
SLIBE Official
https://youtu.be/KKqEGZvqGeY
6 years ago | [YT] | 12
View 1 reply
SLIBE Official
*பிறர் குறை பேசுவதும், ஒற்றுக் கேட்பதும் இஸ்லாத்தில் தடை*
இஸ்லாம் சமூக வாழ்வை சீர்படுத்தும் நோக்குடன் சமூகத்தில் ஒருவர்
மற்றவருடன் எவ்வாறு நடந்துகொள்ள வேண்டும், உறவாட வேண்டும் என்பதுபற்றி
மிகச் சிறப்பான முறையில் ஒழுங்கு முறைகளை வகுத்துக் காட்டுகின்றது.
குறிப்பாக, ஒருவர் மற்றவரின் குறை தேடுவதுபற்றி பின்வருமாறு குர்ஆன்
சுருங்கச்சொல்லி விளங்க வைக்கின்றது. “எவருடைய குறைகளையும் நீங்கள்
துருவித் துருவி விசாரித்துக்கொண்டிருக்க வேண்டாம்.”(49 : 12)
இந்த இறை கட்டளையிலிருந்து நாம் விளங்கிக் கொள்ள வேண்டியது யாதெனில்,
நாம் எந்தச் சந்தர்ப்பத்திலும் எமது அயலவரோ, சகோதரரோ, உறவினரோ, நண்பரோ
ஏதும் குறைகள் விட்டிருப்பின் அந்தக் குறைகள் பற்றி விரிவாக
பலரிடமிருந்து துருவித் துருவி விசாரித்து வீண் பேச்சுக்களை பேசி
பெறுமதியான நேரகாலத்தை வீணாக்குவது அல்லாஹ்விடத்தில் வெறுப்பூட்டக்
கூடியது என்பதாகும்.
மேலும், இந்த வெறுப்பூட்டத்தக்க குறைபேசுதல் பற்றிய மற்றுமொரு குர்ஆன்
ஆயத்தையும் ஈண்டு ஆராய்வது பொருத்தமானது.
“மேலும் விசுவாசங்கொண்ட ஆண்களையும், விசுவாசங்கொண்ட பெண்களையும் அவர்கள்
செய்யாத (குற்றத்)தைச் செய்ததாகக் கூறி துன்புறுத்துகிறார்களே
அத்தகையவர்கள் நிச்சயமாக(ப் பெரும்) அவதூறையும் பகிரங்கமான பாவத்தையும்
சுமந்து கொண்டனர்”(33:58)
இந்தத் திருமறை வசனத்திலிருந்து நாம் மற்றவர்களைப்பற்றி ஆதாரம்
எதுவுமின்றி வீணாகக் குறைபேசித் திரிந்தால் அது அவர்களை உளவியல் ரீதியாக
மனதைப் பாதித்து துன்புறுத்துவதாக அமைந்து விடுகின்றது. அவர்கள் தாம்
செய்யாத குற்றத்தை செய்ததாக எடுத்துக்காட்டி அவமானப்படுத்துவது,
அவதூறாகவும் பகிரங்க பாவமாகவும். இறைவனிடத்தில் கணிக்கப்படுவதால்
அதைவிட்டும் தவிர்ந்து கொள்ள வேண்டும்.
சமூகத்தில் உறவுகளை உறுதிப்படுத்துவதில் அண்ணல் நபி (ஸல்) அவர்களின்
போதனையும் சாதனையும் எமக்கு எடுத்துக்காட்டாக அமைவதை பின்வரும் நீண்ட
ஹதீஸ் மூலம் உணர்ந்து கொள்ளலாம்.
ரஸ¤லுல்லாஹி (ஸல்) அவர்கள் கூறியதாக அபூ ஹ¤ரைரா (ரலி) அவர்கள்
அறிவிக்கிறார்கள். தவறான எண்ணங்களை விட்டும் நான் உங்களை எச்சரிக்கிறேன்.
ஏனெனில், நிச்சயமாக தவறான எண்ணத்தின் மூலம் பேசப்படும் வார்த்தை
பேச்சுக்களில் மிகவும் பொய்யானதாகும்.
மற்றவர்களின் தவறுகளைத் துருவித் துருவித் தேடாதீர்கள். உலக ஆசையில்
போட்டிபோட வேண்டாம். தமக்குள் பொறாமை கொள்ள வேண்டாம். தமக்குள் கோபம்
கொள்ள வேண்டாம். ஒருவருக்கொருவர் புறக்கணித்து நடக்க வேண்டாம்.
அல்லாஹ்வின் அடியார்களே! அல்லாஹ் உங்களுக்கு ஏவியது போல நீங்கள்
சகோதரர்களாக இருங்கள்.
ஒரு முஸ்லிம் மற்ற முஸ்லிமின் சகோதரராவார். அவருக்கு அநியாயம் செய்ய
மாட்டார். அவருக்கு உதவி செய்வதை விட்டு விடவும் மாட்டார். அவரை
அற்பமாகக் கருதவும் மாட்டார்.
நெஞ்சைக் காட்டி ‘தக்வா’ இங்கே இருக்கிறது, தக்வா இங்கே இருக்கிறது எனக்
கூறிவிட்டு, ஒரு மனிதர் தன் முஸ்லிமான சகோதரரைத் தரக் குறைவாக எண்ணுவதே
அவர் கெட்டவராக ஆகுவதற்குப் போதுமானது. ஒவ்வொரு முஸ்லிமுடைய இரத்தமும்
மானமும் அவரின் பொருளும் மற்ற முஸ்லிமுக்கு ஹராமாகும். மேலும் நிச்சயம்,
அல்லாஹ் உங்கள் உடல்களையோ உங்களின் தோற்றத்தையோ பார்ப்பதில்லை. உங்கள்
உள்ளங்களையும் செயல்களையுமே பார்க்கிறான் எனத் தொடர்ந்து கூறினார்கள்.
(ஆதாரம்: முஸ்லிம்)
இந்த நீண்ட நபிமொழியிலிருந்து ஒவ்வொரு முஸ்லிமும் மற்ற முஸ்லிமால்
புறக்கணிக்கப்படாமல், துன்புறுத்தப்படாமல் இருக்க வேண்டும் என்பதும்,
முஸ்லிம்கள் அனைவரும் சகோதரர்கள் என்பதும் மிகத் தெளிவாகின்றது. அதனால்
ஒருவர் மற்றவரைப்பற்றி குறைகூறித் திரிவது முற்றும் தடையானது என்பது
நிரூபணமாகின்றது.
மற்றுமோர் அறிவிப்பில் ஒருவரை ஒருவர் புறக்கணித்துப் பேசாமல் இருக்க
வேண்டாம். ஒருவரின் வியாபாரத்தை இரத்து செய்துவிட்டு (தன் பொருளை) விற்க
வேண்டாம் என வந்துள்ளது.
ஒருவர் மற்ற முஸ்லிமின் குறைகளை தேட ஆரம்பிப்பது எத்துணை பாதகமானது
என்பது நபி (ஸல்) அவர்கள் பின்வருமாறு கூறியுள்ளார்கள்.
ரஸ¤லுல்லாஹி (ஸல்) அவர்கள் கூறக் கேட்டதாக முஆவியா (ரலி) அவர்கள்
அறிவிக்கிறார்கள். நீர் முஸ்லிம்களின் குறைகளைத் தேட ஆரம்பித்தால்
அவர்களை நீர் கெடுத்துவிடுவீர். அல்லது கெடுக்க நெருங்கி விடுவீர்.”
(அபூதாவூத்)
இந்த ஹதீஸிலிருந்து நாம் குறை தேடுவது எத்துணை பாதகமானது என்பது
தெளிவாகின்றது. இத்தீய பழக்கத்தை முற்றும் ஒழித்துக்கட்டுவதே
எம்மத்தியில் சகோதரத்துவத்தைக் கட்டி எழுப்புவதற்கு வழிமுறையாகும்.
சகோதரப் பாசம் – உறவு நிலைக்க வேண்டுமாயின் ஒவ்வொருவரும் மற்றவரின் நல்ல
பண்புகளை மாத்திரம் மெச்சி உறவு கொள்வது சிறப்பாக அமையும்.
இறுதியாக, இந்தக் குறை தேடுதல் பற்றி நபி (ஸல்) அவர்களின் மற்றுமொரு
ஹதீஸ் கவனிக்கத்தக்கது.
இப்னு மஸ்ஊத் (ரலி) அவர்களிடம் ஒருவர் கொண்டு வரப்பட்டார். அவருடைய
தாடியிலிருந்து மதுபானத் துளிகள் விழுகின்றன எனக் கூறப்பட்டது.
அதற்கவர்கள் நாம் குறைகளைத் தேடுவது விட்டும் தடுக்கப்பட்டுள்ளோம்.
எனினும் எங்களிடம் ஏதும் தவறுகள் வெளியானால் அதற்குத் தண்டனை வழங்குவோம்
என்று கூறினார். (ஆதாரம் அபூதாவூத்).
எனவே, முஸ்லிம்களாகிய நாம் இஸ்லாத்தின் சமூக வாழ்க்கை முறையை நன்கு
அறிந்து, மற்றவர்களுடன் நல்லுறவு பூண்டு, குறை தேடுதல், ஒட்டுக் கேட்டல்,
குற்றங்காணல் போன்ற தடுக்கப்பட்ட செயல்களை துறந்து நல்லவற்றை நாடி நன்மை
பெறும் நோக்குடன் சமூக உறவுகளை ஏற்படுத்தி யாவரும் சகோதரர் களாக வாழ
முயற்சிப்போமாக
6 years ago | [YT] | 20
View 2 replies
SLIBE Official
6 years ago | [YT] | 44
View 0 replies
SLIBE Official
முஸ்லிம் சமூகம் பொறுமை காக்கட்டும்.
ஜனாஸா அடக்கம் செய்யப்படும் என்பதற்கான எடுக்கப்படக்கூடிய எல்லா முயற்சிகளையும் எல்லாத் தரப்பினரும் எடுத்திருப்பார்கள்.
எந்த ஒரு முஸ்லிமும் ஒரு ஜனாஸா எரிக்கப்படுவதை அனுமதிக்க மாட்டார்கள்.
முஸ்லிம் அரசியல்வாதிகள்,அகில இலங்கை ஜம்மியதில் உலமா,சட்டத்தரணிகள்,ஆலோசகர்கள்,இணைப்பாளர்கள் இன்னும் யார்,யார் ஈடுபட்டார்களோ அத்தனை முஸ்லிம் சகோதரர்களும் அவரவர் அவரவருக்கு இயலுமான சக்திகளை செல்வாக்ககளை,அவர்களுக்கு தெரிந்த முறைகளுக்கேற்றவாறு. நிச்சயமாக பயன்படுத்தியிருப்பார்கள்.
சர்வதேசம் ஏற்றுக்கொண்ட முறைமையை ஒரு சிறு தேசம் சுகாதார சூழல் தாக்கத்தை காரணம் காட்டி ஜனாஸாவை எரித்துள்ளது.
ஆனால் இங்கே முடிவெடுக்கக் கூடுய தரப்புகள் சர்வதேச வழிகாட்டலையும் விட
தன் நாட்டில் வாழும் ஒரு சிறுபான்மை சமூகத்தின் மதக்காப்புரிமையை விட தான் தேர்தல் காலத்தில் பெரும்பான்மை இனத்துக்கு வாக்குறுதி அளித்த "ஒரு தேசம்,ஒரு நீதி" என்ற வாக்குறுதியை நிறைவேற்றும் சந்தர்ப்பமாக பயன்படுத்திக் கொண்டுள்ளது.
இவ்வேளையில் முஸ்லிம் சமூகம் இரண்டு ஜனாஸாக்களின் நல்லடக்கத்தை இழந்துள்ளது.
இன்னும் சில ஜனாஸாக்களின் நல்லடக்கத்தைக் கூட இழக்க நேரிடலாம்(அல்லாஹ் நம்மை காப்பாற்றட்டும்).
ஒருவர் மரணித்து விட்டால் அதற்கான இறுதிக் கடமைகளை செய்ய வேண்டியது உயிரோடு இருக்கும் சமூகத்துக்குண்டான சமூகக் கடமை(பர்ளு கிபாயா)
இறந்து போன ஜனாஸாவிற்கு எதுவும் தீங்காக அமையாது,யாவற்றையும் அறிந்தவனும்,பொருந்திக் கொள்பவனும் அல்லாஹ்.
இந்த வேளையில் முஸ்லிம் சமூகம் பொறுமை காக்க வேண்டும்.
உயிரோடு இருக்கின்ற முஸ்லிம் சமூகத்தின் பாதுகாப்பும்,நல்வாழ்வும் சிறப்பாக இருக்க செயட்படுவதும்,எழுதுவதும்,பேசுவதும் நம் ஒவ்வொருவருக்கும் இருக்கின்ற கூட்டுப் பொறுப்பு,சமூகப் பொறுப்பு என உணர்ந்து கொள்ள வேண்டும்.
இந்நிலையில் நமது சமூகத்துக்குள் எவரையும் விமர்சிக்காமல்,குற்றம் கூறாமல் பொறுமையோடு துஆ செய்யுங்கள்.
அதிகாரம் எமது கையில் நாம் எதையும் செய்வோம் என்று இருந்தவர்களை அல்லாஹ் எங்கே,அனுப்பினான்,என்ன செய்தான் என்பதை நம் வாழ்நாள் காலத்துக்குள்ளேயே கண்டிருக்கின்றோம்.
எமது வடக்கின் இனச்சுத்திகரிப்பின் போது,வெளியேற்றப்பட்ட வழியிலே சேற்றுத் தண்ணீரையும்,சாக்கடைத் தண்ணீரையும் சிலரது இறுதி நேரத்தில் பருக்க கண்டிருக்கின்றோம்,
சந்தூக்கின் தட்டிலே சில நோயாளர்களை உயிரோடு சுமத்து வந்திருக்கின்றோம்.
வெளியேற்றப்பட்டு வரும் வழியிலே,பாதை ஓரங்களிலும் கோயில்களுக்கு அருகாமையிலும் சில ஜனாஸாக்களையும் அடக்கம் செய்திருக்கின்றோம்.
ஆனால் அந்தத் தருணத்திலே முஸ்லிம் சமூகம் சிறு கல்லைத்தானும் திருப்பி எறியவில்லை.
பொறுமை காத்தது,பாதிக்கப்பட்டவர் களுக்கு உதவிக்கரம் நீட்டியது.பர்ளான தொழுகையிலும்,தஹஜ்ஜதிலும் வல்லவனிடம் கையேந்தியது,
நோன்பிருந்து அல்லாஹ்வை அழைத்தது.எல்லாம் அறிந்த வல்லவன் அல்லாஹ் உரிய நேரத்தில் உரியதை செய்து கொண்டான்.
இப்போதும் நாம் பொறுமையோடு கையேந்துவோம்,நமக்குள் குற்றம் கூறி வஞ்சம் தீர்க்கும் நேரமல்ல இது.
சமூகவலைத்தளங்களூடாகவும், சில ஊடகங்களூடாகவும் திட்டமிட்டு நாம் தனிமை படுத்தப்படுகின்ற நடவடிக்கைகள் தொடர்கின்றன.
பொறுமையோடும் தொழுகையோடும், திக்ரோடும் துஆ செய்யுங்கள்,பொறுப்பு உணர்வோடு செயற்படுங்கள்.
பொறுமையாளர்களோடு அல்லாஹ் இருக்கின்றான் அதனை மறந்து விடாதீர்கள்.
"அஜ்மல் மொஹிடீன்"
6 years ago | [YT] | 25
View 3 replies
SLIBE Official
கருணை காட்டுவோம்
முஹம்மது நபி (ஸல்) அவர்கள் கூறினார்கள்: “பூமியில் உள்ளோர் மீது கருணை காட்டுங்கள், வானத்தில் உள்ளவன் உங்கள் மீது கருணை காட்டுவான்.”
மேலும் கூறினார்கள்:
எவர் படைப்பினங்களின் கருணை காட்டவில்லையோ அவன் மீது படைத்தவன் கருணை காட்ட மாட்டான். - (நபிமொழி , சஹீஹ் புஹாரி 6013)
இறைவிசுவாசியின் இதயத்தில் கருணை விசாலமாக இருக்க வேண்டும். அதை தனது குடும்பம், மனைவி, மக்கள், உறவினர்கள் என்ற வட்டத்துக்குள் சுருக்கிக் கொள்ளாமல் சமூகத்தின் அனைத்து மனிதர்களுக்கும் கருணையை விசாலப்படுத்த வேண்டும். ஏனெனில்,முஹம்மது நபி (ஸல்) அவர்கள் அனைத்து மக்களிடமும் கருணையுடன் நடந்து கொள்வதை இறைநம்பிக்கையின் நிபந்தனைகளில் ஒன்றாகக் கூறினார்கள்:
முஹம்மது நபி (ஸல்) அவர்கள் கூறினீார்கள்:
“நீங்கள் ஒருவருக்கொருவர் கருணையுடன் நடந்து கொள்ளாதவரை இறைநம்பிக்கை கொண்டவர்களாக மாட்டீர்கள்” என நபி (ஸல்) அவர்கள் கூறியதும், தோழர்கள், “இறைவனின் தூதரே! நாங்கள் அனைவரும் கருணையோடுதான் நடந்து கொள்கிறோம்” என்றார்கள். நபி (ஸல்) அவர்கள் “கருணை என்பது நீங்கள் உங்கள் தோழரிடம் மட்டும் கருணையுடன் நடந்து கொள்வதல்ல. எனினும் அது மக்களிடமும் கருணை காட்டுவதாகும். எல்லோருக்கும் பொதுவான கருணையாகும்” என்று கூறினார்கள். (ஆதார நூல்: முஃஜமுத் தப்ரானி)
இந்தக் கருணை, முஸ்லிமான தனிமனிதரின் இதயத்தில் பொங்கி எழுந்து உலக மக்கள் அனைவரையும் தழுவிக்கொள்ளும். ஒரு முஸ்லிமுடைய உள்ளத்தில் இஸ்லாம் இந்த நேசத்தை உருவாக்கி, இறுதியில் முஸ்லிம் சமுதாயத்தையே இரக்கமுள்ள சமுதாயமாக மாற்றுகிறது. பின்பு என்றென்றும் இந்த சமுதாயத்தில் தூய்மையான அன்பு, சுயநலமின்றி பிறர்நலம் பேணுதல், அழமான இரக்க சிந்தனை ஆகியவைகளின் அலைகள் ஒயாது அடித்துகொண்டே இருக்கும். பகையும் கருணைக்கு தடையல்ல.
இதோ இது குறித்த சில இஸ்லாமிய போதனைகளை திருக்குர்ஆன் மற்றும் நபிமொழிகள் கூறுவதைப் பாருங்கள்!
புனிதப்பள்ளியை விட்டு உங்களைத் தடுத்த சமுதாயத்தார் மீதுள்ள பகைமை, வரம்பு மீறுவதற்கு உங்களைத் தூண்ட வேண்டாம். நன்மையிலும், இறையச்சத்திலும் ஒருவருக்கொருவர் உதவிக் கொள்ளுங்கள்! பாவத்திலும், வரம்பு மீறலிலும் ஒருவருக்கொருவர் உதவிக் கொள்ளாதீர்கள்! அல்லாஹ்வை அஞ்சுங்கள்! அல்லாஹ் கடுமையாகத் தண்டிப்பவன். (திருக்குர்ஆன் 5:2).
(அல்லாஹ் என்றால் வணக்கத்திற்குத் தகுதிவாய்ந்த ஒரே இறைவன் என்று பொருள்)
”ஒரு மனிதர் ஒரு பாதை வழியே நடந்து சென்று கொண்டிருந்தபோது அவருக்குக் கடுமையான தாகம் ஏற்பட்டது. அவர் (வழியில்) கிணறு ஒன்றைக் கண்டார். உடனே அதில் இறங்கித் தண்ணீர் குடித்தார். பிறகு (கிணற்றிலிருந்து) அவர் வெளியே வந்தார் அப்போது நாய் ஒன்று தாகத்தால் (தவித்து) நாக்கைத் தொங்கவிட்டபடி ஈரமண்ணை நக்கிக்கொண்டிருப்பதைக் கண்டார். அந்த மனிதர் (தமது மனதுக்குள்) ”எனக்கு ஏற்பட்டதைப் போன்ற அதே (கடுமையான) தாகம் இந்த நாய்க்கும் ஏற்பட்டிருக்கின்றது போலும்!” என்று சொல்லிக்கொண்டார். உடனே (மீண்டும்) அக்கிணற்றில் இறங்கித் (தண்ணீரைத் தோலால் ஆன) தனது காலுறையில் நிரப்பிக்கொண்டு, அதைத் தமது வாயால் கவ்விய படி மேலேறி வந்து அந்த நாய்க்குப் புகட்டினார் அல்லாஹ்☝இதற்கு நன்றியாக அவரை (அவருடைய பாவங்களை) மன்னித்தான்” என்று இறைவனின் இறுதி இறைத்தூதர் முஹம்மது நபி (ஸல்) அவர்கள் கூறினார்கள். (இதைச் செவியுற்ற) மக்கள், ”இறைவனின் தூதரே! இந்த மிருகங்கள் விஷயத்திலும் (அவற்றுக்கு உதவுவதால்) எங்களுக்கு (மறுமையில்) நற்பலன் கிடைக்குமா” என்று கேட்டார்கள். அதற்கு, இறைவனின் தூதர் முஹம்மது நபி(ஸல்) அவர்கள் "(ஆம்;) உயிர் பிராணிகள் ஒவ்வொன்றின் விஷயத்திலும் (அதற்கு உதவி செய்யும்பட்சத்தில் மறுமையில்) அதற்கான நற்பலன் கிடைக்கும்” என்று சொன்னார்கள். (ஸஹீஹ் முஸ்லிம் :4516.)
இறைவனின் இறுதி இறைதூதர் முஹம்மது நபி(ஸல்) அவர்கள் கூறினார்கள்: (முன்னொரு காலத்தில்) ஒரு நாய் கிணறு ஒன்றைச் சுற்றிச்சுற்றி வந்துகொண்டிருந்தது. அது தாகத்தால் செத்துவிடும் நிலையில் இருந்தது . அப்போது பனூ இஸ்ராயீல் சமுதாயத்தின் விபச்சாரிகளில் ஒருத்தி அதைப் பார்த்தாள் உடனே அவள் தனது காலுறையைக் கழற்றி (அதில் தண்ணீரை எடுத்து) அந்த நாய்க்குப் புகட்டினாள். அதன் (ஒரு நற்செயலின்) காரணமாக அவளுக்குப் பாவமன்னிப்பு வழங்கப்பட்டது. (ஸஹீஹ் முஸ்லிம் 4518)
ஆக, அனைத்து மக்கள் மீதும், இன்னும் விலங்குகளுக்கும் கூட இரக்கம் காட்டவேண்டும் என்ற இந்த நற்போதனையை இனி பின்பற்றுவோமாக..!!
மண்ணிலிருப்பவர்களுக்கு கருணை காட்டுங்கள். விண்ணிலிருப்பவன் நமக்கு கருணை காட்டுவான்.
- இறைதூதர் முஹம்மது நபி(ஸல்)
6 years ago | [YT] | 31
View 0 replies
SLIBE Official
இஸ்லாம் அறிமுகம் - அடிப்படை கேள்வி பதில்கள்
இஸ்லாம் என்றால் என்ன?
இஸ்லாம் என்ற சொல்லிற்கு அமைதி (சாந்தி), சமாதானம், கீழ்படிதல் அல்லது கட்டுப்படுதல் அல்லது முழுமையாக அர்ப்பனித்தல் என்ற பொருளாகும். ஆயினும் மார்க்கத்தில் ‘இஸ்லாம்’ என்பதற்கு ஒருவர் தன்னுடைய விருப்பு வெறுப்புகளை முழுமையாக அவரை படைத்த இறைவனின் கட்டளைகளுக்கு ஏற்ப அர்ப்பனித்தல் என்றே சொல்லப்படும்.. பலர் நினைத்திருப்பது போன்று இஸ்லாம் மார்க்கம் முஹம்மது நபி (ஸல்) அவர்களால் தோற்றுவிக்கப்பட்ட மார்க்கமன்று. ஆதி மனிதர் ஆதாம் (அலை) அவர்கள் முதற்கொண்டு இறைவன் மனதர்களுக்கு நேர்வழிகாட்ட அனுப்பிய நோவா, ஆப்ரஹாம், மோஸஸ், இயேசு போன்ற அனைத்து தூதர்கள் அனைவரும் போதித்த மார்க்கம் தான் இஸ்லாம். இந்த இறைத் தூதர்களின் வரிசையில் கடைசியாக வந்தவர் தான் முஹம்மது நபி (ஸல்) அவர்களாவார்.
முஸ்லிம்கள் என்பவர்கள் யார்?
அகில உலகங்களையும் படைத்து, உணவளித்து பரிபாலித்து வரும் ஒரே இறைவன் அல்லாஹ் என்றும் அவனைத் தவிர வணங்கப்படுவதற்குத் தகுதியான வேறு இறைவன் யாரும் இல்லை என்றும் அவனுடைய படைப்பினங்களான மனிதர்களுக்கு சத்திய நேர்வழி காட்டிட அவன் ஆதி மனிதர் ஆதாம் (அலை) அவர்கள் முதல் தொடராக இறைவன் அனுப்பிய தூதர்களில் முஹம்மது (ஸல்) அவர்கள் இறுதியானவர் என்றும் நம்பிக்கைக் கொண்டு அதன்படி செயல்படுபவர்கள் முஸ்லிம்கள் ஆவர். ஒரே இறைவனை ஏற்றுக்கொண்டவர்களுக்கு இறைவன் சூட்டிய பெயர் முஸ்லிம்கள் என்பதாகும். மாற்று மதத்தவர்கள் அழைப்பது போல முஹம்மதியர்கள் என்று கூறுவது தவறாகும். ஏனென்றால் இம்மார்க்கத்தை முஹம்மது நபி (ஸல்) அவர்கள் புதிதாக உருவாக்கவில்லை. மேலும் கிறிஸ்தவர்கள் இயேசு கிறிஸ்துவை வணங்குவது போன்று முஸ்லிம்கள் முஹம்மது (ஸல்) அவர்களை வணங்குவது இல்லை. முஹம்மது நபி (ஸல்) அவர்கள் இறைத்தூதரின் வரிசையில் வந்த இறுதி தூதரே அன்றி வேறில்லை என முஸ்லிம்கள் நம்பிக்கைக் கொண்டுள்ளனர்.
முஸ்லிம்களின் நம்பிக்கைகள் யாவை?
முஸ்லிம்கள், எவ்வித ஒப்புவமையற்ற ஒரே இறைவன் அல்லாஹ் மீதும், அவனுடைய படைப்பினமான மலக்குகள் (வானவர்கள்) மீதும், அவனுடைய தூதர்கள் மீதும், அவன் அந்த தூதர்கள் வாயிலாக மனிதர்களுக்கு நேர்வழி காட்டிட இறக்கியருளிய வேதங்கள் மீதும், நியாயத் தீர்ப்பு நாள் மீதும், அந்நாளில் மனிதர்கள் இவ்வுலகில் தாங்கள் செய்த வினைகளுக்கு ஏற்ப விசாரிக்கப்பட்டு தீர்ப்பு வழங்கப்படுவார்கள் என்றும் நன்மை தீமையாவும் இறைவன் விதித்த விதியின்படியே நடைபெறுகின்றன என்பதன் மீதும் நம்பிக்கைக் கொண்டிருக்கிறார்கள். முஸ்லிம்கள் இறைவனின் தூதர்களான ஆதம், நோவா, ஆப்ரஹாம், இஸ்மவேல், இஸ்ஹாக், யாக்கோபு, மோஸஸ், ஆருன், டேவிட், சாலமன், ஜோனாஹ் மற்றும் ஜீஸஸ் (அலை) ஆகியோர் மீதும் அவர்களுக்கு அருளப்பட்ட வேதங்களின் மீதும் நம்பிக்கைக் கொண்டிருக்கிறார்கள். இந்த தூதர்களின் தொடரில் இறைவனால் அனுப்பபட்ட இறுதி தூதராக முஹம்மது நபி (ஸல்) அவர்களை ஏற்றுக்கொண்டிருக்கிறார்கள்.
முஸ்லிம்களின் கடவுள் கொள்கை:
அகில உலகங்களையும் படைத்து, உணவளித்து, பரிபாலித்து வருபவன் ஒரே இறைவன் – அவன் தான் அல்லாஹ் அவனைத் தவிர வேறு இறைவன் யாரும் இல்லை அவனைத் தவிர வேறு யாரையும் வணங்கக் கூடாது என்பதாகும். இந்த ஏக இறைவனையே ஆதி மனிதர் ஆதாம் முதற்கொண்டு, நோவா, ஆபிரஹாம், மோஸஸ், இயேசு போன்ற இறைத்தூததர்களும் அவர்களைப் பின்பற்றியவர்களும் வணங்கினர். “அல்லாஹ்” என்ற அரபி சொல்லிற்கு இறைவன் என்பது பொருள். அரபி மொழியைத் தாய் மொழியாக் கொண்டுள்ள கிறிஸ்தவர்களும் இறைவனை அல்லாஹ் என்றே அழைக்கின்றனர். இறைவன் தன்னுடைய இலக்கணங்களாக அவன் இறுதியாக அருளிய வேதம் அல் குர்ஆன் அத்தியாயம் 112 ல் கூறுகிறான்: –
(நபியே!) நீர் கூறுவீராக: அல்லாஹ் அவன் ஒருவனே.
அல்லாஹ் (எவரிடத்தும்) தேவையற்றவன்.
அவன் (எவரையும்) பெறவுமில்லை (எவராலும்) பெறப்படவுமில்லை.
அன்றியும் அவனுக்கு நிகராக எவரும் இல்லை.
இந்த நான்கு வரிகளே இஸ்லாத்தின் அடிப்படைக் கடவுள் கொள்கையாகும்.
இயேசு நாதர் பற்றி முஸ்லிம்கள் என்ன நினைக்கிறார்கள்?
ஆதி மனிதர் ஆதாம் அவர்களின் காலத்திற்கு பின்னர் வந்த மக்கள் நாளடைவில் ஷைத்தானின் தீய சூழ்ச்சிகளில் சிக்கி அவர்களைப் படைத்த ஒரே இறைவனை வணங்குவதற்குப் பதிலாக சிலைகளையும் அவர்களுக்கு முன்னால் வாழ்ந்து மரணித்த நல்லவர்களையும் வணங்கலாயினர். அவர்களுக்கு நேர்வழி காட்டுவதற்காக அவ்வப்போது இறைவன் தொடர்ச்சியாக தூதர்களை அனுப்பிக் கொண்டிருந்தான். இவ்வாறு இறைவன் அனுப்பிய தீர்க்கதரிசிகளில் நோவா, ஆப்ரஹாம், மோஸஸ் போன்றவர்களின் வரிசையில் வந்தவர் தான் இயேசு நாதர் ஆவார். அரபியில் ஈஸா (அலை) என்றைக்கப்படும் இயேசு கிறிஸ்து மீது முஸ்லிம்கள் மிகுந்த மரியாதை வைத்திருக்கின்றனர். ஏனென்றால் கர்த்தராகிய இறைவன் இயேசு நாதர் குறித்து அவர் கண்ணியத்திற்குரிய இறைத்தூதர் என கூறுகிறான். இறைவன் அருளிய இறுதி வேதத்தில்:
இன்னும், ஜகரிய்யா, யஹ்யா, ஈஸா, இல்யாஸ் – இவர்கள் யாவரும் (நேர் வழிசார்ந்த) ஸாலிஹானவர்களில் நின்றுமுள்ளவர்களே. (இறுதி வேதம் அல்-குர்ஆன் 6:85)
இன்னும் (முன்னிருந்த) நபிமார்களுடைய அடிச்சுவடுகளிலேயே மர்யமின் குமாரராகிய ஈஸாவை, அவருக்கு முன் இருந்த தவ்ராத்தை உண்மைப்படுத்துபவராக நாம் தொடரச் செய்தோம்; அவருக்கு நாம் இன்ஜீலையும் கொடுத்தோம்;. அதில் நேர்வழியும் ஒளியும் இருந்தன. அது தனக்கு முன்னிருக்கும் தவ்ராத்தை உண்மைப்படுத்துவதாக இருந்தது. அது பயபக்தியுடையவர்களுக்கு நேர் வழிகாட்டியாகவும் நல்லுபதேசமாகவும் உள்ளது. (இறுதி வேதம் அல்-குர்ஆன் 5:46)
மேலும் இன்றைய நவீன கிறிஸ்தவர்கள் கூட நம்பிக்கைக் கொள்ளாதவற்றை இறைவனின் உதவியோடு இயேசு நாதர் பின் வரும் அற்புதங்களை செய்ததாக முஸ்லிம்கள் நம்புகின்றனர். குழந்தையாக இருந்தபோதே பேசினார் களிமண்ணினால் பறவை செய்து அதை பறக்க விட்டார் பிறவிக் குருடரை சுகப்படுத்தினார் வெண்குஷ்டக் காரரை சுகப்படுத்தினார் இறந்தவரை உயிர்பித்தார்.
முஹம்மது நபி (ஸல்) போதித்தது என்ன?
இறைவன் மனிதர்களுக்கு நேர்வழி காட்டிய அனுப்பி வைத்த தீர்க்க தரிசிகளில் கடைசியாக வந்தவர் தான் முஹம்மது நபி (ஸல்) அவர்கள் அவார்கள். நோவா, ஆப்ரஹாம், தாவீது, இயேசு போன்ற தீர்க்க தரிசிகளுக்கு இறைவன் எந்த மார்க்கத்தை போதிப்பதற்காக அருளினானோ அதே மார்க்கத்தையே முஹம்மது நபி (ஸல்) அவர்களுக்கும் அருளினான். பலர் தவறாக எண்ணியிருப்பது போல முஹம்மது நபி அவர்கள் எந்த ஒரு புதிய கொள்கையையோ அல்லது மதத்தையோ தோற்றுவிக்கவில்லை. முஹம்மது நபி (ஸல்) அவர்கள் தமக்கு அருளப்பட்ட இறுதிவேதமான திருக்குர்ஆனின் போதனைகளுக்கு ஏற்ப வாழ்ந்து காட்டி முஸ்லிம்கள் அனைவரும் அவர் வாழ்ந்து காட்டிய வாழ்க்கை முறையைப் பின்பற்றி வாழவேண்டும் என வலியுறுத்திச் சென்றிருக்கிறார்கள். எனவே ஒரே இறைவனை ஏற்றுக்கொண்ட அனைவரும் அவனின் இறுதித்தூதரான முஹம்மது நபி (ஸல்) அவர்களின் வாழ்க்கை நெறிமுறைகளின் படியும், அந்த இறுதி தூதருக்கு அவன் அருளிய இறுதி வேதத்தின் வழிகாட்டுதல்களின் படியும் தமது வாழ்க்கை முறையை அமைத்துக் கொள்ள வேண்டும்.
முஹம்மது (ஸல்) எவ்வாறு இறைத்தூதரானர்?
முஹம்மது நபியவர்கள் (ஸல்) ஹிரா குகையில் தனிமையில் தங்கி தியானித்துக் கொண்டிருக்கும் போது கேப்ரியேல் (அலை) என்ற வானவர் அவர் முன்னிலையில் தோன்றி இறைவனிடமிருந்து வந்த தூதுச் செய்தியை படித்துக்காட்டி நபியவர்களையும் படிக்குமாறு கூறினார். அது முதல் தொடர்ந்தார்போல் 23 ஆண்டுகள் சிறுக சிறுக அல்குர்ஆனின் வசனங்கள் வானவர் கேப்ரியேல் (அலை) அவர்கள் மூலமாக இறைவன் நபியவர்களுக்கு அருளிக் கொண்டிருந்தான். இறைவனின் வசனங்கள் முஹம்மது நபி (ஸல்) அவர்களுக்கு அருளப்பட்டவுடன் நபியவர்களின் தோழர்கள் மூலமாக எழுத்து வடிவில் எழுதி பாதுகாக்கப்பட்டது. குர்ஆன் எதை போதிக்கிறது? தாவீது, மோஸஸ், இயேசு போன்ற தீர்க்கதரிசிகளுக்கு இறைவன் வேதங்களை அருளியது போன்றே அவனுடைய இறுதி தூதரானமுஹம்மது நபிக்கும் தன்னுடைய இறுதி வேதமான அல்குர்ஆனை இறக்கி வைத்தான். மேலும் இறுதிவேதமாகிய அல்குர்ஆன் இதற்கு முன்னாள் வந்த தீர்க்க தரிசிகளுக்கும் வேதங்கள் அருளப்பட்டது என்று நம்பிக்கைக் கொள்ளுமாறு வலியுறுத்துகிறது. இறைவன் அல்குர்ஆன் அத்தியாயம் 2, வசனம் 136 ல் கூறுகிறான்: –
(முஃமின்களே!)”நாங்கள் அல்லாஹ்வையும், எங்களுக்கு இறக்கப்பட்ட(வேதத்)தையும்; இப்ராஹீம், இஸ்மாயீல், இஸ்ஹாக், யஃகூப் இன்னும் அவர் சந்ததியினருக்கு இறக்கப்பட்டதையும்; மூஸாவுக்கும், ஈஸாவுக்கும் கொடுக்கப்பட்டதையும் இன்னும் மற்ற நபிமார்களுக்கும் அவர்களின் இறைவனிடமிருந்து கொடுக்கப்பட்டதையும் நம்புகிறோம், அவர்களில் நின்றும் ஒருவருக்கிடையேயும் நாங்கள் வேறுபாடு காட்ட மாட்டோம்; இன்னும் நாங்கள் அவனுக்கே முற்றிலும் வழிபடுகிறோம்” என்று கூறுவீர்களாக.
ஒவ்வொரு வேதங்கள் அருளப்பட்ட பின்னரும் அந்தந்த தூதர்களுக்குப் பிறகு வந்த சமூகத்தினர் அந்த வேதங்களில் தமது சொந்தக் கருத்துக்களையும் கற்பனைகளையும் சேர்த்து அதன் புனிதத் தன்மையை மாசுபடுத்தி விட்டனர். இதை இறைவன் அருளிய இறுதிவேதம் உறுதிபடுத்துகிறது: –
அற்பக் கிரயத்தைப் பெறுவதற்காகத் தம் கரங்களாலே நூலை எழுதிவைத்துக் கொண்டு பின்னர் அது அல்லாஹ்விடமிருந்து வந்தது என்று கூறுகிறார்களே, அவர்களுக்கு கேடுதான்! அவர்களுடைய கைகள் இவ்வாறு எழுதியதற்காகவும் அவர்களுக்குக் கேடுதான்; அதிலிருந்து அவர்கள் ஈட்டும் சம்பாத்தியத்திற்காகவும் அவர்களுக்குக் கேடுதான்! (குர்ஆன் 2:79)
ஆனால் திருக்குர்ஆன் அது அருளப்பட்டு 1425 ஆண்டுகளுக்கும் மேலாகியும் எவ்வித மாற்றத்திற்குள்ளும் உட்படாமல் அது முஹம்மது நபி (ஸல்) அவர்களுக்கு அருளப்பட்டவாறே இன்றும் இருக்கிறது. இறைவன் தான் அருளிய வேதத்தை தாமே பாதுகாப்பதாக கூறியுள்ளான்.
ஹதீஸ் என்றால் என்ன?
இறைவனின் கட்டளையான ‘அல்லாஹ்வின் தூதரிடத்தில் அழகிய முன்மாதிரியிருக்கிறது’ என்ற கட்டளைக்கிணங்க முஹம்மது நபி (ஸல்) அவர்களுடைய வாழக்கையின் ஒவ்வொரு கூற்றுக்களையும், அசைவுகளையும் அவர்களுடைய தோழர்கள் மற்றும் குடும்பத்தார்கள் உண்ணிப்பாக கவனித்து முஹம்மது நபியவர்களை (ஸல்) அவர்களைப் பின்பற்றி வாழ்ந்தனர். நபியவர்களின் (ஸல்) மறைவழற்குப் பின்னர் அவர்களுடைய சொல், செயல் அங்கீகாரம் ஆகியவை தொகுக்கப்பட்டு பாதுகாக்கப்பட்டு வருகிறது. அதையே ஹதீஸ் என்பர். முஸ்லிம்கள் நபியவர்களின் சொல், செயல் மற்றும் அஹ்கீகாரமான ஹதீஸ்களின் மீதும் நம்பிக்கைக் கொண்டு அதன்படி செயல்பட்டு வருகின்றனர்.
இஸ்லாத்தின் ஐம்பெரும் கடமைகள் யாவை?
இஸ்லாத்தின் கடமைகள் ஜந்து. அவைகளாவன: – ஏகத்துவ நம்பிக்கை கொண்டு அதற்கு சான்று பகர்தல் தொழுகையை நிலை நாட்டுதல் ஸகாத் வழங்குதல் ரமலான் மாதம் முழுவதும் நோன்பு நோற்றல் வசதி பெற்றிருப்பின் ஆயுளில் ஒருமுறையேனும் மக்காவிற்குச் சென்று ஹஜ் செய்தல்.
கஃபா என்றால் என்ன?
ஒரே இறைவனை வணங்குவதற்காக கட்டப்பட்ட முதல் இறை ஆலயம் கஃபா ஆகும். இறைவனின் கட்டளைக்கிணங்க இறைத்தூதர் ஆபிரஹாம் அவர்களால் புணர் நிர்மாணம் செய்யப்பட்டு கட்டியெழுப்பப்பட்டது. சவூதி அரேபியா நாட்டில் இருக்கும் மக்கா நகரில் இந்த ஆலயம் அமைந்துள்ளது. முஸ்லிம்கள் அனைவரும் தங்களுக்கு வசதியிருப்பின அவ்வாலயத்தை தரிசித்து ஹஜ் செய்ய வேண்டும் என்பது இஸ்லாத்தின் கடமைகளில் ஒன்றாகும். மனிதனின் மரணம் மற்றும் மறுமை குறித்து இஸ்லாம் என்ன கூறுகிறது? இவ்வுலகில் பிறந்த அனைவரும் மரணிக்கக் கூடியவர்களே என்றும், இந்த வாழ்க்கை ஒரு முறை மடடுமே என்றும் மரணத்திற்குப் பின்னர் நியாயத் தீர்ப்பு நாளில் இறைவன் அனைவரையும் உயிர்பித்து எழச்செய்வான், பின்னர் விசாரணை நடத்தி அவரவர்கள் செய்த வினைகளுக்கு ஏற்ப தண்டனை அல்லது நற்கூலி வழங்குவான். இது தான் மரணம் குறித்து இஸ்லாம் கூறும் கருத்தாகும்.
6 years ago | [YT] | 10
View 0 replies
SLIBE Official
இஸ்லாம் என்றால் என்ன ?
உலகில் இன்று பரவலாகக் கடைப்பிடிக்கப்படும் மதங்களில் கிட்டத்தட்ட அனைத்துமே அதன் தலைவரின் பெயரைக் கொண்டோ, ஒரு இனத்தை அல்லது நாட்டைக் குறிப்பதாகவோ தான் அமைந்திருக்கின்றன.
உதாரணமாக,
கிருஸ்துவ மதம் இயேசு கிருஸ்துவின் பெயரைக் கொண்டுள்ளது.
புத்த மதம் கௌதம புத்தரின் பெயரில் அமைந்துள்ளது.
யூத மதம் யூதா என்ற ஒரு மூதாதையரின் பெயரில் அமைந்துள்ளது
சிந்து நதிக்கு கீழ் வாழும் மக்களை இந்து என்று பூலோகப் பெயரால் அழைக்கப்படுகிறார்கள்.
ஆனால், இஸ்லாம் மட்டும் இதில் விதி விலக்கு. இதன் பெயர் எந்த ஒரு தலைவரையோ, இனத்தையோ, நாட்டையோ குறிப்பது அல்ல. மாறாக, ஒரு முஸ்லிமிடம் (இறை நம்பிக்கையாளனிடம்) இருக்க வேண்டிய தன்மைகளை பிரதிபலிப்பதாகவே இதன் பெயர் அமைந்துள்ளது. இஸ்லாம் என்ற அரபிச் சொல்லின் பொருள் 'அடிபணிதல்', 'கட்டுப்படுதல்' 'கீழ்ப்படிதல்' ஆகியவையாகும். படைப்பாளனாகிய இறைவனின் கட்டளைகளுக்கு முற்றிலும் கட்டுப்பட்டு அவற்றிற்கேற்ப வாழ்க்கையை அமைத்துக் கொள்வதுதான் இஸ்லாம். இஸ்லாம் என்றச் சொல்லுக்கு 'அமைதி' என்றொரு பொருளும் உண்டு. இறைவனின் கட்டளைகளுக்கேற்ப அமையும் வாழ்க்கையில்தான் உடலும் உள்ளமும் அமைதி பெறும் என்பதையே இப்பெயர் குறிப்பதாகக் கொள்ளலாம்.
இந்த முழு உலகத்திற்கும் ஒரே ஒரு இறைவன்!
உலகம் பல நாடுகளாகப் பிரிந்து அதில் வாழும் மக்கள் எத்தனை மொழி பேசினாலும், எத்தனைப் பிரிவுகளாகத் தங்களை வகுத்துக் கொண்டாலும் இவ்வுலகத்தையும் அதிலுள்ளவற்றையும் படைத்து பக்குவப்படுத்தி பரிபாலிப்பது அனைத்துமே அந்த ஒரே இறைவனின் கையில்தான் இருக்கிறது என்ற ஓர் (கடவுள்) இறைக் கொள்கையை நம்பிக்கை கொள்வதாகும். இது தவிர முஸ்லிம் அல்லாத சிலரும் ஒரு கடவுள் கொள்கையை போதித்து இருக்கிறார்கள்; சொல்லியுமிருக்கிறார்கள்; நம்பியுமிருக்கிறார்கள். 'ஒன்றே குலம் ஒருவனே தேவன்' என்ற பழமொழியை நானும் நீங்களும் கேள்விப் பட்டிருக்கிறோம். எனவே, 'ஒருவனே தேவன் என்பது ஒரு புதுக்கொள்கையல்ல. இஸ்லாம் மாத்திரம் போதித்த போதனையுமல்ல. அதிகமானவர்கள் சொல்லி இருக்கிறார்கள். இருந்தும் இஸ்லாம் கூறும் அக்கொள்கைக்கும் மற்றவர்கள் போதித்த கொள்கைக்குமிடையில் பல பெரிய வித்தியாசங்கள் காணப்படுகின்றன. ஒரு கடவுள்தான் உண்டு என்று சொல்லி நிறுத்திகொள்ளாமல் இறைவனுக்கென்று சில இலக்கணங்களை, வரையரைகளை, விதிமுறைகளை முன்வைத்து இவைகளை மீறிச் செயல்படக் கூடாது எனக் கட்டளையிட்டு, ஏனையோரின் கொள்கையிலிருந்து வேறுபட்டுத் திகழ்கிறது இஸ்லாம். இறைவன் என்பவன் எந்தத் தேவையுமற்றவன்.தேவைகளை எதிர்பார்த்து நிற்கும் எப்பொருளும் இறைவனா(கடவுளா)க முடியாது.
உதாரணமாக, மனிதன் சிலவற்றுக்கு காணிக்கை செலுத்துகிறான். இப்படிச் செய்வதன் மூலம் நமது தேவைகளை எதிர்பார்த்து நிற்கும் அப்பொருள் இறைவனாக முடியாது. இறைவன் என்பவன் மனிதர்களின் தேவைகளை நிறைவேற்ற வேண்டுமே தவிர அவர்களிடமிருந்து எதையும் எதிர்பார்க்கக்கூடாது. மனிதர்கள் இறைவனுக்கு எந்த காணிக்கையையும் செலுத்தக்கூடாது. அப்படிச் செய்யும்போது இறைவனை (கடவுளை) பலவீனமானவனாக நாம் ஆக்கி விடுகிறோம். மனிதர்களிடம் நிறைய பலவீனங்கள் காணப்படுவதை நாம் அறிவோம். இளமை முறுக்கோடு எந்த மனிதனும் தொடர்ந்து வாழ்ந்ததில்லை. முதுமை அடைகிறான். நோய் நொடிகளுக்கு ஆளாகிறான். கவலை, துன்பம் போன்றவை அவனை ஆட்கொள்கின்றன.இப்படி பல்வேறு பலவீன நிலைகளை மனிதன் அடைகிறான். இறுதியில் மரணமும் கூட அவனைத் தழுவிக் கொள்கிறது. ஆனால் இறைவன் இவை அனைத்தையும் விட்டு பரிசுத்தமானவன். இறைவன் (கடவுள்) நேற்று இளமை பிடிப்போடு இருந்தான். இன்று வயதாகி விட்டது என்று நாம் கூறினால் நாளை வேறொரு இறைவனை தேட வேண்டிய நிலை ஏற்படும். எனவே, இறைவன் நோய், முதுமை, மறதி, மரணம் போன்ற மனிதனுக்கேற்படுகின்ற உபாதைகள் எதற்குமே உட்படாதவானாக இருக்க வேண்டியது அவசியமாகும்.
நாம் ஒருவரிடம் சென்று நாளைக்குச் திருப்பித் தருவதாகக்கூறி கொஞ்சம் பணம் கடனாகப் பெற்றிருப்போம். பின்னர் அதை மறந்து விடுவோம். சில நாட்களுக்குப் பின் அவன் வந்து கேட்டால் காரணத்தைக் கூறி அதை திருப்பித் தந்துவிடுவோம். இது மனித இயல்பு. இது போன்ற மறதி இறைவனுக்கு உண்டு என நம்புவது எப்படிப் பொருந்தும்? துன்பத்தில் மாட்டிக் கொண்ட ஒருவன் 'இறைவனே (கடவுளே!) என்னைக் காப்பாற்று' என மன்றாடும் வேளையில் இறைவன் தூங்கிக் கொண்டிருந்தான் எனில் இவனது அழைப்புக்கு அவனால் எப்படி பதில் கொடுக்க முடியும்? மனிதர்கள் அனைவருமே ஒரே நேரத்தில் உலகில் தூங்குவதில்லை. இரவில் தூக்கம் வராத ஒருவன் இறைவா! (கடவுளே!) எனக் கூக்குரலிடுகிறான். அதே போல் நோயால் வேதனைப்படுபவன் கதறுவான்.இவைகளை செவிமெடுப்பவனாக இறைவன் இருக்க வேண்டும். எனவே, தூக்கம், மறதி,மலஜலம் கழிப்பது போன்ற அனைத்து பலவீனங்களையும் விட்டு பரிசுத்தமானவனாக இருப்பவனே இறைவனா(கடவுளா)க இருக்க முடியும்! இறைவன் பெண்களுடன் குடும்பம் நடத்துவதாக சில கொள்கை கோட்பாடுகள் கூறுகின்றன. இஸ்லாம் இதை முற்றிலும் மறுக்கிறது. இறைவன் மனைவி, மக்களை விட்டும் தேவையற்றவனாக இருக்க வேண்டும். மனிதனுக்கு இருப்பதைப் போன்று இறைவனுக்கும் இத்தேவைகள் இருக்குமென்றால் தன் அடியார்களான மனிதர்களின் தேவைகளை அவனால் எப்படி நிறைவேற்ற முடியும்? சுருக்கமாகச் சொன்னால் பலவீனமும் தேவையும் இறைவனுக்கு இருக்கவே கூடாது. இதை உள்ளடக்கிய கடவுள் கொள்கையைத்தான் இஸ்லாம் முன் வைக்கிறது. இது இஸ்லாத்தின் கடவுள் கொள்கை பற்றிய இரு முக்கிய நம்பிக்கைகளில் முதலாவதாகும்.
ஒரே கடவுளை அதுவும் நாம் விவரித்த முறையில் ஏன் நம்ப வேண்டும்?
ஏழு,பத்து கடவுள்கள் உண்டு என்று நம்பினால் என்ன குறைந்துவிடும்? நமக்குள் எழுகின்ற இந்த சந்தேகங்களுக்கும் இஸ்லாம் ஒரு தெளிவை முன்வைக்கிறது. ஒன்றுக்கு மேற்ப்பட்ட கடவுள்களை நம்பினால் நமது பகுத்தறிவு செயலிழந்து போகும். மதத்தின் பெயரால் பிழைப்பு நடத்துபவர்களுக்கு இது ஒரு நல்ல வாய்ப்பாக அமைந்து விடும். உதாரணமாக கடவுளுக்கு நாம் செலுத்தும் காணிக்கை விஷயத்தை சற்று உற்று நோக்குவோம். நாம் செலுத்தும் காணிக்கையை கடவுளா பயன்படுத்துகிறான்? இல்லை.நம்மைப் போன்ற ஒருவர் கடவுளுக்குச் செலுத்தப்பட்ட காணிக்கையை எடுத்துச் செல்கிறார். இங்கே நாம் ஏமாற்றப்படுகிறோம். நாம் விரும்பி ஒருவருக்கு இனாமாகக் கொடுப்பது வேறு விஷயம். இறைவனின் (கடவுளின்) பெயரால் ஏமாற்றப்படுவது அநியாயமல்லவா? இறைவன் (கடவுளர்கள்) பல உண்டு என்று நம்புகின்றபோது கடவுளின் பெயராலேயே மனிதர்கள் கூறு போடப்படுபடுகிறார்கள். பிரிவுக்கு இது ஒரு வழி வகுக்கிறது. இறைவன் ஒருவன் தான் என்று சொல்லுகின்ற போது மனிதர்கள் அனைவருமே ஒன்று என்ற கோட்பாடு வலுவடைகிறது. இஸ்லாம் இதைத்தான் சொல்லுகிறது.
மனிதர்களே! நீங்கள் உங்கள் இறைவனுக்குப் பயந்து (நடந்து) கொள்ளுங்கள். அவன் உங்கள் யாவரையும் ஒரே ஆத்மாவிலிருந்து படைத்தான். (ஆரம்பத்தில் அந்த ஒருவரைப் படைத்து) அவரிலிருந்து அவருடைய மனைவியைப் படைத்தான். பின்னர் அவ்விருவரிலிருந்து அநேக ஆண், பெண்களை (வெளிப்படுத்திப்) பரவச் செய்தான். (திருக்குர்ஆன் 4:1)
எல்லா மனிதர்களுக்கும் மூல அடிப்படை (ஆதம், ஹவ்வா என்ற) ஒரு ஆண் பெண்தான் இருக்கிறார்கள். அந்த ஜோடியே இவ்வளவு பெருக்கம் அடைந்து இருக்கிறது. இவர்கள் பல்கிப் பெருகி ஜாதி, மொழி, நாடு ரீதியாக சிதறிப்போய் உள்ளனர். அடிப்படையில் எல்லோரும் ஒன்றுதான். பிறப்பால் உயர்வு, தாழ்வு கிடையாது. முஸ்லிம், இந்து, கிறிஸ்தவர், பௌத்தர், நாத்திகர் யாராயினும் அவர்கள் அனைவரும் ஒரே தாய்க்கும் தந்தைக்கும் பிறந்தவர்களே! அந்த மூல ஜோடியை படைத்தவனே இறைவன் (கடவுள்) என இஸ்லாம் இயம்புகிறது.
6 years ago | [YT] | 22
View 2 replies
SLIBE Official
நபி முஹம்மத் (ஸல்) அவர்களுக்கு முதலாவது ' வஹி ' இறங்கிய இடம் ??
6 years ago | [YT] | 18
View 0 replies
SLIBE Official
ஒரு முஸ்லிம் சுபஹ் தொழுகையில் கட்டாயம் ஓத வேண்டிய சூரா ???
6 years ago | [YT] | 19
View 1 reply
Load more